އަހަރުގެ ދެ ވަނަ މަސް ނިމެނީ، ސަރުކާރުން ހަރަދުކުރި ވަރެއް ނޭނގޭ

Feb 24, 2026, 9:45 AM
ފިނޭންސް މިނިސްޓަރު މޫސާ ޒަމީރު ރައްޔިތުންގެ މަޖިލީހަށް ބަޖެޓު ހުށަހަޅުއްވަނީ: ފިނޭންސުން ޝާއިއުކުރަން ޖެހޭ ރިޕޯޓުތައް ގަވާއިދުން ޝާއިއުނުކުރާ މައްސަލަ ވަރަށް ބޮޑު --- ފޮޓޯ: ރައްޔިތުންގެ މަޖިލިސް

ފިނޭންސް މިނިސްޓަރު މޫސާ ޒަމީރު ރައްޔިތުންގެ މަޖިލީހަށް ބަޖެޓު ހުށަހަޅުއްވަނީ: ފިނޭންސުން ޝާއިއުކުރަން ޖެހޭ ރިޕޯޓުތައް ގަވާއިދުން ޝާއިއުނުކުރާ މައްސަލަ ވަރަށް ބޮޑު --- ފޮޓޯ: ރައްޔިތުންގެ މަޖިލިސް

ސަރުކާރަށް ލިބޭ އާމްދަނީ އާއި ކުރި ހަރަދުގެ މައުލޫމާތު ހިމެނޭ ރިޕޯޓުތައް އާންމުނުކުރާ މައްސަލަ އަނެއްކާ ވެސް ބޮޑުވެއްޖެ އެވެ.

މި އަހަރު ފެށިގެން މިހާތަނަށް މި މައުލޫމާތު ހިމެނޭ އެއްވެސް ރިޕޯޓެއް ސަރުކާރުން ޝާއިއުނުކުރެ އެވެ. މިހެންކަމުން ސަރުކާރުން މިހާތަނަށް ހަރަދުކުރީ ކިހާ ފައިސާއެއް ކަމެއް ނޭނގެ އެވެ.

އެންމެ އާންމުކޮށް ޝާއިއުކުރާ ރިޕޯޓަކަށް އޮންނަނީ ކޮންމެ ހަފުތާއެއްގައި ކުރި ހަރަދާއި ލިބުނު އާމްދަނީ އާއި އޮފީސްތަކުން ބަޖެޓުން ހަރަދު ކުރި ވަރު ހިމަނައިގެން ތައްޔާރުކުރާ ވީކްލީ ފިސްކަލް ޑިވެލޮޕްމަންޓް ރިޕޯޓެވެ. ފިނޭންސް މިނިސްޓްރީން މީގެ އެންމެ ރިޕޯޓެއް ވެސް މި އަހަރު ޝާއިއުކޮށްފައި ނެތެވެ. އެންމެ ފަހުން ޝާއިއުކޮށްފައިވާ ރިޕޯޓަކީ، މިދިޔަ އަހަރުގެ ފަހު ހަފުތާގެ ރިޕޯޓެވެ.

Advertisement

ސަރުކާރުން ހަރަދު ކުރީ ކިހާ ފައިސާއެއް ކަމެއް ނޭނގުނަސް، މީރާއިން ޖެނުއަރީ މަހުގެ އާމްދަނީ ރިޕޯޓު ޝާއިއުކޮށްފައިވާތީ އެ މަހު 4.4 ބިލިއަން ރުފިޔާގެ އާމްދަނީއެއް ލިބުނުކަން އެނގެ އެވެ.

ރިޕޯޓުތައް ޝާއިއުނުކުރާ މައްސަލައިގައި މީގެ ކުރިން ވެސް ފިނޭންސް މިނިސްޓްރީގައި އަހަައިގެން، ގަވާއިދުން އެ ރިޕޯޓުތައް ޝާއިއުނުކުރެވޭ ސަބަބެއް އެއްވެސް އޮފިޝަލަކަށް ކިޔައި ނުދެވުނެވެ.

މިއީ މި ސަރުކާރުގައި މި މައްސަލަ ޖެހިގެން އުޅޭ ފުރަތަމަ ފަހަރެއް ނޫނެވެ. އެންމެ ފުރަތަމަ މި މައްސަލަ ޖެހުނު ފަހަރު، އެއީ 2024 ގެ މެދުތެރޭގައި، އެ ރިޕޯޓުތައް ޝާއިއުކުރުން ހުއްޓާލީ ކުރީ ސަރުކާރުން ހަރަދު ރެކޯޑު ކުރުމުގައި ބޮޑު ގޯހެއް ހަދާފައިވާ ކަމަށް ބުނެ އެވެ. އެ ފަހަރު ރިޕޯޓުތައް ޝާއިއުކުރަން ފެށީ ތިން މަހުގެ މެދުކެނޑުމަކަށް ފަހުގަ އެވެ.

އެ ފަހުން އެހާ ދިގު މުއްދަތަކަށް މެދުނުކެނޑުނު ނަމަވެސް، މިދިޔަ އަހަރުގެ އެކި ހިސާބުގައި، ދެ ރިޕޯޓު ޝާއިއުކުރުމާ ދޭތެރޭގައި ދެ ތިން ހަފުތާ ވެފައި އެބަހުއްޓެވެ. އެކަމަކު، 2024 ގެ މައްސަލަގަނޑުގެ ފަހުން މި ރިޕޯޓުތައް ޝާއިއުނުކޮށް އެންމެ ގިނަ ދުވަސްވީ މި ފަހަރެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox