ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ މެންބަރު، މުހައްމަދު ސިނާންގެ ގޮނޑި ގެއްލިފައިވާ ކަމަށް ސުޕްރީމް ކޯޓުން މިއަދު ހުކުމް ކުރުމާއެކު އެ ގޮނޑިއަށް ވާދަކުރުމުގެ ޝައުގުވެރިކަން އައްޑޫ ސިޓީގެ ކުރީގެ މޭޔަރު އަބްދުالله ސޯދިގު (ސޯބެ) ފާޅުކުރައްވައިފި އެވެ.
އަދަދު ނޫހާ ވާހަކަ ދައްކަވަމުން ސޯބެ ވަނީ އޭނާ އެ ގޮނޑިއަށް ވާދަކުރުމަށް ޝައުގުވެރިވާކަން ކަށަވަރު ކޮށްދީފަ އެވެ. ކުރިއަށް އޮތް 60 ދުވަހުގެ ތެރޭގައި މި ގޮނޑިއަށް މެންބަރަކު އިންތިހާބު ކުރުމުގެ ބައި-އިލެކްްޝަން ބާއްވާނެ އެވެ.
2024 ވަނަ އަހަރު ބޭއްވި މަޖިލިސް އިންތިހާބުގައި ހިތަދޫ އުތުރު ދާއިރާގެ ގޮނޑި ސިނާނު ކާމިޔާބު ކުރެއްވޯ 1079 ވޯޓާއެކު 39 ޕަސެންޓު ވޯޓާއެކު އެވެ.
އެންމެ ކައިރިން ވާދަކުރެއްވީ ނަވާރަވަނަ މަޖިލީހުގެ ރައީސްކަން ކުރެއްވި މުހައްމަދު އަސްލަމް އެވެ. އެމްޑީޕީގެ ޓިކެޓުގައި ވާދަކުރެއްވި އަސްލަމްއަށް 838 ވޯޓު ލިބިވަޑައިގަތެވެ. އަސްލަމް ވަނީ ސޯބެއަށް ފުރިހަމަ އެއްބާރުލުމާ ތާއިދު އޮންނާނެ ކަމަށް ވިދާޅުވެފަ އެވެ./
ސިނާނުގެ ގޮނޑި ގެއްލުނު ކަމަށް ސުޕްރީމް ކޯޓުން ހުކުމް ކުރީ ސާބިތު ދަރަންޏެއްގެ މައްސަލައިގަ އެވެ.
ސޯބެ ވަނި އައްޑޫގެ މޭޔަރުކަން ޖެހިޖެހިގެން ތިން ދައުރު އަދާކުރައްވާފަ އެވެ. އޭގެ އިތުރުން އެމްޑީޕީގެ ދެވަނަ ސަރުކާރުގައި ހައުންސިން އެންޑް އިންފްރާސްޓްރަކްޗާގެ ސްޓޭޓް މިނިސްޓަރުކަން ވެސް އޭނާ ކުރެއްވި އެވެ.
