ނެދަލެންޑްސް، ސްވިޑެން އަދި ޖަޕާން ވެސް ދެ ވަނަ ބުރަށް

Jun 26, 2026, 6:50 AM
ނެދަލެންޑްސްގެ ވެން ހެކާ ލަނޑު ޖެހުމަށް ފަހު އުފާފާޅުކުރަނީ

ނެދަލެންޑްސްގެ ވެން ހެކާ ލަނޑު ޖެހުމަށް ފަހު އުފާފާޅުކުރަނީ

ކަންސަސް ސިޓީ، ޔުނައިޓެޑް ސްޓޭޓްސް (ޖޫން 26) - ފީފާ ވޯލްޑް ކަޕް ފުޓްބޯޅަ މުބާރާތުގައި ގްރޫޕް އެފްގައި ކުޅުނު ފަހު މެޗުތަކަށްފަހު، ނެދަލެންޑްސް އާއި ސްވިޑެން އަދި ޖަޕާން ވެސް މުބާރާތުގެ ގަދަ 32 ޓީމު ވާދަކުރާ ބުރުން ޖާގަ ހޯދައިފި އެވެ. 

ފަހު މެޗުތަކުގެ ނަތިޖާ އަށް ބަލާއިރު، ޓިއުނީޝިއާ އަތުން 3-1 އިން ނެދަލެންޑްސް މޮޅުވިއިރު، ޖަޕާން އާއި ސްވިޑެން ކުޅުނު މެޗު ވަނީ 1-1 އިން އެއްވަރުވެފަ އެވެ.

ގްރޫޕްގެ ތާވަލަށް ބަލާއިރު، ނެދަލެންޑްސް އަށް ވަނީ ހަތް ޕޮއިންޓް ހޯދައިފަ އެެެވެ. ދެ ވަނަ ހޯދި ޖަޕާނަށް ފަސް ޕޮއިންޓް އަދި ތިން ވަނަ އަށް ދިޔަ ޓިއުނީޝިއާ އިން ވަނީ ހަތަރު ޕޮއިންޓް ހޯދައިފަ އެވެ. އަދި، ޓިއުނީޝިއާ ވަނީ ކުޅުނު ތިން މެޗުން ވެސް ބަލިވެ މުބާރާތުން ކަޓައިފަ އެވެ. 

ނެދަލެންޑްސް އިން ރޭގެ މެޗުގެ ހަތް މިނިޓް ތެރޭ ދެ ގޯލު ޖެހި އެވެ. އެ ގޮތުން، މެޗުގެ ދެ ވަަނަ މިނިޓްގައި ނެދަލެންޑްސް އިން ލީޑުނެގީ ޓީއުނީޝިއާގެ އެލްޔެސް ޝިކީރީ އަތުން ބައިކޮޅަށް ވަން ގޯލަކުންނެވެ. އެގެ ފަސް  މިނިޓް ފަހުން، ވާޖލް ވެން ޑައިކް ދިން ބޯޅައެއް ބްރަޔަން ބްރޮބީ ވަނީ ގޯލަށް ފޮނުވާލައިފަ އެެވެ. 

މެޗުގެ އެހާ ކުރީކޮޅުގައި ދެ ގޯލުގެ ލީޑެއް ލިބި ނެދަލެންޑްސް އިން މެދުތެރޭގެ ކޮންްޓްރޯލް ނަގައިގެން ކުޅެމުންދިޔައިރު، ފުރަތަމަ ހާފުގައި އިތުރު ގޯލެއް ޖެހޭގޮތެއްނުވި އެވެ. އެކަމަކު، ދެ ވަނަ ހާފުގެެ ކުޅުން ފަށައިގެން ނުވަ މިނިޓް ތެރޭ ޓިއުނީޝިއާ އިން ލަނޑު ޖެހި އެވެ. މިއީ، 54 ވަނަ މިނިޓްގައި ހަނިބަލް މެޖްބްރީ ދިން ބޯޅައަކުން ހަޒެމް މަސްތޫރީ ޖެހި ގޯލެކެވެ. މި ލަނޑު ޖެހިތާ އަށް މިނިޓް ފަހުން، މެޗުގެ 62 ވަނަ މިނިޓްގައި، ޕައުލް ވެން ހެކާ ވަނީ ނެދަލެންޑްސްގެ ތިން ވަނަ ގޯލު ޖަހައިފަ އެވެ. މިއީ، ޓިޖާނީ ރައިންޑާސް ދިން ބޯޅައަކުން ވެން ހެކާ ޖެހި ގޯލެކެވެ. 

ޖަޕާން އާއި ސްވިޑެން ކުޅުނު މެޗުގެ ފުރަތަމަ ހާފުގައި ދެ ޓީމުގެ ފަރާތުން ވެސް ގޯލެއް ފެނިފައިނުވެ އެވެ. އެކަމަކު، ދެ ވަނަ ހާފުގެ ކުޅުން ފެށިގެން 11 މިނިޓް ތެރޭ ފުރަތަމަ ގޯލު ވަނީ ފެނިގެންގޮސްފަ އެވެ. އެ ގޮތުން، މެޗުގެ 56 ވަނަ މިނިޓްގައި ރިޓްސޫ ޑޯއާން ދިން ބޯޅައަކުން ޑައިޒެން މައޭޑާ ވަނީ ޖަޕާނުގެ ލަނޑު ޖަހައި ލީޑު ހޯދައިދީފަ އެވެ. 

އެކަމަކު، މާ ގިނައިރެއްނުވެ، ޖަޕާނަށް ލީޑުގެއްލި ސްވިޑެން އިން ނަތީޖާ ހަމަހަމަކުރި އެވެ. މިއީ، މެޗުގެ 62 ވަނަ މިނިޓްގައި ވިކްޓަ ޔޯކެރޭޝް ދިން ބޯޅައަކުން އެންތަނީ އެލަންގާ ޖެހި ގޯލެކެވެ. މިއީ، އެލަންގާ މި ފަހަރުގެ ވޯލްޑް ކަޕްގައި ޖެހި ދެ ވަނަ ގޯލެވެ. 

 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox