ކޮމަންވެލްތު ބީޗް ހޭންޑްބޯލް ޗެމްޕިއަންޝިޕް: ވާދަވެރި ކުޅުމަކަށް ފަހު ރާއްޖެ އަތުން ޕާކިސްތާނަށް މޮޅެއް

Sep 19, 2025, 5:10 PM
ކޮމަންވެލްތު ބީޗް ހޭންޑްބޯލް ޗެމްޕިއަންޝިޕް: ވާދަވެރި ކުޅުމަކަށް ފަހު ރާއްޖެ އަތުން ޕާކިސްތާނަށް މޮޅެއް

ކޮމަންވެލްތު ބީޗްހޭންޑްބޯޅަ މުބާރާތުގައި ރާއްޖޭގެ ގައުމީ ޓީމުން ކުޅުނު ތިން ވަނަ މެޗުގައި، ވާދަވެރި ކުޅުމަކަށް ފަހު މުބާރާތުގައި ކުޅޭ އެންމެ ވަރުގަދަ އެއް ޓީމު ކަމަށްވާ ޕާކިސްތާން އަތުން ބަލިވެއްޖެ އެވެ.

ޖުމްލަ އެކު، ހަ ގައުމު ވާދަކުރާ މި މުބާރާތުގައި ރާއްޖޭން ކުޅުނު ފުރަތަމަ މެޗުގައި ސްރީ ލަންކާ އަތުން 2-1 ސެޓުން މޮޅުވިއިރު، މިއަދު ހެނދުނު ދެކުނު އެފްރިކާ އަތުން މޮޅުވީ ސީދާ ސެޓުންނެވެ. އިތުބާރާ އެކު، މިރޭ ޕާކިސްތާނާ ދެކޮޅަށް ނުކުމެ، ހިތްވަރުގަދަ ކުޅުމެއް ދެއްކި އެވެ. ކުޅުދުއްފުށި ބީޗްހޭންޑްބޯޅަ ކޯޓުގެ ފޯރިގަދަ މާހައުލުގައި، ކުޅުނު މެޗުގެ ފަހު ވަގުތާ ހަމައަށް ރާއްޖޭން ހިތްވަރު ކުރި ނަމަވެސް ޕާކިސްތާނުގެ ތަޖުރިބާގެ ބޭނުންކޮށް، ޕެނަލްޓީ ޝޫޓައުޓުގައި އެ ޓީމުން ކުރިހޯދީ އެވެ.

ރާއްޖޭން މެޗު ފެށީ ފުރަަތަމަ ދެ މެޗުގެ ނަތީޖާގެ އިތުބާރާ އެކު، އެ ހިތްވަރު ދައްކައި، ފުރަތަމަ ސެޓު، 16-15 އިން ގެންދިޔަ އެވެ. އެކަމަކު، ދެ ވަނަ ސެޓުގައި ޕާކިސްތާންގެ ކުޅުންތެރިން ހަމަޖެހިލައިގެން ކުޅެ، ޕްރެޝަރާ ކުރިމަތިލައި، 10-22 އިން މި ސެޓު ގެންގޮސް ނަތީޖާ ނެރުމަށް ޕެނަލްޓީ ޝޫޓައުޓަށް ދިޔަ އެވެ. ޝޫޓްއައުޓުގައި ވެސް ޕާކިސްތާނުން މުހިންމު ވަގުތުތަކުގައި ހަމަޖެހިލައިގެން ކުޅެ، 6-7 އިން މޮޅުވީ އެވެ.

މި މުބާރާތުގައި ޕާކިސްތާނުން މިހާތަނަށް ކުޅުނު ތިން މެޗުގައި، އިންޑިއާ އާއި ލަންކާ އަތުން މޮޅުވީ ސީދާ ދެ ސެޓުންނެވެ. ޕާކިސްތާން ކައިރިން ސެޓެއް ހޯދީ ވެސް ރާއްޖޭން އެކަންޏެވެ.

މުބާރާތުގެ ކުޅުން ދެން އޮތީ މާދަމާ މެންދުރު ފަހު އެވެ. މާދަމާ ލީގު ބުރުގެ ބާކީ މެޗުތައް ކުޅޭއިރު، ރާއްޖޭން މާދަމާ 16:15 ގައި ބަންގްލަދޭޝާ ކުޅުމަށް ފަހު، ލީގު ބުރުގެ ފަހު މެޗުގައި، މާދަމާރޭ 22:00 ގައި ރާއްޖޭން އިންޑިއާއާ ބައްދަލުކުރާނެ އެވެ،

ފުރަތަމަ ސެމީ ފައިނަލުގައި، ކުޅޭނީ ލީގު ބުރުގެ އެއް ވަނަ އާއި ހަތަރު ވަނަ އެވެ. ދެ ވަނަ ސެމީ ފައިނަލުގައި ދެ ވަނަ އާއި ތިން ވަނަ ކުޅޭއިރު، ސެމީ ފައިނަލުން ބަލިވާ ޓީމުތަކުގެ މެދުގައި ތިން ވަނަ ހޮވާ މެޗެއް، އަދި ލީގު ބުރުގެ ފުލަށް ދާ ދެ ޓީމުގެ ދެމެދުގައި ރޭންކިން މެޗެއް ކުޅޭނެ އެވެ. މުބާރާތުގެ ފައިނަލް މެޗު ކުޅޭނީ ހޯމަ ދުވަހުގެރޭ 20:00 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox