ކެންޔާ އާއި އައްޑޫ އާއި ޖަކާޓާއާ ދެމެދު ޓްރޭޑް ރޫޓެއް ގާއިމް ކުރަން ނަޝީދު މަސައްކަތް ކުރައްވަނީ

Mar 2, 2026, 4:00 PM
ކުރީގެ ރައީސް ނަޝީދު: ވިދާޅުވީ ކެންޔާގެ ރައީސް މަސައްކަތަށް ޝައުގުވެރިކަން ހުންނެވި ކަމަށް -- ފޮޓޯ: މަޖިލިސް

ކުރީގެ ރައީސް ނަޝީދު: ވިދާޅުވީ ކެންޔާގެ ރައީސް މަސައްކަތަށް ޝައުގުވެރިކަން ހުންނެވި ކަމަށް -- ފޮޓޯ: މަޖިލިސް

ދިވެހިރާއްޖޭގެ އައްޑޫ އާއި ކެންޔާގެ މުމްބާސާ އާއި އިންޑޮނީޝިއާގެ ޖަކާޓާއާ ދެމެދު އިކޮނޮމިކް ޓްރޭޑް ރޫޓެއް ހަދަން ގާއިމް ކުރުމުގެ މަސައްކަތް ކުރީގެ ރައީސް މުހައްމަދު ނަޝީދުގެ ފައްޓަވައިފި އެވެ.

ނަޝީދުގެ ހިޔާލަކީ، މުމްބާސާއިންް ފަށައިގެން އައްޑޫއަށް ގޮސް، ޖަކާޓާއަށް ރޫޓު ނިންމާ ގޮތް ހެދުމެވެ. އެމަނިކުފާނު ތަސައްވުރަކީ މި ތިން ތަނުގެ މެދުގައި "ގްރީން އިކޮނޮމިކް ކޮރިޑޯ" އެއް ގާއިމް ކުރުމެވެ.

އެކްސްގައި ޕޯސްޓު ކުރެއްވި ވީޑިއޯ މެސެޖެއްގައި ނަޝީދު ވިދާޅުވީ ކެންޔާގެ ރައީސް ވިލިއަމް ރޫޓޯގެ އަރިހުގައި އެ ވާހަކަ ދެއްކެވުމުން އެކަން ކުރަން ވަރަށް ބޮޑަށް ޝައުގުވެރިވެވަޑައިގެންނެވި އެވެ. ދިވެހި ސަރުކާރާއި އިންޑޮނީޝިއާއިން އެއްބަސްވެއްޖެ ނަމަ އެ މަސައްކަތް ހަގީގަތަކަށް ހެދޭނެ ކަމަށް ވެސް ނަޝީދު ވިދާޅުވި އެވެ.

"ކެންޔާގެ ރައީސް ވެސް ހުންނެވީ ވަރަށް ޝައުގުވެރިކަމާ އެކީގައި. މިކަމުގެ ފީސިބިލިޓީއެއް ބެއްލެވުމަށް ވަރަށް ބޮޑަށް ތައްޔާރަށް. އަދި ކެންޔާގެ ރައީސް ވަނީ އެބޭފުޅާގެ ވަޒީރުންގެ އަރިހުގައި އެކަމައިގެން އުޅުމަށް ވިދާޅުވެސް ވެފަ. މިހާރު ދެން އަޅުގަނޑު ޖެހޭނީ ރާއްޖޭގެ ބޭފުޅުންނާ އަދި ޖަކާޓާއިންނާ މިކަމުގައި އެއްބާރުލުން ހޯދަން،" ނަޝީދު ވިދާޅުވި އެވެ.

ނަޝީދު ވިދާޅުވީ އެ ޕްރޮޖެކްޓަކީ ގްރީން ކޮރިޑޯއެއްގެ ގޮތުގައި އެމަނިކުފާނު ސިފަކުރައްވަނީ އިއާދަކުރެނިވި ހަކަތައިން "ހުރިހާ ކަމެއް ވެސް ހަމަޖެހޭ ގޮތް ވުމަށް" ކަމަށެވެ.

"ގްރީން ކޮރިޑޯއެއްގެ ގޮތުގައި އަޅުގަނޑު މި ވާހަކަ މި ދަންނަވާލަނީ، އަޅުގަނޑަށް ފެންނަނީ ރިނިއުބަލް އެނަޖީއިން ނުވަތަ އިއާދަކުރެވޭނެ ހަކަތައިން ހުރިހާ ކަމެއް ވެސް ހަމަޖެހޭ ގޮތްވުން. އަދި އެހެން ކަންކަން ވެސް ތިމާވެއްޓަށް ބެލުމަށްފަހު ނޫނީވިއްޔާ ނުކުރުން. އަދި ގްރީން އިކޮނޮމިކް ކޮރިޑޯއެއްގެ ގޮތުގައި އައްޑޫއިން މި މަސައްކަތް މުޅި ދުނިޔެއަށް އިއުލާނުކޮށް ފަތުރައި ހެދުން،" ސީވީއެފްގެ ސެކްރެޓަރީ ޖެނެރަލްގެ ގޮތުގައި މަސައްކަތް ކުރެއްވުމަށް އެފްރިކާގައި މިހާރު ދިރިއުޅުއްވާ ނަޝީދު ވިދާޅުވި އެވެ.

ނަޝީދު ވިދާޅުވީ، ދުނިޔޭގެ ވަރަށް ގިނަ މުދާ އިންޑިއާ ކަނޑުން ދަތުރު ކުރާއިރު، އެ ކަނޑުގެ "ސީދާ މެދުގައި" އޮތް އައްޑޫއިން އޭގެ ފައިދާ ނުނަގައި ތިބެންޖެހޭ ސަބަބެއް ނެތް ކަމަށެވެ.

"އަޅުގަނޑަށް ފެންނަ ގޮތުގައި އައްޑޫ އަތޮޅުގެ އެންމެ ބޮޑު ނިއުމަތަކީ އެ އަތޮޅު ގުދުރަތީ ގޮތުން އުފެދިފައި އެ އޮތް ތަން. އިންޑިއާ ކަނޑުގެ ސީދާ މެދުގައި. އެއްކޮޅުގައި އެ އޮތީ އެފްރިކާ. އަނެއްކޮޅުގައި މި އޮތީ ފާ އީސްޓް ނުވަތަ އިންޑޮނީޝިއާ އާއި މެލޭޝިޔާ އާއި ސިންގަޕޫރާ މި ގައުމުތައް. އިންޑިއާ ކަނޑަކީ ވަރަށް ގިނަ ބޯޓުފަހަރު ދަތުރު ކުރާ ކަނޑެއް. ދުނިޔޭގެ އެތަންމިތަނުން އުފުލާ ވަރަށް ގިނަ މުދާ މި އުފުލެނީ އިންޑިއާ ކަނޑު ހުރަސްކޮށް،" އެމަނިކުފާނު ވިދާޅުވި އެވެ.

ނަޝީދުގެ ވިސްނުމަކީ، އައްޑޫ ޓްރާންސްޝިޕްމަންޓް ބަނދަރަކަށް ހެދުމަށްފަހު އެފްރިކާ އާއި އިންޑޮނީޝިއާއިން އަންނަ ބޯޓުތަކުން ގެންނަ މުދާ އައްޑޫގައި ބެހެއްޓުމެވެ. އެއިރުން ބޯޓުތައް އެނބުރި ގައުމަށް ދާ ދަތުރުގައި އިންޑޮނީޝާ ބޯޓުން ގެނައި މުދާ އެފްރިކާއަށް، އެފްރިކާ ބޯޓުން ގެނައި މުދާ އިންޑޮނީޝިއާއަށް ފޮނުވޭނެ އެވެ. އެ މަސައްކަތަށް އެންމެ ރަނގަޅުވާނީ އެމަނިކުފާނަށް ފެނިވަޑައިގަންނަވާ ގޮތުގައި ކުދި ބޯޓުފަހަރުތައް ބޭނުންކޮށްގެން ކަމަަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox