ކޮލިފައިން ބުރަކީ މާޒީ، ބްރެޒިލް ވޯލްޑް ކަޕަށް ތައްޔާރު: އެލިސަން

Jun 12, 2026, 8:01 AM
ބްރެޒިލްގެ ކީޕަރު، އެލިސަން ބެކާ: ވޯލްޑް ކަޕަށް ތައްޔާރުވާން ބްރެޒިލުން ކުރިއަށްގެންދިޔަ ޓްރެއިނިންއެއްގެ ތެރެއިން.

ބްރެޒިލްގެ ކީޕަރު، އެލިސަން ބެކާ: ވޯލްޑް ކަޕަށް ތައްޔާރުވާން ބްރެޒިލުން ކުރިއަށްގެންދިޔަ ޓްރެއިނިންއެއްގެ ތެރެއިން.

ނިއު ޖާޒީ، ޔުނައިޓެޑް ސްޓޭޓްސް (ޖޫން 12) - ފީފާ ވޯލްޑް ކަޕް ފުޓްބޯޅަ މުބާރާތަށް މި ފަހަރު ކޮލިފައިވުމަށް ބްރެޒިލުން އުނދަގޫ ދަތުރެއް ކުރަން ޖެހުނު ކަމުގައި ވިޔަސް މުބާރާތުގެ ފުރަތަމަ މެޗަށް އެ ޓީމު އޮތީ ވަރަށް ރަނގަޅަށް ތައްޔާރުވެފައި ކަމަށް ބްރެޒިލްގެ ކީޕަރު، އެލިސަން ބެކާ ބުނެފި އެވެ. 

ބްރެޒިލަކީ ފީފާ ވޯލްޑް ކަޕްގެ ހުރިހާ ފަހަރެއްގައި ވާދަކުރި ހަމައެކަނި ޓީމެވެ. އެެހެން ނަމަވެސް، ފީފާ ވޯލްޑް ކަޕްގެ ޗެމްޕިއަންކަން ފަސް ފަހަރު ހޯދި ބްރެޒިލަށް މި ފަހަރުގެ ވޯލްޑް ކަޕަށް ކުރިމަތިލާން އުނދަގޫތަކެއް ކުރިމަތިވި އެވެ. އެ ގޮތުން، އެ ޓީމަށް ދެކުނު އެމެރިކާގެ ވޯލްޑް ކަޕް ކޮލިފައިން ބުރު ނިންމާލަން ޖެހުނީ، ފަސް ވަނައިގަ އެވެ. އެއީ، އާޖެންޓީނާ، އެކުއެޑޯ، ކޮލަމްބިއާ އަދި އުރުގުއޭ ފަހަތުންނެވެ. 

އުމުރުން 33 އަހަރުގެ އެލިސަން ބުނީ، ކޮލިފައިން އަކީ މާޒީ ކަމަށާއި އެންމެ މުހިންމު ކަމަކީ ވޯލްޑް ކަޕަށް ކޮލިފައިވެ، މުބާރާތުގައި ކުޅޭ ފުރަތަމަ މެޗުން ފެށިގެން ރަނގަޅު ލެވަލެއްގައި ތައްޔާރުވެ ހުރުން ކަމަށެވެ. 

Advertisement

"އެންމެ މުހިންމު ކަމަކީ ވޯލްޑް ކަޕަށް ތައްޔާރުވުމަށް ކުރާ މަސައްކަތް، ފުރަތަަމަ މެޗަށް ވެސް ކިހާ ފުރިހަމަ އަކަށްތޯ ތައްޔާރަށް ތިބީ. އަހަރެމެން ޔަގީނުން ވެސް މި ތިބީ ތައްޔާރަށް،" އެލިސަން ބުންޏެވެ. 

ލިވަޕޫލްގައި މިދިޔަ ސީޒަނަކީ އެލިސަން އަށް އަނިޔާގެ ގިނަ މައްސަލަތަކެއް ކުރިމަތިވި ފަަހަރެކެވެ. އެލިސަން ބުނީ، މި ވަގުތުގެ ހާލަތަށް ބަލާނަމަ، އޭނާ ހުރީ ފުރިހަމަ އަށް މެޗު ކުޅެވޭ ހާލަތުގައި ތައްޔާރަށް ކަމަށެވެ. އަދި، ތިން ވަނަ ވޯލްޑް ކަޕެއްގައި ބްރެޒިލް ޓީމަށް ކުޅުމަކީ ކެރިއަރުގައި ވަރަށް ހާއްސަ ކަމެއް ގޮތުގައި އެލިސަން ވަނީ ފާހަގަކޮށްފަ އެވެ. 

ސަތޭކަ އަހަރު ތެރޭ ބްރެޒިލުން ފުރަތަމަ ފަހަރަށް އެ ގައުމުން ބޭރުން ގައުމީ ޓީމަށް ގެނައި ކޯޗަކީ އިޓަލީގެ ތަޖުރިބާކާރު ކޯޗު ކާލޯ އަންޗެލޮޓީ އެވެ. އެލިސަން ބުނީ، އަންޗެލޮޓީ ފަދަ ކޯޗަކާ އެކު ބޮޑު މުބާރާތެއްގައި ވާދަކުރުމަކީ ވަރަށް ގިނަ ތަޖުރިބާތަކެއް ލިބިގެންދާނެ ކަމެއް ކަމަށާއި ބްރެޒިލުން ބޭނުންވާ މިސްރާބުން އަންޗެލޮޓީގެ ކޯޗުކަމުގައި ދެވޭނެ ކަމުގެ އިތުބާރު ޓީމުގެ ކުޅުންތެރިންނަށް ވެސް އެބައޮތް ކަމަށެވެ. 

ބްރެޒިލުން ވޯލްޑް ކަޕް ކާމިޔާބުކުރީ މީގެ 24 އަހަރު ކުރިން، 2002 ވަނަ އަހަރު ދެކުނު ކޮރެއާ އާއި ޖަޕާންގައި ބޭއްވި މުބާރާތުގަ އެވެ. އޭގެ ފަހުން އެ ޓީމަށް ވޯލްޑް ކަޕް ކާމިޔާބުކުރެވިފައިނުވާއިރު، މި ފަހަރު އަންޗެލޮޓީއާ އެކު އެ ޓީމު ނުކުންނަނީ ތަފާތު ދެއްކުމަށެވެ. އެލިސަން ބުނީ، އަންޗެލޮޓީ މައިގަނޑު ކަމެއްގެ ގޮތުގައި މަސައްކަތްކުރަނީ ޑިފެންސް ރަނގަޅުކުރަން ކަމަށާއި ސަބަަބަކީ ޓީމުގެ ކުޅުންތެރިންގެ ކޮލިޓީ އަށް ބަލާއިރު، ގޯލު ޖެހުމަކީ އެ ޓީމަށް މާ އުނދަގޫވާނެ ކަމެއްގެ ގޮތުގައި ނުފެންނަ ކަމަށެވެ.  

ބްރެޒިލުން ވޯލްޑް ކަޕްގައި ކުޅޭ ފުރަތަމަ މެޗުގައި ޖޫން 13 ވަނަ ދުވަހު ބައްދަލުކުރާނީ އެފްރިކާގެ ޗެމްޕިއަން، މޮރޮކޯއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox