ސައީދުގެ ވާހަކަތަކުން ދޭހަވީ ސިމެންތީގެ ދަތިކަން ކުރިމަތިއިރު ވެސް ކާރިސާ ކޮމިޓީއަށް ނޭނގޭކަން

އިކޮނޮމިކް މިނިސްޓަރު މުހައްމަދު ސައީދު: ސިމެންތީގެ ދަތިކަން ކުރިމަތިއިރުވެސް ކާރިސާ ކޮމިޓީއަށް ނޭނގޭކަން މިނިސްޓަރުގެ ވާހަކައިން ވަނީ ދޭހަވެފައި -- ފޮޓޯ: ރައީސް އޮފީސް

އިކޮނޮމިކް މިނިސްޓަރު މުހައްމަދު ސައީދު: ސިމެންތީގެ ދަތިކަން ކުރިމަތިއިރުވެސް ކާރިސާ ކޮމިޓީއަށް ނޭނގޭކަން މިނިސްޓަރުގެ ވާހަކައިން ވަނީ ދޭހަވެފައި -- ފޮޓޯ: ރައީސް އޮފީސް

މެދުއިރުމަތީގައި މިހާރު ކުރިއަށްދާ ހަނގުރާމައާ ގުޅިގެން ރާއްޖެއަށް ސިމެންތި ލިބުމުގައި ދަތިތަކެއް ކުރިމަތިވިއިރު ވެސް، އެކަން ރައީސް މުހައްމަދު މުއިއްޒު އުފެއްދެވި ކެބިނެޓް މިނިސްޓަރުންގެ ކާރިސާ ކޮމިޓީއަށް ނޭނގޭކަން އިކޮނޮމިކް މިނިސްޓަރު މުހައްމަދު ސައީދު ދެއްކެވި ވާހަކައިން ދޭހަވެއްޖެ އެވެ. 

މިއަދު ކާރިސާ ކޮމިޓީން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ސައީދު ވިދާޅުވީ ސިމެންތީގެ ދަތިކަން ރާއްޖެއަށް ކުރިމަތިވެފައިވާކަން އެނގުނީ އެފަދަ ވާހަކަތަކެއް ދެކެވެން ފެށުމުން ކަމަށެވެ. އެކަމާ ގުޅިގެން ކާރިސާ ކޮމިޓީން ކުރި ގިނަ މަސައްކަތްތަކަށް ކުރިއެރުން ލިބިފައިވާކަން ވެސް ސައީދު ފާހަގަކުރެއްވި އެވެ. 

"ސިމެންތި ލިބުމުގައި ދަތިތަކެއް ހުރި ވާހަކަތަކެއް ދިޔަ. އެހެންނަމަވެސް އެ ވާހަކަ އަޅުގަނޑުމެންނަށް އެޑްރެސްވި ހިސާބުން ފެށިގެން އަޅުގަނޑުމެންގެ ކޮމިޓީގެ ވަރަށް ގިނަ މަސައްކަތްތަކެއް ކުރެވި ވަރަށް ގިނަ ކުރިއެރުންތަކެއް ލިބި، މިހާރުވެސް އެސްޓީއޯއަށް ސިމެންތި ގެންނަން، މިހާރުވެސް ސިމެންތި ގެންނަ މާކެޓުން ސިމެންތި އެބަ ގެނޭ،" ސައީދު ވިދާޅުވި އެވެ. 

ސައީދު ވިދާޅުވީ ކޮމިޓީން ކުރި މަސައްކަތުން ރާއްޖެއިން ސިމެންތި ހުސްވުމުގެ ހާލަތެއް ނުވަތަ ސިމެންތީގެ ދައްޗެއް މެދުވެރިވިޔަސް ސިމެންތި ރާއްޖެ ގެންނާނެ އިތުރު ހަތަރު ސަޕްލަޔަރުން މިހާރު ހޯދިފައިވާ ކަމަށެވެ. 

އެ ހަތަރު ސަޕްލަޔަރުން ހޯދުނީ ފޮރިން މިނިސްޓްރީ އާއި އެކުވެރި ގައުމުތަކާއެކު ކުރި މަސައްކަތުގެ ސަބަބުން ކަމަށް ސައީދު ވިދާޅުވި އެވެ. ނަމަވެސް އެއީ ކޮން ގައުމުތަކަކަށް ނިސްބަތްވާ ކޮން ހަތަރު ސަޕްލަޔަރުންނެއް ކަމެއް ސައީދު ހާމައެއް ނުކުރައްވަ އެވެ. 

މުޅި ރާއްޖެއިން ސިމެންތި ހުސްވުމާ ގާތަށް ގޮސް ބަސްތާއެއްގެ އަގު 250 ރުފިޔާއިން މައްޗަށް އަރައިފި

ވިލާއިން ސިމެންތި ބަސްތާއެއް ވިއްކަނީ 254 ރުފިޔާއަށެވެ. އެކަމަކު ވިލާގެ ހުޅުމާލެ ބްރާންޗުން ސިމެންތި ބަސްތާއެއް ވިއްކަނީ 237 ރުފިޔާއަށެވެ. އެހެންކަމުން އެއީ 154 ޕަސެންޓާއި 137 ޕަސެންޓުގެ އިތުރުވުމެކެވެ.

"އެހެންނަމަވެސް އެފަދަ ހާލަތެއްގައި ދައްޗެއް އަޔަސް އިތުރު ހަތަރު ސަޕްލަޔަރުން، ޕާޓީސް އަޅުގަނޑުމެންނަށް އެބަތިބި ސިމެންތި ފޯރުކޮށްލަދޭނެ. އެނގޭތޯ ކޮށްދޭނެ. އެކަން މިނިސްޓްރީ އޮފް ފޮރިން އެފެއާޒްއިން އަޅުގަނޑުމެންގެ އެކުވެރި ގައުމުތަކާއެކު ކުރެއްވި މަސައްކަތުގެ ތެރެއިން މިހާރު ވަނީ ހަމަޖެހިފައި،" މިނިސްޓަރު ވިދާޅުވި އެވެ. 

ރާއްޖެއަށް އެންމެ ގިނައިން ސިމެންތި ގެންނަ ތިން ކުންފުނީގެ ތެރޭގައި ދައުލަތުގެ ކުންފުނި ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ހިމެނެ އެވެ. އެ ކުންފުނީގެ ސިމެންތި ސްޓޮކް މަދުވުމުގެ ސަބަބުން މިދިޔަ ހަފްތާގައިވެސް ސިމެންތި ވިއްކީ ލިމިޓުކޮށްގެން ބޮޑެތި ވިޔަފާރިތަކަށެވެ. 

މިވަގުތު އާންމުކޮށް ސިމެންތި ގަންނަން ލިބެނީ ވިލާ ކުންފުނިން އެކަންޏެވެ. ވިލާ އާއި އެސްޓީއޯގެ އިތުރުން ރާއްޖެއަށް ދެން ސިމެންތި ގެންނަ އެޕޯލޯއަކު ސިމެންތީގެ ސްޓޮކެއް ނެތެވެ.

ސިމެންތީގެ އިތުރުން ދަގަނޑުގެ ތާށިކަން ވެސް ވަރަށް ބޮޑުވެފައިވާ ކަމަށް މި ނޫހާ ވާހަކަ ދެއްކި ބައެއް ވިޔަފާރިވެރިން ބުންޏެވެ. ވިޔަފާރިވެރިން ބުނަނީ ކޮންސްޓްރަކްޝަން އިންޑަސްޓްރީއަށް ބޭނުންވާ ހުރިހާ މުދަލެއްގެ އަގު ވެސް ގާތްގަނޑަކަށް 30 ޕަސެންޓު ބޮޑުވެއްޖެ ކަމަށެވެ.

ފަތުރުވެރިކަން ނެގުމަށްފަހު ކޮންސްޓްރަކްޝަން އިންޑަސްޓްރީ އާއި މަސްވެރިކަމަކީ ރާއްޖޭގެ އިގްތިސާދަށް އެންމެ ބޮޑު ހިއްސާއެއްދޭ ދެ އިންޑަސްޓްރީ އެވެ. ކޮންސްޓްރަކްޝަން އިންޑަސްޓްރީއަކީ ރާއްޖޭގެ ޖީޑީޕީގެ 5.5 ޕަސެންޓެވެ.

ކޮންސްޓްރަކްޝަން އިންޑަސްޓްރީގައި ބޭނުންކުރާ ތަކެތީގެ އަގުބޮޑުވިއިރު، ތެލާއި ކާބޯތަކެއްޗާއި ދަތުރުފަތުރާއި ނާލު ވެސް ވަނީ އަގުބޮޑުވެފަ އެވެ. ދަތުރުފަތުރާއި ނާލުން އަގުބޮޑުވީ ސަރުކާރުން ތެލުގެ އަގު ބޮޑުވުމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox