އައްޑޫ ސިޓީ ކައުންސިލުން ސިންގަޕޫރާއި މެލޭޝިއާ ތަޖުރިބާކޮށްލަން 1.2 މިލިއަން ރުފިޔާ ހަރަދުކުރި

Jun 4, 2026, 12:25 PM
އައްޑޫ ސިޓީގެ ކައުންސިލަރުން ސިންގަޕޫރަށް ކުރި ދަތުރުގައި ސިންގަޕޯ ސިޓީ ގެލަރީގައި ހުރި އެ ސިޓީގެ މޮޑެލް ބަލާލަނީ: މި ތަޖުރިބާ ދަތުރުތަކުގައި ގޮސް ކުރީ ދަތުރުގެ މަގުސަދާ ނުގުޅޭ ކަންކަން ކަމަށް އޮޑިޓުގައިވޭ --- ފޮޓޯ: އައްޑޫ ސިޓީ ކައުންސިލު

އައްޑޫ ސިޓީގެ ކައުންސިލަރުން ސިންގަޕޫރަށް ކުރި ދަތުރުގައި ސިންގަޕޯ ސިޓީ ގެލަރީގައި ހުރި އެ ސިޓީގެ މޮޑެލް ބަލާލަނީ: މި ތަޖުރިބާ ދަތުރުތަކުގައި ގޮސް ކުރީ ދަތުރުގެ މަގުސަދާ ނުގުޅޭ ކަންކަން ކަމަށް އޮޑިޓުގައިވޭ --- ފޮޓޯ: އައްޑޫ ސިޓީ ކައުންސިލު

ހަރަދުތައް ކުރުމާއި ބޭރަށް ދަތުރުތައް ކުރުމާ ގުޅޭ ގޮތުން ފިނޭންސް މިނިސްޓްރީން ނެރެފައިވާ ތިން ސާކިއުލާއެއްގައިވާ އެންގުންތާ ހިލާފަށް އައްޑޫ ސިޓީ ކައުންސިލުން ސިންގަޕޫރާއި މެލޭޝިއާއަށް ދާން 1.2 މިލިއަން ރުފިޔާ ހަރަދުކޮށްފައިވާ ކަމަށް އޮޑިޓާ ޖެނެރަލް އޮފީހުން ބުނެފި އެވެ.

އޮޑިޓާ ޖެނެރަލް އޮފީހުން އާންމުކޮށްފައިވާ އައްޑޫ ސިޓީ ކައުންސިލުގެ 2022  އަދި 2023 ގެ ކޮމްޕްލަޔަންސް އޮޑިޓާއި 2024 ގެ މާލީ ބަޔާންތަކުގެ އޮޑިޓުގައިވާ ގޮތުގައި، އައްޑޫ ސިޓި ކައުންސިލުން މި ދަތުރުތައް ކުރީ ތަޖުރިބާ ދަތުރުތަކެއް ކަމަށް ބުނެ އެވެ.

އޮޑިޓުގައި ފާހަގަކުރި ފުރަތަމަ ދަތުރަކީ 2023 ގައި އައްޑޫ ސިޓީ ކައުންސިލުގެ ބަޖެޓުން ފަސް ލައްކައަށް ވުރެ ގިނަ ރުފިޔާ ހަރަދުކޮށްގެން މެލޭޝިއާ އާއި ސިންގަޕޫރަށް ކުރި އަށް ދުވަހުގެ ދަތުރެކެވެ. މި ދަތުރުގައި އަށް ކައުންސިލަރުންނާއި ކައުސިލުގެ އިދާރަގައި މަސައްކަތް ކުރާ ދެ މުވައްޒަފަކު ބައިވެރިވި އެވެ. 

Advertisement

މި ދަތުރުގެ މަގުސަދެއް ކަމުގައި އައްޑޫ ސިޓީ ކައުންސިލުން ބަޔާންކޮށްފަ އޮތީ، އާބަން ޑިވެލޮޕްމަންޓް އަދި ގަވަނަންސްގެ ދާއިރާއިން ދެ ގައުމުގައި އަމަލުކުރާ ގޮތާ ގުޅޭ ގޮތުން ކައުންސިލަރުންގެ ހޭލުންތެރިކަން އިތުރުކުރަން ޓްރެއިންތަކުގެ ބައިވެރިވުމާއި މި ދާއިރާތަކުން އެ ގައުމުތަކުގައި ކާމިޔާބުކަމާއެކު އަމަލުކުރާ ގޮތްތައް ދެނެގަނެ އައްޑޫގައި އެކަންކަން ތަންފީޒުކުރުމެވެ.

އެކަމަކު އެ ދަތުރުތަކުގައި ގޮސް މި މަގުސަދާ ނުގުޅޭ ކަންކަން ކުރި ކަމަށާއި ދަތުރު ނިންމުމަށްފަހު ދަތުރުން ހާސިލުކުރެވުނު ކަންކަން ބޭނުންކުރެވޭނެ  ގޮތުގެ ތަފުސީލުތައް ލިޔުމުން ބަލަހައްޓާފައިވާ ނުވާ ކަމަށް އޮޑިޓުގައި ބަޔާންކޮށްފައިވެ އެވެ. 

އައްޑޫ ކައުންސިލަރުންގެ ދަތުރުގައި، ދަތުރުގެ މަގުސަދާ ސީދާ ގުޅޭ ކަމަކަށް ކުރީ، މެލޭޝިއާއަށް ގޮސް އެ ގައުމުގެ ލޯކަލް ގަވަމަންޓް ޑިޕާޓުމަންޓާ ބޭއްވި ބައްދަލުވުމެކެވެ. މެލޭޝިއާއަށް ގޮސް ދެން ކުރި ކަމަކީ، މެލޭޝިއަން އިންސްޓިޓިއުޓް އޮފް މެނޭޖުމަންޓުގެ "ކްރިއޭޓިވް ތިންކިން އެންޑް ޕްރޮބްލަމް ސޯލްވިން ސްކިލްސް" ޓްރެއިނިންއެއްގައި ބައިވެރިވުމެވެ. 

ދެ ދުވަހުގެ މި ޓްރެއިނިން ޕްރޮގުރާމުގައި ބައިވެރިވާން އައްޑޫ ސިޓީ ކައުންސިލުން 65،381ރ. ހަރަދުކުރި އެވެ. ނަމަވެސް މިއީ ދަތުރުގެ މަގުސަދާ ގުޅުންހުރި ޓްރެއިނިންއެއް ނޫން ކަމަށް އޮޑިޓަރުން ބުނެފައިވެ އެވެ. 

މި ދަތުރުގެ ބައިވެރިން ސިންގަޕޫރަށް ގޮސް، ސިންގަޕޫރުގެ މެރިޓައިމް ގެލެރީ އާއި ސަސްޓެއިނަބަލް ސިންގަޕޫރު ގެލަރީ އާއި ސިންގަޕޫރު ރީޑިވެލޮޕްމަންޓް ގެލަރީއަށް ޒިޔާރާތްކޮށް، ސިންގަޕޫރުގެ މެނޭޖުމަންޓު ޔުނިވާސިޓީއާ ބައްދަލުކުރި އެވެ. މިއިން އެއްވެސް ކަމަކީ ވެސް، އޮޑިޓުގައި ބުނެފައިވާ ގޮތުގައި، ދަތުރުގެ މަގުސަދާ ސީދާ ގުޅޭ ޒިޔާރަތްތަކެއް ނޫނީ ބައްދަލުވުންތަކެއް ނޫނެވެ.

އޮޑިޓުގައި ފާހަގަކުރި ދެވަނަ ދަތުރުގަ ދިޔައީ އައްޑޫ ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ނުވަ މެންބަރުންނާއި ކައުންސިރަކާއި އައްޑޫ ސިޓީ ކައުންސިލުގެ ސެކެޓްރީ ޖެނެރަލް ހިމެނޭހެން 11 މީހުންނެވެ. މިއީ ވެސް މެލޭޝިއާ އާއި ސިންގަޕޫރަށް ކުރި އަށް ދުވަހުގެ ދަތުރެކެވެ. 

މި ދަތުރަށް ހަ ލައްކަ އަށް ވުރެ ގިނަ ރުފިޔާ ހަރަދުކުރިއިރު، މި ދަތުރުގައި ގޮސް އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މަސްއޫލިއްޔަތާ ގުޅޭ ތަޖުރިބާއެއް ނުހޯދާ ކަމަށް އޮޑިޓުގައި ވެ އެވެ. މި ދަތުރު ދިޔަ ކޮމިޓީ މެންބަރުންތައް ވަނީ ކައުންސިލަަރުން ހެދި ޓްރެއިނިން ހަދައި، އެ މީހުންގެ ޒިޔާރަތްކުރި ގެލަރީތަކަށް ޒިޔާރަތްކުރުމުގެ އިތުރުން ސިންގަޕޫރުގެ ސެންްތޯސާ ގާޑަން އާއި އޯކިން ގާޑަން އާއި ބޮޓެނިކަލް ގާޑަންއަށް ޒިޔާރަތްކޮށްފަ އެވެ. 

އޮޑިޓުގައި ބުނީ، މި ޒިޔާރަތްތަކުން ލިބުނު ތަޖުރިބާގެ ތަފުސީލެއް ދަތުރު ރިޕޯޓުގައި ހިމަނާފަ ނުވާ ކަމަށެވެ. އޭގެ އިތުރުން، މި ދަތުރުގައި ލިބުނު ތަޖުރިބާތަކުގެ އަލީގައި އައްޑޫގެ އަންހެނުންގެ ތަރައްގީއަށް ކުރެވޭނެ ކަންތައްތަކާއި އެ ކަންތައްތައް ތަންފީޒުކުރާނެ ގޮތެއް ވެސް އެ ރިޕޯޓުގައި ނެތް ކަމަށް އޮޑިޓުގައި ވެ އެވެ.

މި މައްސަލައިގައި އޮޑިޓު އޮފީހުން ވަނީ ފިނޭންސުންގެ ސާކިިއުލާތަކަށް އަމަލުކުރުމަށާއި ދަތުރުތަކުން ހާސިލުކުރަން ބޭނުންވާ ކަންކަމާއި ހާސިލުވީ ކަންކަން ލިޔެކިޔުމުން ބަލަހައްޓަން އައްޑޫ ސިޓީ ކައުންސިލުގައި ބުނެފަ އެވެ.

އޮޑިޓު އޮފީހުން ވަނީ، ކައުންސިލުތަކަށް ބޭނުންވާ ތަމްރީނުތަކާ ގުޅޭ ކަންކަމުގައި ލޯކަލް ގަވަމަންޓް އޮތޯރިޓީ މެދުވެރުކޮށްގެން ކުރިއަށް ގެންދަން ވެސް ބުނެފަ އެވެ. އެ އޮފީހުން ލަފާ ދެނީ، ކައުންސިލުތަކަށް ޓްރެއިނިން އާއި ތަޖުރިބާ އެންމެ ބޮޑަށް ބޭނުންވާ ކަންކަން ދެނެގަންނަން ނީޑް އެސެސްމަންޓެއް ތައްޔާރުކޮށްގެން، ނިޒާމެއްގެ ތެރެއަށް ފަައްތައިގެން ޓްރެއިނިންތަކާއި ތަޖުރިބާ ހޯދުމުގެ ކަންކަން ކުރިއަށް ގެންދިޔުމަށެވެ. 

އައްޑޫ ސިޓީ ކައުންސިލުގެ މި މައްސަލަ ފެންމަތިވީއިރު، ކައުންސިލުގެ ބަޖެޓު ބޭނުންކޮށްގެން މި ގޮތަށް ބޭރު ގައުމުތަކަށް ދަތުރުކުރާ މައްސަލަތައް މި ނޫނަސް އެބަހުއްޓެވެ. މި މައްސަލަތަކުގައި ކައުންސިލުތަކަށް އާންމުންގެ ނުރުހުން އަމާޒުވެފައިވާއިރު، އޮޑިޓުތަކުގައި ފާހަގަކުރާ ކަންކަމާ ގުޅިގެން ފިޔަވަޅު ނާޅާ މައްސަލަ ވެސް ބޮޑެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox