ތިން ރަތް ކާޑު ފެނުނު މެޗުން ދެކުނު އެފްރިކާ ބަލިކޮށް މެކްސިކޯ އިން މޮޅަކުން ވޯލްޑް ކަޕް ފަށައިފި

Jun 12, 2026, 2:03 AM
ފީފާ ވޯލްޑް ކަޕްގެ ފުރަތަމަ މެޗުގައި މެކްސިކޯ އާއި ސައުތު އެފްރިކާ ބައްދަލުކުރަނީ.----

ފީފާ ވޯލްޑް ކަޕްގެ ފުރަތަމަ މެޗުގައި މެކްސިކޯ އާއި ސައުތު އެފްރިކާ ބައްދަލުކުރަނީ.----

މެކްސިކޯ ސިޓީ، މެކްސިކޯ (ޖޫން 12) - ދެ ކުޅުންތެރިން މަދުކޮށް މެޗު ނިންމާލަން ޖެހުނު ދެކުނު އެފްރިކާ 1-0 އިން ބަލިކޮށް މި ފަހަރުގެ ފީފާ ވޯލްޑް ކަޕް ބާއްވާ އެއް ގައުމު ކަމަށްވާ، މެކްސިކޯ އިން މޮޅަކުން މުބާރާތް ފަށައިފި އެވެ. 

މީގެ 16 އަހަރު ކުރިން، 2010 ވަަނަ އަހަރު ދެކުނު އެފްރިކާގައި ވޯލްޑް ކަަޕް ހޯސްޓްކުރިއިރު، ފުރަތަަމަ މެޗުގައި ދެކުނު އެފްރިިކާ އާއި މެކްސިކޯ ކުޅެގެން ވީ އެއްވަރެވެ.

އެކަމަކު، މި ފަހަރުގެ ވޯލްޑް ކަޕްގައި މެކްސިކޯ އިން މި ވަނީ ފުރަތަމަ މެޗުގައި ދެކުނު އެފްރިކާ ބަލިކޮށްފަ އެވެ. 

މަޝްހޫރު އަޒްޓެކާ ސްޓޭޑިއަމްގައި، 80،000 އަށް ވުރެން ގިނަ ސަޕޯޓަރުންގެ ކުރިމަތީގައި ކުރިއަށްދިޔަ ފޯރިގަދަ ހުޅުވުމުގެ ރަސްމިއްޔާތަކަށް ފަހު، ފެށި މެޗުގައި ފުުރަތަމަ މިނިޓުން ފެށިގެން މެކްސިކޯ އިން ވަނީ ދެކުނު އެފްރިކާ އަށް ނުރައްކާ ކުރަން ފަށައިފަ އެވެ. 

އެ ގޮތުން, މެކްސިކޯގެ ފޯވާޑް، ރައުލް ހިމެނޭޒް ފޮނުވާލި ބޯޅައެއް ސައުތު އެފްރިކާ ކީޕަރު، ރޮންވެން ވިލިއަމްސް ވަނީ މަތަކޮށްފަ އެވެ. އެކަމަކު، މެޗުގެ ނުވަ ވަނަ މިނިޓްގައި ވިލިއަމްސް ހެދި ގޯހެއްގެ ފައިދާނަގައި، ޖޫލިއަން ކުއިނޯނޭސް ވަނީ ގޯލުގެ ތެރެއަށް ބޯޅަ ފޮނުވާލައިފަ އެވެ. 

ފީފާ ވޯލްޑް ކަޕްގެ ފުރަތަމަ މެޗުގައި މެކްސިކޯ އާއި ސައުތު އެފްރިކާ ބައްދަލުކުރަނީ: މި މެޗުގައި މެކްސިކޯގެ ފުރަތަަމަ ލަނޑު ޖެހި ކުއިނޯނޭސް ލަނޑު ޖެހުމަށް ފަހު އުފާފާޅުކުރަނީ
ފީފާ ވޯލްޑް ކަޕްގެ ފުރަތަމަ މެޗުގައި މެކްސިކޯ އާއި ސައުތު އެފްރިކާ ބައްދަލުކުރަނީ: މި މެޗުގައި މެކްސިކޯގެ ފުރަތަަމަ ލަނޑު ޖެހި ކުއިނޯނޭސް ލަނޑު ޖެހުމަށް ފަހު އުފާފާޅުކުރަނީ

ފުރަތަމަ ހާފުގެ ބާކީ ބައިގައި ސައުތު އެފްރިކާ އިން ކުރިއަށްޖެހިގެން ލަނޑެއް ޖެހޭތޯ ގިނަ މަސައްކަތްތަކެއް ކުރިއިރު، އެކަމެއް ކާމިޔާބެއްނުވި އެވެ. އަދި، ދެ ވަނަ ހާފު ފަށައިގެން ހަތަރު މިނިޓް ތެރޭ ސައުތު އެފްރިކާ އަށް މެޗުގައި ކުރިއަށްދާން އިތުރު ގޮންޖެހުންތަކަކާ ކުރިމަތިލާން ޖެހުނެވެ. އެއީ، އެ ޓީމުގެ ޑިފެންޑަރު، ސްޕެޕޭލޯ ސިޓޯލް، އެންމެ ފަހަތުގައި ހުރެފައި ބްރިއަން ގުޓިއޭރޭޒަށް ކުރި ފައުލަކަށް ދިން ޕެނަލްޓީ އެކެވެ. 

މެޗުގެ 66 ވަނަ މިނިޓްގައި މެކްސިކޯގެ ދެ ވަނަ ލަނޑު ޖެހީ ހިމެނޭޒް އެވެ. މިއީ، ރޮބާޓޯ އަލްވާޑޯ ނެގި ހުރަހަކަަށް އަރައި ހިމެނޭޒް ބޮލުން ޖެހި ގޯލެކެވެ. މިއީ، ހިމެނޭޒްގެ ހަތަރު ވަނަ ވޯލްޑް ކަޕް ކަމަށް ވިޔަސް، މުބާރާތުގެ ތާރީހުގައި އޭނާގެ ފަރާތުން ފެނިގެންދިޔަ ފުރަތަމަ ގޯލެވެ. 

ސައުތު އެފްރިކާ އަށް އިތުރު މައްސަލަތައް ކުރިމަތިވީ 84 ވަނަ މިނިޓްގައި އެ ޓީމުގެ ދެ ވަނަ ކުޅުންތެރިއަކަށް ރަތެއް ދެއްކުމުންނެެވެ. އެ ގޮތުން، ސައުތު އެފްރިކާގެ ތެމްބާ ޒްވާނޭ އަށް ރަތެއް ދެއްކީ، ބޯޅަ ނެތިސް މެކްސިކޯ އަލްވަރާޑޯ އަށް ހަމަލާ ދިނުމުންނެވެ. މެޗުގެ ރެފްރީ، ބްރެޒިލްގެ ވިލްޓަން ސަމްޕައިއޯ، އެ ގޮތަށް ނިންމާފައިވަނީ ވީޑިއޯ އެސިސްޓަންޓް ރެފްރީ (ވީއޭއާރް) އިން އަންގައިގެން، ދަނޑުކައިރީގައި ހުރި މޮނީޓަރުން ވެސް ބަލައިފަ އެވެ. 

އަނެއްކޮޅުން، މެކްސިކޯ އިން ވެސް މެޗު ނިންމާލީ ކުޅުންތެރިއަކު މަދުކޮށެވެ. އިތުރު ވަގުތުގެ ގޮތުގައި ދެއްކި ހަތް މިނިޓްގެ ތެރޭގައި މެކްސިކޯގެ ސެޒާ މޮންޓޭސް އަށް ރަތެއް ދެއްކީ، ދެކުނު އެފްރިކާގެ މަޑާއު އަށް ފައުލުކުރުމުންނެވެ. 

މިއީ، 2006 ވަނަ އަހަރުގެ ވޯލްޑް ކަޕްގެ ގަދަ 16 ބުރުގައި، ނެދަލެންޑްސް އާއި ޕޯޗުގަލް ކުޅުނު މެޗަށް ފަހު އެއް މެޗެއްގައި އެންމެ ގިނަ ރަތް ކާޑު ފެނިގެންދިޔަ މެޗެވެ. 

ގްރޫޕް އޭގެ ދެ ވަނަ މެޗުގައި ކުޅޭނީ ދެކުނު ކޮރެއާ އާއި ޗެކް ރިޕަބްލިކް އެވެ. އެ މެޗު ފަށާނީ ހެނދުނު ހަތެއް ޖަހާއިރު އެވެ، 

މިއީ، މެކްސިކޯގައި ވޯލްޑް ކަޕް ހޯސްޓްކުރާ ތިން ވަނަ ފަހަރެވެ. މީގެ ކުރިން، މެކްސިކޯގައި ހޯސްޓްކުރި ދެ ވޯލްޑް ކަޕްގައި، 1970 އާއި 1986 ވަނަ އަހަރު އެ ޓީމުން ވަނީ ކުއާޓާ ފައިނަލުގައި ކުޅެފަ އެވެ. އެންމެ ފަހުން، 2022 ވަނަ އަހަރު ގަތަރުގައި ބޭއްވި ވޯލްޑް ކަޕްގައި މެކްސިކޯ ކެޓީ ގްރޫޕް ސްޓޭޖުންނެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox