ބަންގްލަދޭޝްގެ ރައްޔިތެއްކަމަށްވާ މުހައްމަދު ލިޓަން، 35 މަރާލުމުގެ ކުށް، މުހައްމަދު ނިޒާމު، މަނާރު، ގދ. ތިނަދޫ، ގެ މައްޗަށް ސާބިތުވާ ކަމަށް ނިންމައި، އޭނާ އުމުރަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.
ލިޓަންގެ މަރުގެ މައްސަލަ ފުރަތަމަ ފެންމަތިވީ. ޑިސެމްބަރު 28، 2023 ގައި ފިއުލް ޕަވާ ކުންފުނީގެ "ހެދޭކުރި" ދޯނީގައި މަސައްކަތްކުރާ ލިޓަން އަދި ނިޒާމް ގެއްލިގެން ހޯދަން ފެށި ހިސާބުންނެވެ. އެ ދެ މީހުން ހޯދުމުގެ މަސައްކަތް ކުރަމުން ދަނިކޮށް، ފުލުހުން ނިޒާމު ހޯދީ ސައްޔިދުކިލެގެފާނު މަގުގައި ހުންނަ ގެސްޓުހައުސްއެއްގައި އޭނާ ހުއްޓަ އެވެ.
މިއަދާ ހަމައަށް ވެސް ލިޓޮންގެ ހަށިގަނޑު ފެނިފައި ނުވާއިރު، ލިޓޮން ކޮށްޕައި މޫދަށް ވައްޓާލިކަމަށް ތަހުގީގުގައި ނިޒާމު ވަނީ އެއްބަސްވެފަ އެވެ.
އެ މައްސަލައިގައި ކްރިމިނަލް ކޯޓުން މިއަދު ހުކުމްކުރީ ނިޒާމުގެ މައްޗަށް އިންސާނާގެ ފުރާނާއިގެ އަގަށް އެއްވެސް ފަރުވާލެއް ނެތްކަމަށް ދައްކުވައިދޭ ހާލަތެއްގައި މީހަކު ކުރާ ފަރުވާކުޑަ އަމަލެއްގެ ސަބަބުން މީހަކު މަރުވުމުގެ ކުށް ސާބިތުވާ ކަމަށެވެ.
އެ ކުށުގެ އަދަބެއްގެ ގޮތުން އޭނާ 25 އަހަރަށް ޖަލަށް ލުމަށް ހުކުމުގައިވެ އެެވެ. ނަމަވެސް، އެ މައްސަލައިގައި އޭނާ ބަންދުގައި ހޭދަކުރި މުއްދަތު އުނިކުރުމުން، ދެން ނިޒާމު ބަންދުގައި ހުންނަން ޖެހޭނީ 21 އަހަރާރި 10 މަހާއި އެއް ދުވަސް ވަންދެނެވެ.
އޭނާގެ މައްޗަށް، މަރަށް މަރުގެ ހުކުމް އިއްވާފައި ނުވަނީ، ލިޓޮންގެ ހަށިގަނޑު މިހައިތަނަށް ފެނިފައި ނުވާތީ އާއި ލިޓޮން މޫދަށް ވައްޓާލިފަހުން ދެން ކަންވީގޮތުގެ ޑައިރެކްޓު ހެކި ނެތުމުން ކަމަށް ކްރިމިނަލް ކޯޓުގެ ހުކުމުގައި ބުނެފައިވެ އެވެ.
ލިޓޮން އާއި ނާޒިމް ދަތުރުކުރި ތެޔޮ ބޯޓު ފުލުހުންނަށް ފެނުނީ ޖެނުއަރީ 1، 2023 ގައި ކ. ހުޅުލެ ނެރު ކައިރިންނެވެ. އޭރު އެ ބޯޓުގައި ލިޓޮން ވެސް އަދި، ނިޒާމު ވެސް ނެތެވެ.
