މެސީ އާއި އާޖެންޓީނާއާ ދެކޮޅަށް ކުޅުން ތަފާތު ކަމަކަށްވާނެ: ރޮނާލްޑޯ

Jun 25, 2026, 3:16 PM
ޕޯޗުގަލްގެ ތަރި ކްރިސްޓިއާނޯ ރޮނާލްޑޯ: ދެ ވަަނަ މެޗުގައި އުޒްބެކިސްތާން ކޮޅަށް ދެ ލަނޑު ޖެހުމުން ހިތްހަމަޖެހޭ ކަމަށް ވަނީ ބުނެފައި.

ޕޯޗުގަލްގެ ތަރި ކްރިސްޓިއާނޯ ރޮނާލްޑޯ: ދެ ވަަނަ މެޗުގައި އުޒްބެކިސްތާން ކޮޅަށް ދެ ލަނޑު ޖެހުމުން ހިތްހަމަޖެހޭ ކަމަށް ވަނީ ބުނެފައި.

ޓެކްސަސް، ޔުނައިޓެޑް ސްޓޭޓްސް (ޖޫން 25) - މި ފަހަރުގެ ފީފާ ވޯލްޑް ކަޕް ފުޓްބޯޅަ މުބާރާތުގައި އެންމެ ފަހުގެ ޗެމްޕިއަން، އާޖެންޓީނާ އާއި އެ ޓީމުގެ ކެޕްޓަން، ލިއޮަނަލް މެސީއާ ދެކޮޅަށް ކުޅުމުގެ ފުރުސަތު ލިބިއްޖެނަމަ އެއީ ތަފާތު ކަމަކަށްވާނެ ކަމަށް ޕޯޗުގަލްގެ ކެޕްޓަން، ކްރިސްޓިއާނޯ ރޮނާލްޑޯ ބުނެފި އެވެ. 

އުޒްބެކިސްތާން އަތުން 5-0 އިން ޕޯޗުގަލް މޮޅުވި މެޗަށް ފަހު، ނޫސްވެރިންގެ ސުވާލުތަކަށް ޖަވާބުދިންއިރު، އުމުރުން 41 އަހަރުގެ ރޮނާލްޑޯ ވަނީ މެސީއާ ގުޅޭގޮތުން ކުރި ބައެއް ސުވާލުތަކަށް ޖަވާބުދޭން ދެކޮޅު ހަދައިފަ އެވެ. އެކަމަކު، މެސީ އާއި އާޖެންޓީނާާއާ ދެކޮޅަށް މި ވޯލްޑް ކަޕްގައި ކުޅެން ޖެހުމާ ބެހޭގޮތުން. ކުރި ސުވާލަށް ރޮނާލްޑޯ ޖަވާބުދިނެވެ. 

"އަސްލު ތި އަށް ޖަވާބު ދޭނެ ގޮތެއް ނޭނގޭ. އެކަމަކު، ތިކަން ވެއްޖިއްޔާ (އާޖެންޓީނާ އާއި މެސީއާ ދެކޮޅަށް ކުޅެން ޖެހިއްޖިއްޔާ) ތަފާތު ކަމަކަށްވާނެ،" ރޮނާލްޑޯ ބުންޏެވެ. 

Advertisement

ޕޯޗުގަލް އާއި އާޖެންޓީނާ އިން ގްރޫޕްގެ އެއް ވަނަ ހޯދައިގެން ނޮކައުޓުބުރަށް ގޮސްފިނަަމަ، ކުއާޓާ ފައިނަލުގައި ދެ ޓީމުގެ ކުރިމަަތިލުމެއް ފެނުމުގެ ފުރުސަތު އެބައޮތެވެ. މި ވަގުތު އާޖެންޓީނާ އޮތީ ކުޅުނު ދެ މެޗުން މޮޅުވެ، ގްރޫޕްގެ އެއް ވަނަ ޓީމުގެ ގޮތުގައި ގަދަ 32 ޓީމުގެ ބުރުން ޖާގަ ހޯދައިގެންނެވެ. އަދި، ޕޯޗުގަލް އިން މި ވަގުތު ގްރޫޕްގެ ދެ ވަނައިގައި އޮތްއިރު، ފަހު މެޗުން ކޮލަމްބިއާ ބަލިކޮށްގެން އެއް ވަނަ ހޯދިދާނެ އެވެ. 

މި ފަހަރުގެ ވޯލްޑް ކަޕްގައި ޕޯޗުގަލް އިން ކުޅުނު ފުރަތަމަ މެޗުގައި ވަނީ ކޮންގޯއާ 1-1 އިން އެއްވަރުވެފަ އެވެ. ދެ ވަނަ މެޗުގައި ރަނގަޅު މޮޅެއް ހޯދައި، ޕޯޗުގަލް އިން ފޯމަކަށް އެޅިފައިވާއިރު، ރޮނާލްޑޯ ބުނީ، ދެ ވަނަ މެޗަށް  ނުކުތްއިރު ޓާގެޓްކުރި ކަންކަން ހާސިލްވުމަކީ ކުރިއަށްދިއުމަށްޓަކައި ލިބުނު ފަސޭހައެއް ކަމަށެވެ. 

"އަނެއް ބުރަށް ދިއުމަށް މޮޅެއް ހޯދަން ޖެހިފައި އޮއްވައި ދެ ވަނަ މެޗުން މި މޮޅުވީ. އެންމެ ބޮޑު އަމާޒެއް މިހާރު ހުރީ ގްރޫޕްގެ އެއް ވަނަ ހޯދަން. އެ މަސައްކަތް ފަހު މެޗުގައި މި ޓީމުން ކުރާނެ،" ރޮނާލްޑޯ ބުންޏެވެ. 

މިއީ، ރޮނާލްޑޯގެ ހަ ވަނަ ވޯލްޑް ކަޕް އެވެ. އޭނާ އަކީ ތަފާތު ހަ ވޯލްޑް ކަޕެއްގައި ލަނޑު ޖެހި ހަމައެކަނި ކުޅުންތެރިޔާ އެެވެ. ރޮނާލްޑޯ ވަނީ ޕޯޗުގަލް ފުރަތަމަ އެގާރަ އަށް އޭނާ ނެގުމާ ބެހޭގޮތުން އަންނަ ފާޑުކިޔުންތަކާ ބެހޭގޮތުން އަމާޒުވި ސުވާލުތަކަށް ވެސް ޖަވާބު ދީފަ އެވެ.

ރޮނާލްޑޯ ބުނީ ޓީމު ނަގާ ގޮތާ މެދު އާންމުންގެ ވިސްނުން ހިއްސާކުރިއިރު، އޭނާ އާއި ކޯޗު ރޮބާޓޯ މާޓިނޭޒަށް އަމާޒުވީ ބޮޑެތި ފާޑުކިޔުންތަކެއް ކަމަށެވެ. 

"އެކަމަކު އެއީ އަހަރެން އެހާ ވިސްނާ ކަމެއް ނޫން. އަހަރެން 23 އަހަރުވެއްޖެ ޕްރޮފެޝަނަލެއް ގޮތަށް މަސައްކަތްކުރާތަން. ކަންކަން ރަނގަޅަށް ދާއިރު އިވޭނީ ކްރިސްޓިއާނޯ ވަރަށް ރަނގަޅޭ. ކަންކަން ގޯސްކޮށްދާއިރު ބުނާނެ ކްރިސްޓިއާނޯ ރިޓަޔާކުރީއޭ. މާ މުސްކުޅި ވެއްޖެއޭ. އެހެން އަބަދުވެސް ވެފައި އޮތީ. ދެން، އެ ކަންކަމަށް ރަނގަޅު ޖަވާބެއް މި ދެވުނީ،" ރޮނާލްޑޯ ބުންޏެވެ. 

މި ފަހަރުގެެ ވޯލްޑް ކަޕްގައި އޭނާ އެންމެ ބޮޑަށް އިސްކަންދޭނީ ކުރިއެކޭ ވެސް އެއްގޮތަށް ޓީމުގެ ކަންކަމަށް ކަމުގައި ރޮނާލްޑޯ ވަނީ ބުނެފަ އެވެ. އަދި، ކުޅުނު ކޮންމެ މެޗެއްގައި ވެސް އޭނާގެ އަމިއްލަ ކަންކަމަށް ވުރެން ޓީމު މޮޅުކޮށްދޭން ބޭނުންވާ ކަމަށް ރޮނާލްޑޯ ވަނީ ބުނެފަ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox