ހުލާސާކޮށް އިއްޔެ: ދެ މީހުން ގެއްލިފައި ވަނިކޮށް ބިލިއަނަރު ރާއްޖެއިން ފުރުން

Mar 22, 2026, 12:49 AM
ރޭމަންޑު ހެދުން ކުންފުނީގެ ބާނީ ގޯތަމް ސިންހާނިއާ: އެކްސިޑެންޓުވި ލޯންޗު ދުއްވަން ހުރީ ގޯތަމް ---

ރޭމަންޑު ހެދުން ކުންފުނީގެ ބާނީ ގޯތަމް ސިންހާނިއާ: އެކްސިޑެންޓުވި ލޯންޗު ދުއްވަން ހުރީ ގޯތަމް ---

ވާވު އަތޮޅުގައި ބުރާސްފަތި ދުވަހުގެ ރޭ ދަންވަރު ހިނގި ނުރައްކާތެރި ކަނޑުމަތީގެ އެކްސިޑެންޓެއްގައި ދެ މީހަކު ގެއްލިގެން ހޯދަމުން ދަނިކޮށް، އެ ހާދިސާ ހިނގި ވަގުތު ލޯންޗު ދުއްވަން އިން ކަމަށް މައުލޫމާތު ލިބިފައިވާ އިންޑިއާގެ ބިލިއަނަރު ގޯތަމް ސިންގްހާނިއާ ރާއްޖެއިން ފުރައިފި ކަމަށް އިއްޔެ ރިޕޯޓުކުރި އެވެ.

އިތުބާރު ކުރެވޭ މަސްދަރަކުން "އަދަދު" ނޫހަށް ކަށަވަރުކޮށް ދިން ގޮތުގައި، ރޭމަންޑް ޓެކްސްޓައިލްސްގެ ވެރިޔާ ގޯތަމް، 60، ރާއްޖެއިން ފުރާފައިވަނީ އިއްޔެ ހަވީރުގެ ވަގުތެއްގަ އެވެ.

މި ނުރައްކާތެރި ހާދިސާ ހިނގީ ބުރާސްފަތި ދުވަހުގޭ ރޭ ދަންވަރު 1:15 ހާއިރު، ގޯތަމްގެ 15 މިލިއަން ޑޮލަރުގެ އަގުބޮޑު ޔޮޓު، "ޓީޓީ އަޝޭނާ" ގައި ބޭނުންކުރާ "ސިނގިރޭޓު ރޭސިން" މަރުކާގެ ބާރު ސްޕީޑު ލޯންޗެއް ބަންޑުން ޖަހާލައިގެން ކަމަށް އަދަދު ނޫހާ ވާހަކަ ދެއްކި މީހާ ބުންޏެވެ.

މައުލޫމާތު ދިން މަސްދަރުން ބުނި ގޮތުގައި މި އެކްސިޑެންޓް ހިނގީ ޔޮޓުގައި ޕާޓީކުރުމަށްފަހު ބާރު ސްޕީޑުގައި ރޭސް ޖަހަން އުޅުމުގެ ތެރޭގަ އެވެ. އެ ވަގުތު ލޯންޗު ދުއްވަން އިނީ ވެސް ރޭސިންއަށް ޝައުގުވެރިކަން ހުންނަ ބިލިއަނަރު ގޯތަމް ކަމަށް ބުނީ ވެސް މި މަސްދަރުންނެވެ.

އެކްސިޑެންޓްވި ލޯންޗުގައި ގޯތަމްގެ އިތުރުން ހަ މީހަކު ތިއްބެވެ. އޭގެ ތެރޭގައި ހިމެނެނީ އިނގިރޭސިވިލާތާއި ރަޝިޔާގެ ދެ އަންހެނަކާއި އިންޑިއާގެ ހަތަރު ފިރިހެނުންނެވެ. މި ހާދިސާގައި ގެއްލިގެން ހޯދަމުން ދަނީ އިންޑިއާގެ ދެ މީހެކެވެ. އެ ދެ މީހުންގެ ތެރެއިން އެކަކީ ޓީޓީ އަޝޭނާގެ ޔޮޓުގެ ކެޕްޓަން ކަމަށް މައުލޫމާތު ލިބިފައިވެ އެވެ.

ގެއްލުނު މީހުން ހޯދުމަށް ސިފައިން މަސައްކަތް ކުރަމުން ދާއިރު، ޑްރޯންގެ އެހީގައި ކަނޑުގެ ބޮޑު ސަރަހައްދެއް ވަނީ ބަލާފަ އެވެ. އެ މީހުން އަދި ނުފެނެ އެވެ.

މި އެކްސިޑެންޓުގައި ގޯތަމް ވެސް ޒަހަމްވި އެވެ. އޭނާގެ މޫނާއި އަތް ހިމެނޭހެން ހަށިގަނޑުގެ ހަ ތަނަކަށް ސީރިއަސް ނޫން އަނިޔާ ލިބިފައި ވާއިރު، ވާވު އަތޮޅު ހޮސްޕިޓަލުން ފަރުވާ ދިނުމަށްފަހު އެނާ ގެންދިޔައީ ސީދާ ޔޮޓަށެވެ.

މި ހާދިސާއާ ގުޅިގެން ގޯތަމްގެ ތަރުޖަމާނު ނެރުނު ބަޔާނެއްގައި ވެސް ބުނެފައިވަނީ، އެކްސިޑެންޓެއްގައި އޭނާއަށް ކުދިކުދި އަނިޔާތަކެއް ލިބިފައިވާ ކަމަށާއި މިހާރު އޭނާ މުމްބާއީގައި ފަރުވާ ހޯދަމުންދާ ކަމަށެވެ. ހާލު ރަނގަޅު ވަމުން އަންނަ ކަމަށް ވެސް ބަޔާނުގައި ބުނެފައިވެ އެވެ.

ނަމަވެސް، ދެ މީހަކު ގެއްލި، ފުލުހުން މި މައްސަލަ ތަހުގީގު ކުރަމުން ދަނިކޮށް، މައްސަލައިގެ ތުހުމަތު ކުރެވޭ ގޯތަމް އަށް ފުރައިގެން ދެވުނު ގޮތަކާ މެދު ފުލުހުން އަދި ވަކި އެއްޗެއް ނުބުނެ އެވެ.

ގާތްގަނޑަކަށް 1.4 ބިލިއަން ޑޮލަރުގެ މިލްކިއްޔާތެއް އޮންނަ ގޯތަމް އަކީ މީގެ ކުރިންވެސް ބާރު ސްޕީޑުގައި ދުއްވާ ކާރާއި ލޯންޗު ފަދަ ތަކެއްޗަށް ލޯބިކުރާ މީހެއްގެ ގޮތުގައި މަޝްހޫރުވެފައިވާ މީހެކެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox