ޔުނައިޓެޑް ވާން ޖެހޭނީ ބޮޑު މުބާރާތްތަކަށް ވާދަކުރާ ކްލަބަކަށް

May 22, 2026, 5:58 PM
މައިކަލް ކެރިކް: ޔުނައިޓެޑްގެ ކުރީގެ މިޑްފީލްޑަރު ކެރިކް ވަނީ އެ ކްލަބްގެ ކޯޗަކަށް ދެ އަހަރު ދުވަހުގެ އެއްބަސްވުމެއްގައި ސޮއިކޮށްފައި.

މައިކަލް ކެރިކް: ޔުނައިޓެޑްގެ ކުރީގެ މިޑްފީލްޑަރު ކެރިކް ވަނީ އެ ކްލަބްގެ ކޯޗަކަށް ދެ އަހަރު ދުވަހުގެ އެއްބަސްވުމެއްގައި ސޮއިކޮށްފައި.

މެންޗެސްޓާ (މެއި 22) - މެންޗެސްޓާ ޔުނައިޓެޑް ވާން ޖެހޭނީ ބޮޑެތި މުބާރާތްތަކުގެ ތަށްޓަށް ވާދަކުރާ ކްލަބަކަށް ކަަމަށާއި އެ ޓީމަށް ހައްގުވާ މަގާމަށް ގެންދިއުމަށް ސަޕޯޓަރުންނާ ގުޅިގެން މަސައްކަތްކުރާނެ ކަމަށް އެ ކްލަބާ އެކު ދާއިމީ އެއްބަސްވުމެއްގައި ދާދި ފަހުން ސޮއިކުރި ކޯޗު، މައިކަލް ކެރިކް ބުނެފި އެވެ.

ޖެނުއަރީ މަހު، ޕޯޗުގީސް ކޯޗު، ރުބެން އަމޮރިމް ވަކިކޮށް، އެ ޓީމަށް ގެނައި ކޯޗު، ކެރިކް، 44، ވަނީ ރަނގަޅު ނަތީޖާތަކެއް ނެރެ، އިނގިރޭސި ޕްރިމިއާ ލީގުގެ ތިން ވަނަ ހޯދައިދީ، އަންނަ ސީޒަނުގެ ޗެމްޕިއަންސް ލީގަށް ކޮލިފައިކޮށްދީފަ އެވެ.

އެ ގޮތުން، ކެރިކް ހަވާލުވި ފަހުން ކުޅުނު 16 މެޗުގެ ތެރެއިން ޔުނައިޓެޑުން 11 މެޗުން މޮޅުވިއިރު، މި ސީޒަނުގެ އެންމެ މޮޅު ކޯޗުންގެ އެވޯޑަށް ނޮމިނޭޓްވި ހަ ކޯޗުންގެ ޝޯޓްލިސްޓުގައި ކެރިކްގެ ނަން ވަނީ ހިމެނިފަ އެވެ. ޖެނުއަރީ 13 ވަނަ ދުވަހު ކެރިކް ޔުނައިޓެޑްގެ ކޯޗުކަމާ ހަވާލުވި ފަހުން، ޕްރިމިއާ ލީގުގެ 20 ކްލަބްގެ ތެެރެއިން އެންމެ ގިނަ ޕޮއިންޓް ހޯދީ ޔުނައިޓެޑުންނެވެ. 

އާ ކޮންޓްރެކްޓެއްގައި ސޮއިކުރުަމަށް ފަހު، ކެރިކް ބުނީ މީގެ 20 އަހަރު ކުރިން ކުޅުންތެރިއެއްގެ ގޮތުގައި ޔުނައިޓެޑަށް ސޮއިކުރި ހިސާބުން އެ ކްލަބްގެ ޖާދޫގައި އޭނާ ޖެހިފައިވާ ކަމަށެވެ. އަދި، މިހާރު ތަފާތު ޒިންމާއަކާ ހަވާލުވެހުރިއިރު ވެސް ބޭނުމީ ކްލަބަށް ވީހާވެސް ބޮޑެތި ކާމިޔާބީ ހޯދައިދިނުން ކަމަށް ކެރިކް ވަނީ ބުނެފަ އެވެ. 

"މިދިޔަ ފަސް މަސް ދުވަސް ތެރޭ ކުޅުންތެރިންގެ އެއްބައިވަންތަ ކަމާ އެކު އެނގިގެން ގޮސްފި، އަހަރެެމެންނަށް އެކުގައި ތިބެގެން ކިހާ ކަމެއް ހާސިލްކުރެވިދާނެކަން. މިހާރު މިއީ އަނެއްކާ ވެސް އެއް މިސްރާބަކަށް ކުރިއަށްދާންވީ ވަގުތު. މެންޗެސްޓާ ޔުނައިޓެޑް ވާން ޖެހޭނީ މި ކްލަބްގެ އާދަޔާހިލާފު ސަޕޯޓަރުންނާ އެކު އެންމެ ބޮޑެތި ޓްރޮފީތަކަށް ވާދަކުރާ ކްލަބަކަށް،" 2006-2018 އަށް ޔުނައިޓެޑަށް 464 މެޗު ކުޅެދިން ކެރިކް ބުންޏެވެ. 

ކެރިކް ވަނީ މީގެ ކުރިން، 2021 ވަނަ އަހަރު ވަގުތީ ކޯޗެއްގެ ގޮތުގައި، ތިން މެޗުގައި ޔުނައިޓެޑަށް އިރުޝާދުދީފަ އެވެ. އެއީ، އޮލެ ގުނަ ސޯލްޝެއާ، ޔުނައިޓެޑްގެ ކޯޗުކަމުން ވަކިކުރުމުންނެވެ. އެކަމަކު، އެ ފަހަރު އޭނާ އަށް ދާއިމީ އެއްބަސްވުމެއް ނުދީ، ޔުނައިޓެޑުން އެ ޓީމުގެ ކޯޗުކަން ހަވާލުކުރީ ނެދަލެންޑްސްގެ ކޯޗު އެރިކް ޓެން ހާގް އަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox