ލ. ހިތަދޫގައި މަސް ހިފަން މޫދަށް އެރި އުޅުނު ޒުވާނަކު ގެނބިގެން މިއަދު މަރުވެއްޖެ އެވެ.
ފުލުހުން ބުނީ މިއަދު 15:42 ގައި ލިބުނު އެ ރިޕޯޓުގައި ނިޔާވީ ލ. ހިތަދޫ، އަމާން، އަހްމަދު ހަމްޒާން، 21 ކަމަށެވެ.
ރިޕޯޓު ލިބުމާއެކު އެ ސަރަހައްދަށް އެޓެންޑުވެ ޒުވާނާ ސިއްހީ މަރުކަޒަށް ގެންދިޔަ ކަމަށާއި އޭނާ ސިއްހީ މަރުކަޒަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުންޏެވެ.
Advertisement
މި މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
މަސް ހިފަން މޫދަށް ފައިބައި އުޅެނިކޮށް މިދިޔަ އަހަރުތަކުގައި ހިނގި އެކި ހާދިސާތަކުގައި ބައެއް މީހުން މަރުވެފައިވެ އެވެ. އެގޮތުން ލ. ގަން ކައިރީ އޮންނަ ފަޅުރަށެއް ކައިރީގައި މަސްހިފަން ފައިބައި އުޅުނު މީހަކު މިދިޔަ އަހަރު ގެނބިގެން މަރުވި އެވެ.
