ސުވާލު އުފައްދާއިރު ޕީއެސްޖީގެ ހާލަތު އެނގެން ޖެހޭ: އެންރީކޭ

Apr 20, 2026, 11:38 AM
ޕީއެސްޖީގެ ކޯޗު ލުއިސް އެންރީކޭ

ޕީއެސްޖީގެ ކޯޗު ލުއިސް އެންރީކޭ

ޕެރިސް (އޭޕްރީލް 20) - ފްރެންޗް ލީގުގައި ޕީއެސްޖީން ކުޅޭ މެޗުތަކުގައި އެ ޓީމުން ގިނަ ބަދަލުތަކެއް ގެންނާތީވެ، އެއީ ލީގު ފަސޭހަކޮށްލައިގެން އުޅޭތީ ގެންގުޅޭ ވިސްނުމެއްތޯ ސުވާލު ކުުރުމުން، ޕީއެސްޖީގެ ކޯޗު، ލުއިސް އެންރީކޭ އެ ކަމަށް ރައްދުދީފި އެވެ. 

ޕީއެސްޖީން ފްރެންޗް ލީގުގައި ރޭ ކުޅުނު މެޗުން ވަނީ 2-1 އިން ލިޔޯން އަތުން ބަލިވެފަ އެވެ. ޕީއެސްޖީން މި މެޗުގައި ކުޅުނީ ފުރަތަމަ އެގާރަަ އަށް ގިނަ ބަދަލުތަކެއް ގެނެސްގެންނެވެ. މެޗަށް ފަހު، ޕީއެސްޖީގެ ކޯޗު އެންރީކޭއާ ނޫސްވެރިން ގިނަ ސުވާލުތަކެއް ކުރިމަތިކުރީ، ސީޒަންގެ މިހާ މުހިންމު ހިސާބެއްގައި، ލީގު ވެސް ވާދަވެރިކޮށް ދާ އަހަރެއްގައި އެ ބަދަލުތައް ގެންނަ ސަބަބުތަކާ ބެހޭގޮތުންނެވެ. 

އެންރީކޭ ބުނީ، ބައެއް ފަހަރު ކަންކަމާ ގުޅޭގޮތުން ސުވާލު ކުރިމަތިކުރާއިރު، އެ ވަގުތުގެ ހާލަތަށް ބަލާލުމަކީ މުހިންމު ކަމެއް ކަމަށެވެ. 

"ބަދަލުތަކެއް ގެނައުން ހަގީގަތުގައި ހައްލަކީ، 27 ދުވަސް ތެރޭ ނުވަ މެޗު ކުޅެން އެބަޖެހޭ. އެ މެޗުތަކާ އަހަރެމެން ކުރިމަތިލާން ބޭނުންވަނީ ހުރިހާ ކުުޅުންތެރިން ރަނގަޅަށް ތިބެގެން. މި ގޮތަށް ކަންކަން ކުރެވޭތޯ އަހަރެން މި ބަލަނީ، އެކަމަކު، މިކަން ތި މީހުންނަށް ނުވިސްނެންޏާ، ދެން އިތުރު ކަމެއް ވިސްނޭނެ ކަމަށް ނުދެެކެން،" އެންރީކޭ ބުންޏެވެ. 

ޕީއެސްޖީއާ އެކު، ގިނަ ކާމިޔާބީތަކެއް ހޯދާފައިވާ އެންރީކޭ ބުނީ، ލިޔޯނާ ދެކޮޅަށް ވެސް ޕީއެސްޖީން ރަނގަޅަށް ކުޅުނުކަން ސާބިތުވާން އޮތް އެންމެ ބޮޑު ހަގީގަތަކީ ގޯލު ޖަހަން ފުރުސަތު ހޯދަަން މަސައްކަތްކޮށް، 23 ޝޮޓް ފޮނުވާލައިފައިވުން ކަމަށެވެ. އަދި، ލިޔޯނުން ހަ ޝޮޓް ފޮނުވާލައިގެން، ދެ ލަނޑު ޖެހުމަކީ، މި މެޗުގައި އެ ޓީމުގެ ޕްލޭން ކާމިޔާބުވުން ކަމަށާއި ޕީއެސްޖީން ދެން ވިސްނަންވީ އަތުގައި ކޮންޓްރޯލް ބާއްވައިގެން ލީގުގައި ކުރިއަށްދިއުމަށް ކަމަށް އެންރީކޭ ވަނީ ބުނެފަ އެވެ. 

ޕީއެސްޖީ ދަނޑުގައި ރޭ ކުޅުނު މެޗުގެ ފުރަތަމަ 18 މިނިޓް ތެރޭ ލިޔޯނުން ދެ ގޯލު ޖެހި އެވެ. ހަ ވަނަ މިނިޓްގައި ލަނޑު ޖެހީ، ލިޔޯނަށް ރެއާލް މެޑްރިޑްގެ ލޯނެއްގެ ދަށުން ކުޅެމުން އަންނަ ބްރެޒިލްގެ ފޯވާޑް އެންޑްރިކް އެވެ. އަދި، 18 ވަނަ މިނިޓްގައި އެންޑްރިކް ތަނަވަސްކޮށްދިން ފުރުސަތަކުން، އަފޮންސޯ މޮރެއިރާ ވަނީ ލިޔޯނުގެ ދެ ވަނަ ލަނޑު ޖަހައިފަ އެވެ. ޕީއެސްޖީގެ ގޮންޒާލޯ ރާމޯސް އަތުން ފުރަތަމަ ހާފުގައި ޕެނަލްޓީއެއް ނާކާމިޔާބުވިއިރު، މެޗުގައި ޕީއެސްޖީން ޖެހި ހަމައެކަނި ލަނޑު މެޗުގެ އިތުރު ވަގުތުގައި ޖެހީ ޖޯޖިއާގެ ވިންގް، ކްވިޗާ ކްވަރަަޝްކޭލިއާ އެވެ. 

ފްރެންޗް ލީގުގެ އެއް ވަނައިގައި ޕީއެސްޖީ އޮތީ 28 މެޗުން 63 ޕޮއިންޓާ އެކު އެެވެ. ދެ ވަނައިގައި އޮތް ލޯންސް އަށް ވަނީ 29 މެޗުން 62 ޕޮއިންޓް ލިބިފަ އެވެ. އަދި، ތިން ވަނައިގައި ލިޔޯން އޮތީ ހަތަރެއްގައި އޮތް ލިލްއާ އެއްވަރަށް 30 މެޗު ކުޅެގެން 54 ޕޮއިންޓް ހޯދައިގެންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox