ޓަމިލް ނާޑޫއިން ފުރި ރާއްޖެ ދަތުރު ކުރާ ބޯޓެއް ދިޔަވެގެން އެހީތެރިކަން ފޯރުކޮށްދީފި

Jul 1, 2026, 9:14 AM
އެމްވީ ސިއްތާ: މަރާމާތު ކުރަން މިހާރު އޮތީ ޓުޓުކޮރިން ބަނދަރަށް ވައްދާފައި -- ފޮޓޯ: އިންޑިއާ ކޯސްޓްގާޑް

އެމްވީ ސިއްތާ: މަރާމާތު ކުރަން މިހާރު އޮތީ ޓުޓުކޮރިން ބަނދަރަށް ވައްދާފައި -- ފޮޓޯ: އިންޑިއާ ކޯސްޓްގާޑް

އިންޑިއާގެ ޓަމިން ނާޑޫއިން ފުރައިގެން ރާއްޖެ އަންނަ މަސައްކަތް ކުރި މުދާ އުފުލާ ބޯޓެއް ދިޔަވެގެން އިންޑިއާގެ ކޯސްޓްގާޑުން އެހީތެރިކަން ފޯރުކޮށްދީފި އެވެ. 

ދިޔަވީ އިންޑިއާ އާއި ރާއްޖެއާ ދެމެދު ދަތުރު ކުރާ "އެމްވީ ސިއްތާ" އެވެ. އެއީ ކޮމޯރޯސްގެ ދިދައިގެ ދަށުގައި އޮޕަރޭޓު ކުރާ 57 މީޓަރުގެ ބޯޓެކެވެ. އެ ހާދިސާ ހިނގީ މިދިޔަ ހޮނިހިރު ދުވަހު ކަމަށް އިންޑިއާގެ ކޯސްޓްގާޑުން ބުންޏެވެ. 

ބައެއް ނޫސްތަކުގައި ބުނެފައިވާ ގޮތުގައި އެ ބޯޓު ދިޔަވާން ފެށި ހަލްގެ ދެތިން ތަނަކުން ފެން ވަންނަން ފެށުމުންނެވެ. އެ ހިސާބުން ބޯޓުން ކޯސްޓްގާޑުގެ އެހީތެރިކަމަށް އެދުނެވެ.

އެ ހާދިސާގެ ވީޑިއޯ އިންޑިއާގެ ކޯސްޓްގާޑުން ވަނީ އާންމުކޮށްފަ އެވެ. އެއިން ފެންނަ ގޮތުގައި ބޯޓުގެ ހަލްގައި ގާތްގަނޑަކަށް އިންޗިއެއް ވަރުގެ ދެ ލޯވަޅުން ވަރަށް ބާރަށް ފެން ވަންނަ މަންޒަރު ފެނެ އެވެ. 

ކޯސްޓްގާޑުން ވަނީ ބޯޓުގެ ހުރިހާ ފަޅުވެރިން ސަލާމަތްކޮށް، ބޯޓުން ދިޔަ ހިއްކުމުގައި އެހީތެރިކަން ފޯރުކޮށްދީފަ އެވެ. އެއަށްފަހު ބޯޓު މަރާމާތު ކުރުމަށް ޓުޓުކޮރިން ބަނދަރަށް ވަނީ ގެންގޮސްފަ އެވެ. 

މި ނޫހަށް އެނގިފައިވާ ގޮތުގައި ރާއްޖެއަށް ގެންނަން ބަރުކޮށްފައި ހުރި މުދާ އެ ބޯޓުން ވަނީ ސަލާމަތްކޮށްފަ އެވެ. އަދި އެއްވެސް މުދަލަކަށް ލޮނުގެ އަސަރު ނުކުރާކަން ވެސް އެނގިފައިވެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox