ކޮމަންވެލްތު ބީޗް ހޭންޑްބޯލް ޗެމްޕިއަންޝިޕް: ރާއްޖެ އަތުން ބަންގްލަދޭޝް އަށް މޮޅެއް

Sep 20, 2025, 2:03 PM
ކޮމަންވެލްތު ބީޗް ހޭންޑްބޯލް ޗެމްޕިއަންޝިޕް: ރާއްޖެ އަތުން ބަންގްލަދޭޝް އަށް މޮޅެއް

ހދ. ކުޅުދުއްފުށި ސިޓީގައި މިހާރު ކުރިއަށްދާ ކޮމަންވެލްތު ބީޗްހޭންޑްބޯލް ޗެމްޕިއަންޝިޕްގައި ރާއްޖޭގެ ގައުމީ ޓީމުން ކުޅުނު ހަތަރު ވަނަ މެޗުގައި، ވާދަވެރި ކުޅުމަކަށް ފަހު ބަންގްލަދޭޝް އަތުން ބަލިވެއްޖެ އެވެ.

ރާއްޖޭން މި މުބާރާތުގައި ކުޅުނު ފުރަތަމަ ދެ މެޗުން ސްރީ ލަންކާ އާއި ދެކުނު އެފްރިކާ އަތުން މޮޅުވި ނަމަވެސް، ދެން ކުޅުނު ދެ މެޗުން މި ވަނީ ޕާކިސްތާނާއި ބަންގްލަދޭޝް އަތުން ބަލިވެފަ އެވެ. ރޭ ޕާކިސްތާން އަތުންނާއި މިއަދު ބަންގްލަދޭޝް އަތުން ބަލިވީ ޕެނަލްޓީ ޝޫޓްއައުޓްގަ އެވެ.

ހަ ގައުމުގެ މެދުގައި ކުރިއަށްދާ މި މުބާރާތުގައި، މިއަދު ހަވީރު، ކުޅުނު މެޗުގައި ފުރަތަމަ ސެޓު ގެންދިޔައީ ރާއްޖޭންނެވެ. ދިވެހި ޓީމުން ވަރުގަދަ ރޫހެއްގައި ކުޅެލި މި ސެޓުގައި، އެ ޓީމުގެ އަހުމަދު ރަޒްނީ މުހައްމަދު ވަނީ މޮޅު ކުޅުމެއް ދައްކައިފަ އެވެ. މި ސެޓް ރާއްޖޭން ކާމިޔާބުކުރީ ހަ ޕޮއިންޓްގެ ލީޑަކާއެކު 20-14 ގެ ނަތީޖާއަކުންނެވެ.

Advertisement

ދެ ވަނަ ސެޓުގައި، ދެ ޓީމުގެ ފަރާތުން ގިނަ މައްސަލަތަކެއް ފެނިގެންދިޔައިރު، ރާއްޖޭގެ ކުޅުންތެރިންގެ މެޗު ކޮންސަންޓްރޭޝަން ނަގާލުމަށް ބަންގްލަދޭޝް ކުޅުންތެރިންނާއި އޮފިޝަލުންގެ ފަރާތުން ގިނަ ހަރަކާތްތަކެއް ފެނިގެންދިޔަ އެވެ. އަދި، މުހިންމު ވަގުތުތަކުގައި ރާއްޖޭގެ ކުޅުންތެރިންނަށް ޕްރެޝަރު ކުރިމަތިކުރުވައި، މި ސެޓުގެ ކުޅުން ދިގުވެގެންދިޔައިރު، ބަންގްލަދޭޝް އިން 16-19 އިން ސެޓު ގެންގޮސް، ނަތީޖާ ނެރެން ޕެނަލްޓީ ޝޫޓައުޓް އަށް ދިޔަ އެވެ. ޝޫޓްއައުޓް ސެޓުގައި، ބަންގްލަދޭޝް އިން ކުރީކޮޅުގައި ލީޑެއް ނަގައި، 6-7 ގެ ނަތީޖާއަކުން މެޗުން މޮޅުވި އެވެ.

އަންނަ ހޯމަ ދުވަހުގެ ނިޔަލަށް ކުޅޭ ކޮމަންވެލްތު ބީޗްހޭންޑްބޯޅަ މުބާރާތުގެ ސެމީގެ ފުރަތަމަ މެޗުގައި ލީގު ބުރުގެ އެއް ވަނަ ޓީމާއި ހަތަރު ވަނަ ޓީމު ވާދަކުރާނެ އެވެ. ސެމީގެ ދެ ވަނަ މެޗުގައި ވާދަކުރާނީ ލީގު ބުރުގެ ދެ ވަނަ ޓީމާއި ތިން ވަނަ ޓީމެވެ. އެ އަށް ފަހު ސެމީ ފައިނަލުގެ ދެ މެޗުން ބަލިވާ ޓީމުތަކުގެ މެދުގައި ތިން ވަނަ ހޮވާ މެޗެއް ކުޅޭއިރު، ލީގު ބުރުގެ ފުލަށް ދާ ދެ ޓީމުގެ މެދުގައި ރޭންކިން މެޗެއް ކުޅޭނެ އެވެ.

ސެމީ ފައިނަލުގެ ޖާގަތައް ކަނޑައެޅިގެންދާނީ، މިރޭ ކުޅޭ ލީގު ބުރުގެ ފަހު ތިން މެޗަށް ފަހު އެވެ. މިރޭ، 20:00 ގައި ބަންގްލަދޭޝާއި ޕާކިސްތާނުން އެއް ވަނަ މަގާމަށް ވާދަކުރާ މެޗުުގައި ކުޅޭއިރު، 21:00 ގައި، ލަންކާ އާއި ދެކުނު އެފްރިކާ ކުޅޭނެ އެވެ. އަދި، ލީގު ބުރުގެ ފަހު މެޗުގައި، މިރޭ، 22:00 ގައި ރާއްޖޭން ކުޅޭނީ އިންޑިއާއާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox