ދޫނިދޫގައި ބަންދުކުރާ މީހުންނަށް ލާއިންސާނީ އަނިޔާ ދޭކަން އެޗްއާރްސީއެމްގެ ތަހުގީގަކުން ހާމަވެއްޖެ

އާާޓްވޯކް: އިސްމާއިލް އިމްދާދު

އާާޓްވޯކް: އިސްމާއިލް އިމްދާދު

ދޫނިދޫގައި ބަންދުކުރާ މީހުން އަމުރަށް ނުކިޔަމަންތެރިވުމުން ބިޑި އެޅުވުމަށްފަހު ކޮށްޓަކަށްލައި ލާއިންސާނީ އަދަބުދޭކަން ހިއުމަން ރައިޓްސް ކޮމިޝަން (އެޗްއާރްސީއެމް) ގެ ނެޝަނަލް ޕްރިވެންޓިވް މެކޭނިޒަމް (އެންޕީއެމް) ގެ އަހަރީ ރިޕޯޓުން ހާމަވެއްޖެ އެވެ. 

އެންޕީއެމް އިން އާންމުކޮށްފައިވާ މިދިޔަ އަހަރުގެ ރިޕޯޓުގައިވާ ގޮތުން ދޫނިދޫގައި ތިބޭ ގައިދީން އެކަހެރިކޮށް، ބިޑިއަޅުވާފައި ބައިތިއްބަނީ ކަސްޓޯޑިއަލްގެ ހިނގާ ކަސްރަތުކުރާ ސަރަހައްދުގައި ހުންނަ ކޮއްޓެއްގަ އެވެ. އެ ކޮށި ބަހައްޓަނީ ހިޔާ ނުލިބޭ، އަވިބާރު ސަރަހައްދެއްގަ އެވެ. 

"މެންދުރު މިތަނަށް [ކޮއްޓަށް] ވަރަށް ހޫނުވާނެކަމާއި، ބައެއް ފަހަރު ބަންދު މީހުން އަތާ ފައިގައި ކްލިޕް ބިޑި އަޅުވައި މިތަނުގައި ކުނަލެއް މަތީ ގިނަ އިރުތަކެއް ބާއްވާކަން ފާހަގަކުރެވިފައިވޭ،" ރިޕޯޓުގައި ބުންޏެވެ. 

އެ ކޮށީގައި ބާއްވާ މީހުން ފާހާނާކުރުމާއި ނަމާދުކުރުމުގެ ފުރުސަތު ދޭނެ ކަމަށް ފުލުހުންގެ އޮފިސަރުން ބުނި ނަމަވެސް، އެކަން ސިސްޓަމުގައި ލޮގްކޮށްފައި ނުހުންނަކަން އެންޕީއެމްއަށް ފާހަގަކުރެވިފައިވެ އެވެ. 

"އެންޕީއެމްއިން ބެލި ބައެއް ހާދިސާ ރިޕޯޓުތަކުން، ބަންދުމީހުން ސާޗް ކުރަން އުޅުމުގެ ތެރޭގައި ބަންދުމީހަކު ޖަލު އޮފިސަރުންނާ ހަޑިހުތުރު ބަހުން މުއާމަލާތުކޮށް، އޮފިސަރުގެ އަމުރަށް ނުކިޔަމަންތެރިވުމުން ބަންދުމީހާ އަތުގައި ބިޑި އަޅުވައި އެކަހެރިކޮށްފައިވާކަން ފާހަގަކުރެވޭ،" އެންޕީއެމްގެ ރިޕޯޓުގައި ބުންޏެވެ.

 ކިޔަމަންތެރިކުރުވުމަށް އަޅާ ފިޔަވަޅެއް ގޮތުން ވަގުތީ ގޮތުން ގޮޅިން ނެރުމުން ވެސް ނުކިޔަމަންތެރިކަން ދައްކައި، އޭނާ އާއި ޖަލު ބަލަހައްޓާ އޮފިސަރުންނަށް އަނިޔާއެއް ނުވަތަ ނުރައްކަލެއް ކުރިމަތިވެދާނެފަދަ ގޮތަކަށް އަމަލުކުރާނަމަ، އޭނާގެ އަމަލުތަކުގެ މައްޗަށް ބަލައި އޭނާގެ އަމަލުތައް ހުއްޓެވޭނެފަދަ ގޮތަކަށް ގަވާއިދުގެ ދަށުން ބިޑި އެޅުވެ އެވެ. 

ނަމަވެސް އެގޮތަށް އެ މީހެއްގެ އަމަލުތައް ހުއްޓުވުމަށް ބޭނުންކުރުމަށް އެކަށީގެންވާ ބިޑިއެއް އެޅުވުމުގެ އިހުތިޔާރު އޮފިސަރުންނަށް ލިބިދެނީ ބަންދުމީހާ ނުކިޔަމަންތެރިކަން ދައްކައި، އޭނާ އާއި ޖަލު ބަލަހައްޓާ އޮފިސަރުންނަށް އަނިޔާއެއް ނުވަތަ ނުރައްކަލެއް ދިމާވެދާނެފަދަ ގޮތަކަށް އަމަލުކުރާނަމަ އެކަންޏެވެ.

ފުވައްމުލަކު ޕޮލިސް ސްޓޭޝަނުގައި ގަވާއިދާ ހިލާފަށް މީހަކު އެކަހެރިކުރި

މީގެއިތުރުން އެންޕީއެމް އިން ބުނީ ޏ. ފުވައްމުލަކު ޕޮލިސް ސްޓޭޝަނަށް ކުރި ޒިޔާރަތުގައި، ސްޓޭޝަނުގައި ބަންދުގައި ހުރި މީހަކު ވަޔަލަންޓުވެ، ކާތަކެތި ހިފައިގެން އަންނަ ބިދޭސީ މީހާ ގައިގައި ޖެހުމުން، ބަންދުމީހާ ހަތް ދުވަހުގެ މުއްދަތަކަށް އެކަހެރިކޮށްފައިވާ ކަމަށެވެ.  

އޭނާ އަމުރަށް ނުކިޔަމަންތެރިވުމުން ފިޔަވަޅު އެޅުމުގެ ގޮތުން އިނާޔަތް ކަނޑާލި ކަމަށް ކަސްޓޯޑިއަލް ސިސްޓަމުގައި ލޮގުކުރި ނަމަވެސް، އޭނާ އެކަހެރި ކުރި ކަމަށް ލިޔެކިޔުމުން ރެކޯޑުކޮށްފައި ނެތެވެ. ނަމަވެސް ބަންދުމީހެއްގެ އިނާޔަތް ކަނޑާލުމުގެ ގޮތުން ބަންދު މީހަކު ހަތް ދުވަހުގެ މުއްދަތަކަށް އެކަހެރިކުރުމަށް ގަވާއިދުން ތަންނުދޭކަން އެންޕީއެމް އިން ފާހަގަކުރެ އެވެ.

ކަސްޓޯޑިއަލް ޖަލުގައި ހުންނަ މީހަކު ޖަލުގެ އުސޫލަކާ ނުވަތަ ގާނޫނާއި ގަވާއިދާ ހިލާފު އަމަލެއްކޮށްފިނަމަ، ކަސްޓޯޑިއަލް ޖަލުން އެ މީހަކަށް ލިބޭ ބައެއް އިނާޔަތްތައް ނުދިނުމަށް ނުވަތަ ވަގުތީ ގޮތުން ހިފެހެއްޓުމަށް ނިންމިދާނެ ކަމަށް ބަޔާންކޮށްފައިވެ އެވެ. 

މީގެއިތުރުން ފެމިލީ އެންޑް ޗިލްޑްރަންސް ސާވިސް ސެންޓާ (އެފްސީއެސްސީ) އަދި އަމާންވެށީގައި ބަލަހައްޓާ ކުދިންނަށް އަޅާ ފިޔަވަޅެއް ގޮތުން މަރުކަޒުގައި ހިންގާ ބައެއް ހަރަކާތްތަކުގައި ބައިވެރި ނުކުރާކަން ހާދިސާ ރިޕޯޓުތަކުން ފާހަގަކުރެވިފައިވާކަން އެންޕީއެމް އިން ބުންޏެވެ. 

ނަމަވެސް އެންޕީއެމް އިން ބުނީ ކުދިންނަށް އަޅާ ފިޔަވަޅެއްގެ ގޮތުން ކުދިން ބައިވެރި ނުކުރާ ހަރަކާތްތަކަކީ ކޮބައިކަން ހާދިސާ ރިޕޯޓުތަކުގައި ފާހަގަކޮށްފައިނުވާ ކަމަށެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox