އޭޝިއަން ބީޗް ގޭމްސް: ރާއްޖޭގެ ހޭންޑްބޯޅަ ޓީމު ވަރުގަދަ ގްރޫޕަކަށް

Mar 30, 2026, 4:54 AM
މިިދިޔަ އަހަރުގެ އޭޝިއާގެ ބީޗްހޭންޑްބޯޅަ މުބާރާތުގައި އޮމާނާއި ރާއްޖެ ކުޅުނު މެޗުގެ ތެރެއިން.---

މިިދިޔަ އަހަރުގެ އޭޝިއާގެ ބީޗްހޭންޑްބޯޅަ މުބާރާތުގައި އޮމާނާއި ރާއްޖެ ކުޅުނު މެޗުގެ ތެރެއިން.---

އަންނަ މަހު ޗައިނާގެ ސަންޔާ، ހައިނާން އައިލެންޑްގައި ކުރިއަށްދާ އޭޝިއަން ބީޗް ގޭމްސްގައި ވާދަކުރާ ރާއްޖޭގެ ގައުމީ ފިރިހެން ހޭންޑްބޯޅަ ޓީމު ވަރުގަދަ ގްރޫޕެއްގައި ވާދަކުރަން ޖެހިއްޖެ އެވެ.

ހަ ވަނަ އޭޝިއަން ބީޗް ގޭމްސް ކުރިއަށްދާނީ، އަންނަ މަހުގެ 22 އިން 30 އަށެވެ. އެ މުބާރާތުގެ ހޭންޑްބޯޅަ އިވެންޓުގެ ގުރުއަތުލުން ކުރިއަށްގެންގޮސްފައިވާއިރު، ގްރޫޕް އޭގައި ހިމެނެނީ، ޗައިނާ، އިރާން، ފިލިޕީންސް، ހޮންގް ކޮންގް، އިންޑިއާ، ސްރީ ލަންކާ އަދި ބަހުރޭން އެވެ.

ގްރޫޕް ބީގައި ރާއްޖޭގެ އިތުރުން ހިމެނެނީ، އޮމާން، ޕާކިސްތާން، ޖޯޑަން، ބަންގްލަދޭޝް، ތައިލެންޑް، ގަތަރު އަދި މޮންގޯލިއާ އެވެ. ރާއްޖެ ހިމެނޭ ގްރޫޕްގަައި ބީޗްހޭންޑްބޯޅައިގެ އެންމެ ފަހުން، 2024 ގައި ބޭއްވި ވޯލްޑް ޗެމްޕިއަންޝިޕްގައި ވާދަކުރި ދެ ގައުމެއް ހިމެނެ އެވެ. އެއީ، އޮމާން އާއި ގަތަރެވެ. މި އަހަރުގެ ދުނިޔޭގެ މުބާރާތުގައި އޭޝިއާ އިން ވާދަކުރަނީ އިރާން އާއި އޮމާން އެވެ. އެއީ، މިދިޔަ އަހަރުގެ އޭޝިއާގެ މުބާރާތުގެ ފައިނަލުގައި ކުޅުނު ދެ ޓީމެވެ.

Advertisement

ރާއްޖޭން ވަނީ މިދިޔަ އަހަރު އޮމާންގެ މަސްކަޓުގައި ކުރިއަށްދިޔަ އޭޝިއާގެ ބީޗްހޭންޑްބޯޅަ މުބާރާތުގައި އޮމާނާ ދެކޮޅަށް ކުޅެ، ބަލިވީ، 2-0 އިންނެވެ. އެއީ، 22-08، 22-06 އިން ސެޓުތައް ނިމިގެންނެވެ. އަދި، މިދިޔަ އަހަރު ހދ. ކުޅުދުއްފުށި ސިޓީގައި ކުރިއަށްދިޔަ، ކޮމަންވެލްތު ބީޗް ހޭންޑްބޯޅަ މުބާރާތުން ރާއްޖޭން ލޯ މެޑަލް ހޯދީ ތިން ވަނަ ހޮވި މެޗުގައި ބަންގްލަދޭޝް އަތުން ފަހަތުން އަރައި 2-1 އިން މޮޅުވެެގެންނެވެ. ލީގު ބުރުގައި ޕެނަލްޓީ ޝޫޓްއައުޓަށް ގޮސްގެން ބަންގްލަދޭޝް އަތުން ބަލިވިއިރު، ތިން ވަނަ ހޮވި މެޗުގައި ރާއްޖޭން ބަންގްލަދޭޝް ބަލިކުރީ ފަހަތުން އަރައި، ޝޫޓްއުޓަށް ގޮސްގެންނެވެ.

އޭޝިއަން ބީޗް ގޭމްސްގެ ހަ ވަަނަ އެޑިޝަން ސަންޔާގައި ހޯސްޓްކުރަން ފުރަތަމަ ރޭވީ 2020 ވަނަ އަހަރު އެވެ. ބީޗް ގޭމްސްގައި ރާއްޖޭން ހަތަރު ކުޅިވަރަކުން ވާދަކުރާނެ ކަމަށް މޯލްޑިވްސް އޮލިމްޕިކް ކޮމިޓީ (އެމްއޯސީ) އިން ވަނީ ބުނެފަ އެވެ. އެއީ، ހޭންޑްބޯލް، އެތުލެޓިކްސް، ސްވިމިން އަދި ވޮލީބޯލް އެވެ. ރާއްޖޭން ވާދަކުރާ ކުޅިވަރުތަކުގެ ތެރެއިން ހޭންޑްބޯލް ފިޔަވައި، ދެން އޮތް ހަަތަރު ކުޅިވަރުގައި ވެސް ދެ ޖިންސުން އެތުލީޓުން ވާދަކުރާނެ އެވެ. ހޭންޑްބޯލް އިން ވާދަކުރަނީ ހަމައެކަނި ފިރިހެން ޓީމެވެ.

ސަންޔާ ބީޗްގޭމްސްގައި މި ފަހަރު 45 ގައުމުން 1790 އެތުލީޓުން ވާދަކުރާނެ ކަމަށް ގޭމްސް އިންތިޒާމްކުރާ ފަރާތުން މައުލޫމާތު ދެ އެވެ. މި ފަހަރުގެ ގޭމްސްގައި ހިމެނެނީ، 14 ކުޅިވަރަކުން 15 ޑިސިޕްލިން އަދި 62 އިވެންޓެވެ. އެންމެ ގިނަ އެތުލީޓުން ހިމެނެނީ ބީޗްހޭންޑްބޯޅައިގަ އެވެ. އެއީ، 237 އެތުލީޓުންނެވެ.

ރާއްޖޭގެ ބީޗްހޭންޑްބޯޅަ ކުރިއަރުވަން ސަރުކާރާއި ހޭންޑްބޯލް މޯލްޑިވްސް އިން ކުރަމުން އަންނަ މަސައްކަތްތައް ކުރިއަށްދާ ގޮތާ މެދު ހުރި ކަންބޮޑުވުންތައް ފާހަގަކޮށް، 11 ކްލަބަކުން ގުޅިގެން ވަނީ ބަޔާނެއް ނެރެފަ އެވެ. އެ ބަޔާނުގައި މައިގަނޑުކޮށް އަލި އަޅުވާލާފައިވާ ތިން ކަމަކީ، ހދ. ކުޅުދުއްފުށި ސިޓީގައި ބީޗްހޭންޑްބޯޅަ ޓީމު ބޭސްކޮށްފައިވުމަކީ ކުޅިވަރު ގާނޫނާ ހިލާފު ކަމެއް ކަަމާއި ބީޗް އޭޝިއަން ގޭމްސް އަށް ކުޅުންތެރިން ހޮވުމުގައި އަމަލުކޮށްފައިވަނީ ދެފުށްފެންނަ އުސޫލެއްގެ ތެރެއިން ނޫން ކަމަށާއި އަންހެން ބީޗްހޭންޑްބޯޅަ އަށް އިހުމާލުވެފައިވާ ކަމެވެ. އެ ގޮތުން، އެ ކްލަބްތަކުން ވަނީ، ބީޗްހޭންޑްބޯޅައިގެ ކަންކަން މިހާރު ކުރިއަށްދާ ގޮތުން، އެ ކުޅިވަރު ކުޅޭ ކުޅުންތެރިންނަށް ފުރުސަތު ހަނިވެފައިވާ ކަމަށާއި ކުޅުންތެރިން ނެގުމުގައި އިންސާފުވެރިކަން އިސްކުރުމަށް ގޮވާލައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox