މުންނާރު ބެލެހެއްޓުމުގައި ދިމާވާ އެންމެ ބޮޑު ގޮންޖެހުމަކީ ކޮލިޓީ އުވަ ނުލިބުން ކަމަށް ހީނާ ވިދާޅުވެއްޖެ

Jul 1, 2026, 9:53 AM
މިނިސްޓަރު ހީނާ މިއަދުގެ ޖަލްސާގައި ވާހަކަ ދައްކަވަނީ: ވިދާޅުވީ މުންނާރުގައި އުވަލުމުގައި ވެސް ވަރަށް ބޮޑު ދަތިތަކެއް ކުރިމަތިވާ ކަމަށް -- ފޮޓޯ: މަޖިލިސް

މިނިސްޓަރު ހީނާ މިއަދުގެ ޖަލްސާގައި ވާހަކަ ދައްކަވަނީ: ވިދާޅުވީ މުންނާރުގައި އުވަލުމުގައި ވެސް ވަރަށް ބޮޑު ދަތިތަކެއް ކުރިމަތިވާ ކަމަށް -- ފޮޓޯ: މަޖިލިސް

ވެރި ރަށް މާލޭގައި ހުންނަ ހުކުރު މިސްކިތުގެ މުންނާރު ބެލެހެއްޓުމުގައި ދިމާވާ އެންމެ ބޮޑު ގޮންޖެހުމަކީ ކޮލިޓީ އުވަ ނުލިބުން ކަމަށް ސަގާފަތާ ބެހޭ މިނިސްޓަރު ހީނާ ވަލީދު މިއަދު ވިދާޅުވެއްޖެ އެވެ. 

މުންނާރަކީ ހުކުރު މިސްކިތުގެ ބައެއްގެ ގޮތުގައި މީގެ 351 އަހަރު ކުރިން 1675 ވަނަ އަހަރު ބިނާ ކުރި ތަނެކެވެ. މުންނާރު ހަދާފައި ވަނީ ހިރިގަލުންނެވެ. މުންނާރު ބޭރުގައި ހުންނަނީ އުވަ ޖަހައި، ހުދު ކުލަ ލައިފަ އެވެ. 

މުންނާރު ހަޑިވެފައި ހުންނަ މައްސަލައިގައި މިއަދު މަޖިލީހުގައި ސުވާލު ކުރުމުން ހީނާ ވިދާޅުވީ، މުންނާރު ހަޑިވުމުގެ މައިގަނޑު ސަބަބަކީ ކޮލިޓީ އުވާ ނުލިބުމާއި އުވަލުމުގައި ދިމާވާ ދަތިތައް ކަމަށެވެ. 

"މާލޭގެ މުންނާރަކީ ވަކި ގޮތަކަށް ވަކި މިންގަނޑުތަކަކަށް ބަލަހައްޓަމުން އަންނަމުންދާ ތަނެއް. މުންނާރު ބެލެހެއްޓުމުގައި ދިމާވާ އެންމެ ބޮޑު ގޮންޖެހުމަކީ ރަނގަޅު ކޮލިޓީގެ އުވަ ހޯދުން. ދެން މޫސުމީ ބަދަލުތަކުގެ ސަބަބުން ދިމާވާ ގޮންޖެހުންތައް ވެސް ހުރޭ. ދެން އުވަލުމަށްފަހު އުވަ ހިކެން ނަގާ ވަގުތުތަކުގައި ބައެއް ފަހަރު ވިއްސާރަވުމާއި މިކަހަލަ ކަންތައް ވެސް ކުރިމަތިވޭ،" ހީނާ ވިދާޅުވި އެވެ. 

ހީނާ ވިދާޅުވި ގޮތުގައި މުންނާރު ހަޑިކޮށް ހުންނަ ތަން ފެންނަ އަނެއް ސަބަބަކީ އެތަން ބެލެހެއްޓުމުގައި ގެންގުޅެންޖެހޭ ތާވަލުތަކެވެ. ނަމަވެސް މުންނާރު މާ ބޮޑަށް ހަޑިވެއްޖެ ހެރިޓޭޖް އޮފީހުން މުންނާރު ސާފު ކުރާނެ ކަމަށް މިނިސްޓަރު ވިދާޅުވި އެވެ. 

"ހުކުރު މިސްކިތުގެ މުންނާރުގައި އުވަލުމާއި ދޭންޖެހޭ ފަރުވާ ދިނުމާއި މިކަންކަން މި އޮންނަނީ ވަކި މުއްދަތެއްގެ ތެރޭގައި ކުރިއަށްގެންދާ ގޮތަށް،" އޭނާ ވިދާޅުވި އެވެ. 

ހުކުރު މިސްކިތާއި މުންނާރަކީ ވޯލްޑް ހެރިޓޭޖް ސައިޓެއްގެ ގޮތުގައި ޔުނެސްކޯއިން ލިސްޓުކޮށްފަ އެވެ. ހުކުރު މިސްކިތް އެންމެ ފުރަތަމަ ބިނާ ކުރީ 1153 ވަނަ އަހަރުގައި ސުލްތާން މުހައްމަދު ބިން އަބްދުﷲ އެވެ. އޭގެ ފަހުން 1338 ގައި ސުލްތާން އަހުމަދު ޝިހާބުއްދީން އެ މިސްކިތް މަރާމާތު ކުރި އެވެ. މިހާރުގެ ހުކުރު މިސްކިތް ބިނާ ކުރީ ސުލްތާން އިބްރާހިމް އިސްކަންދަރު އެއްވަނައިގެ ރަސްކަމުގަ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox