ޔޫރަޕް ތިން މުބާރާތަށް ތައްޔާރުވާން ރިވައިވަލް އިން މެލޭޝިއާ ކޭމްޕަކަށް

Jun 1, 2026, 5:40 PM
ރިވައިވަލް ސްޕޯޓްސް އިން ޔޫރަޕިއަން ޓުއާގައި ވާދަކުރުމަށް މިއަދު މެލޭޝިއާ ކޭމްްޕަށް ފުރުމުގެ ކުރިން.

ރިވައިވަލް ސްޕޯޓްސް އިން ޔޫރަޕިއަން ޓުއާގައި ވާދަކުރުމަށް މިއަދު މެލޭޝިއާ ކޭމްްޕަށް ފުރުމުގެ ކުރިން.

ޔޫރަޕްގައި ބާއްވާ ދުނިޔޭގެ ބެޑްމިންޓަން ފެޑެރޭޝަން (ބީޑަބްލިއުއެފް)ގެ ރުހުން ދީފައިވާ ތިން މުބާރާތަކަށް ތައްޔާރުވުމުގެ ގޮތުން، ރާއްޖޭގެ އެއް ވަނަ ބެޑްމިންޓަން ކްލަބް، ރިވައިވަލް ސްޕޯޓްސްގެ ހައި ޕާފޯމަންސްް ޓީމުން މެލޭޝިއާގެ ކޭމްޕަކަށް މިއަދު ފުރައިފި އެވެ. 

ރިވައިވަލްގެ ހަ ކުޅުންތެރިއަކު ވާދަކުރަން ހަމަޖެހިފައިވާ ތިން މުބާރާތަކީ، މި މަހުގެ 18-21 ޗެކް ރިޕަބްލިކްގައި ބާއްވާ ޗެކް އިންޓަނޭޝަނަލް ފިއުޗާ ސީރީސް އާއި ޖޫން 24-28 އަށް ބާއްވާ ޔޮނެކްސް އިޓަލީ އޯޕަން އަދި ފްރާންސްގައި އަންނަ މަހުގެ 2-5 އަށް ކުރިއަށްދާ އެފްޒެޑް ފޯޒާ ފިއުޗާ ސީރީސް ނޯވެލް - އަކުއިޓޭއިން 2026 ގަ އެވެ. 

އެ ގޮތުން، މި މުބާރާތްތަކަށް ފުރި ރިވައިވަލް ސްޕޯޓްސްގެ ކުޅުންތެރިންގެ ތެރޭގައި ހިމެނެނީ، ނިބާލް އަހުމަދު، ޒަޔާން ޒަކީ، ހަސަން ޒަޔާން މުހައްމަދު، މުހައްމަދު ހަލަފް އިމްރާން، އައިމިނަތު ނަބީހާ (ނަބީ) އަދި ފާތިމަތު ނަބާހާ (ނަބާ) އެވެ. 

Advertisement

މި ހަ ކުޅުންތެރިންނާ އެކު، ރިވައިވަލްގެ ކޯޗު ނަޝްފާން މުހައްމަދު ވެސް މަސައްކަތްކުރާއިރު، ޔޫރަޕްގެ ތިން މުބާރާތަށް ދިއުމުގެ ކުރިން، މި މަހު 14 އާ ހަމައަށް މެލޭޝިއާގައި އިންޓެންސް ޓްރެއިނިން ކޭމްޕެއް ކުރިއަށްދާނެ އެވެ. 

އެ ޓްރެއިނިން ކޭމްޕްގެ ތެރެއިން، ހަތަރު ކުޅުންތެރިއަކު، ތައިލެންޑުގެ ފުކެޓްގައި ކުރިއަށްދާ ޓޮޔޯޓާ ފުކެޓް އިންޓަނޭޝަނަލް ޗެލެންޖުގައި ކުޅޭނެ އެވެ. އެއީ، މި މަހު 9-14 އަށް ކުރިއަށްދާ މުބާރާތެކެވެ. ފުކެޓް މުބާރާތުގައި ކުޅޭނީ ނިބާލް، ޒަޔާން ޒަކީ، ނަބާ އަދި ނަބީ އެވެ. 

ޔޫރަޕްގެ މުބާރާތްތަކުގައި ސިންގަލްސްގައި ޒަޔާން ޒަކީ، ނިބާލް، ހަސަން ޒަޔާން، ނަބީ އަދި ނަބާ ކުޅޭނެ އެވެ. ޑަބަލްސްގައި ނިބާލް އާއި ޒަޔާންގެ ޕެއާ، ހަލަފް އާއި ހަސަން ޒަޔާންގެ ޕެއާ އަދި ނަބީ އާއި ނަބާގެ ޕެއާ ކުޅޭނެ އެވެ. އަދި، މިކްސް ޑަބަލްސްގައި، ނަބީ އާއި ނިބާލް އަދި ޒަޔާން އާއި ނަބާގެ ޕެއާ ވާދަކުރާނެ އެވެ. 

ތައިލެންޑު މުބާރާތުގައި، ޒަޔާން ޒަކީ، ނިބާލް، ނަބާ އާއި ނަބީ، ސިންގަލްސް އާއި ޑަބަލްސް އިވެންޓްތަކުގައި ވެސް ކުޅޭނެ އެވެ. 

މިއީ، އަންނަ އަހަރުގެ އިންޑިއަން އޯޝަން އައިލެންޑް ގޭމްސް (އައިއޯއައިޖީ) އަށް އަމާޒުކޮށް، ރިވައިވަލް އިން ޕްރޮޖެކްޓެއް އިއުލާނުކުރި ފަހުން ވާދަކުރާ ފުރަތަމަ މުބާރާތްތަކެވެ. 

މިދިޔަ ފެބްރުއަރީ މަހު ރިވައިވަލް އިން ވަނީ އަޒަރުބައިޖާންގައި ކުރިއަށްދިޔަ އިންޓަނޭޝަނަލް ޗެލެންޖު މުބާރާތުގައި ކުޅެފަ އެވެ.  

މިދިޔަ އަހަރުގެ މެއި މަހު ބީޑަބްލިއުއެފް އިން ރާއްޖެ ސަސްޕެންޑް ކުރުމުން، އެ ސަސްޕެންޝަނާ އެއްގޮތަށް އަމަލުކުރަން ފަށައި، މިދިޔަ އަހަރުގެ ޖޫން މަހު، ޗެކް ރިޕަބްލިކާއި އިޓަލީގައި އޮތް މުބާރާތްތަކުން ރިވައިވަލް ސްޕޯޓްސް ކުޅުންތެރިން ބާކީކުރި އެވެ. އެ ގޮތަށް ބީޑަބްލިއުއެފް އިން ނިންމިއިރު، ރިވައިވަލްގެ ކުޅުންތެރިން ވަނީ ޗެކް ރިޕަބްލިކާއި އިޓަލީ މުބާރާތްތަކުން އެންޓްްރީ ވެސް ހަދައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox