ރާއްޖެ މުބާރާތަށް ޕާކިސްތާނުން އެންމެ ވަރުގަދަ ޓީމު ނަގަނީ

ޕާކިސްތާންގެ ކޯޗު ނޮލްބާޓޯ ސޮލާނޯ.

ޕާކިސްތާންގެ ކޯޗު ނޮލްބާޓޯ ސޮލާނޯ.

އަންނަ މަހު މާލޭގައި ބާއްވާ ޑައިމަންޑް ޖުބިލީ އިންޓަނޭޝަނަލް ފުޓްބޯޅަ މުބާރާތުގައި ވާދަކުރަން ބައިނަލްއަގުވާމީ ލެވަލްގައި އެކި ގައުމުުތަކުގައި ކުޅެމުން އަންނަ ޕާކިސްތާނަށް ނިސްބަތްވާ ކުޅުންތެރިން ހިމެނޭހެން އެންމެ ވަރުގަދަ ޓީމެއް އެކުލަވާލުމުގެ މަސައްކަތް ޕާކިސްތާން ފުޓްބޯޅަ ފެޑެރޭޝަން (ޕީއެފްއެފް) އިން ފަށައިފި އެވެ. 

ރާއްޖޭގެ ފުޓްބޯޅަ އަށް 75 އަހަރު ފުރުމުގެ މުނާސަބަތުގައި، އަންނަ މަހު، 1-10 އަށް ގަލޮޅު ދަނޑުގައި ކުރިއަށްދާ މުބާރާތުގައި ރާއްޖެ އާއި ޕާކިސްތާންގެ އިތުރުންް ދެން ވާދަކުރަނީ، އަފްގާނިސްތާން އާއި ބަންގްލަދޭޝް އެވެ. ޕާކިސްތާނަށް ދައުވަތު ދިނީ ނޭޕާލް ނުކުޅޭތީ އެވެ. އަފްގާނިސްތާނަށް ފުރުސަތު ދިނީ ސްރީ ލަންކާ އިން އެންމެ ފުރަތަމަ ބައިވެރިވާން ނިންމާފައި ފަހު ވަގުތު ނަން ނެގުމުންނެވެ. 

މިދިޔަ އަހަރު ޕާކިސްތާންގެ 23 އަހަރުން ދަށުގެ ޓީމާއި ސީނިއާ ޓީމުގެ ކޯޗުކަމާ ހަވާލުވި ނިއުކާސަލް ޔުނައިޓެޑްގެ ކުރީގެ މިޑްފީލްޑަރު، ޕެރޫގެ ނޮލްބާޓޯ ސޮލާނޯ އަންނަނީ އެ ގައުމުގެ ފުޓްބޯޅަ ބަދަލުކުރަން އެކި މަސައްކަތްތަކެއް ކުރަމުންނެވެ. އެ ގޮތުން، ފުޓްބޯޅައިގެ ވަރުގަދަ ގައުމުތަކުގައި ކުޅެމުން އަންނަ ޕާކިސްތާން ދަރިކޮޅަށް ނިސްބަތްވާ ކުޅުންތެރިން ދެނެގަނެ، ޕާކިސްތާންގައި ވަރުގަދަ ފުޓްބޯޅަ ޓީމެއް އެކުލަވާލުމަށް ސޮލާނޯ ކުރި މަސައްކަތުން މިހާތަނަށް ވެސް އެ ގައުމަށް ކުޅެވޭނެ ފެންވަރު ރަނގަޅު ކުޅުންތެރިންތަކެއް ވަނީ ދެނެގަނެފަ އެވެ. 

އެ ގޮތުން، އަންނަ މަހު މާލޭގައި ކުޅޭ ޑައިމަންޑް ޖުބިލީ އިންޓަނޭޝަނަލް  މުބާރާތުގައި ވާދަކުރާ ޕާކިސްތާން ޓީމުގައި އެކި ގައުމުތަކުގެ ލީގުތަކުގައި ކުޅޭ، ގާތްގަނޑަކަށް 13 ވަރަކަށް ކުޅުންތެރިން ހިމެނޭނެ ކަމަށް ޕާކިސްތާންގެ މީޑިއާ ރިޕޯޓްތައް ބުނެ އެވެ. އޭގެ ތެރޭގައި، އިނގިރޭސި ދެ ވަނަ ޑިވިޝަނާއި ޖަރުމަނާއި ޑެންމާކް އަދި ބެލްޖިއަމްގައި ކުޅޭ ކުޅުންތެރިން ހިމެނެ އެވެ. 

ޕާކިސްތާންގެ ގައުމީ ޓީމު އެންމެ ފަހުން ރާއްޖެ އަތުވެފައިވަނީ، 2023 ވަނަ އަހަރު މާޗް މަހުގައި. ލ. ގަމު ޒޯން ސްޓޭޑިއަމްގައި ކުޅުނު އެކުވެރިކަމުގެ މެޗަކަށެވެ. އެ މެޗުން ރާއްޖެ ވަނީ 1-0 އިން މޮޅުވެފަ އެވެ. އޭގެ ކުރިން، ޕާކިސްތާނުން ވަނީ 2013 ވަނަ އަހަރު ވެސް އެކުވެރިކަމުގެ މެޗުތަކަކަށް ރާއްޖެ އައިސްފަ އެވެ. އަދި، 2008 ވަނަ އަހަރުގެ ސާފް ޗެމްޕިއަންޝިޕް، ރާއްޖެ އާއި ލަންކާގައި ހޯސްޓްކުރިއިރު ވެސް ޕާކިސްތާނުން ވަނީ ރާއްޖެ އަތުވެފަ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox