ރާއްޖޭގައި އެންމެ ޕްރޮފެޝަނަލްކޮށް ހިންގަމުން އަންނަ ބެޑްމިންޓަން ކްލަބް، ރިވައިވަލް ސްޕޯޓްސް އާއި މޯލްޑިވްސް އިސްލާމިކް ބޭންކް (އެމްއައިބީ) އިން ބެޑްމިންޓަންގެ މުސްތަގުބަލާ ގުޅޭ މުހިންމު އެއްްބަސްވުމެއް ގާއިމްކޮށްފި އެވެ.
އެމްއައިބީއިން ރިވައިވަލް ސްޕޯޓްސްއާ އެކު އެއްބަސްވުމެއްގައި ސޮއިކޮށްފައިވަނީ> ޔޫތު ޑިވެލޮޕްމަންޓް ޕްރޮގްރާމް (ވައިޑީޕީ) އަށް ހާއްސަ އަހައްމިއްޔަތުކަމެއް ދޭ ގޮތަށް، އަދި ޖުމްލަކޮށް މުޅި ބެޑްމިންޓަން ކުރިއެރުވުމުގެ ގޮތުންނެބެ.
މި އެއްބަސްވުމުގެ ދަށުން ރިވައިވަލް ސްޕޯޓްސްގެ އެކި ހަރަކާތްތަށް އިތުރަށް ހަރުދަނާކޮށް އިތުރަށް ފުޅާކުރުމަށް އެމްއައިބީން އެހީތެރިވާނެ އެވެ. މިއީ، ރާއްޖޭގެ ލެވަލްގަޔާއި ބައިނަލްއަގުވާމީ ލެވަލްގައި ރިވައިވަލް ސްޕޯޓްސް އިން ރާއްޖެ އަށް ރަން ވަނަ ހޯދައިދޭން ކުރާ މަސައްކަތަށް ލިބުނު އިތުރު ފުރިހަމަކަމެކެވެ.
ރާއްޖޭގެ ކުޅިވަރަށް އެމްއައިބީން އަންނަނީ ޒުވާނުން ބިނާކުރުމުގެ އަހައްމިއްޔަތުކަމަށް ބަލައިގެން މުހިންމު އެހީތަކެއް ސްޕޮންސަޝިޕްގެ ސިފައިގައި ފޯރުކޮށްދެމުންނެވެ. އެ ގޮތުން، އެމްއައިބީއިން އަންނަނީ މޯލްޑިވްސް ކްރިކެޓް ބޯޑާ އެކު ވެސް ކްރިކެޓް ކުރިއެރުވުމަށް މަސައްކަތްތަކެއް ކުރަމުންނެވެ.
މީގެ އިތުރުން، އެމްއައިބީއިން ދަނީ އިޖުތިމާއީ އެކި ކަންކަން ކުރިއަރުވާ ތިމާވެށި ހިމާޔަތް ކުރުމަށް ވެސް ގިނަ މަސައްކަތްތަކެއް ކުރަމުންނެވެ. އެ ގޮތުން، ނިމިދިޔަ އަހަރު ވެސް އެމްއައިބީ އިން ވަނީ ލ އަތޮޅުގައި އެ އަތޮޅުގައި ގުތުރަތީގޮތުން ހެދޭ އެކި ބާވަތްތަކުގެ ގަސް ހެއްދުމުގެ ޕްރޮގްރާމެއް ފަށައިފަ އެވެ.
އެމްއައިބީގެ އިތުރު މަސައްކަތްތަކަށް ބަލާއިރު، ކްރޮސް ރޯޑް މޯލްޑިވްސްއާ އެކު މުރަކަ އިންދުމުގެ ޕްރޮޖެއްޓެއް ހިންގާއިރު ސޮނެވާ ނަމޫނާ އާއި ގުޅިގެން ބ ގޮއިދޫގައި ކުނި މެނޭޖް ކުރާ ޕްރޮގްރާމެއް ވެސް ދަނީ ހިންގަމުނެވެ. މި ކަންކަމުގެ އިތުރުން ވެސް އެމްއައިބީއަކީ އިޖްތިމާއި އެކި ކަންކަމުގައި އިސް ނަގާ ބޭންކެކެވެ. ތިމާވެށި ހިމާޔަތްކުރުމާއި، ލޭ ހަދިޔާ ކުރުމާއި، ތައުލީމީ ދާއިރާއަށްވެސް އެ ބޭންކުން ގިނަ އެހީ ތަކެއް ދެ އެވެ.
ރިވައިވަލްއާ އެކު އެމްއައިބީން އެއްބަސްވުމަކަށް އައިއިރު، ބެޑްމިންޓަނަކީ ދެ ޖިންސުގެ މީހުންގެ މެދުގައި، ރާއްޖޭގެ އެކި ކަންކޮޅުތަކުގައި ބޮޑު ޝައުގުވެރިކަމަކާ އެކު ކުޅެމުން އަންނަ ކުޅިވަރެކެވެ. ގްރޭޓާ މާލެ ސަރަަހައްދެކޭ އެއްގޮތަށް ރާއްޖޭގެ އެކި ސަރަަހައްދުތަކުގައި ފޯރިގަދަ މުބާރާތްތައް ބެޑްމިންޓަނުން ކުރިއަށްދެ އެވެ. އެ ގޮތުން، ރިވައިވަލް އަކީ އޭދަފުށީގައި މުބާރާތް ކުރިއަށްގެންދާ ކްލަބެކެވެ.
އެމްއައިބީއާ އެކު، އެއްބަސްވުމެއް ހެދި ރިވައިވަލް ސްޕޯޓްސް އަކީ ބައިނަލްއަގުވާމީ މައިދާނުގައި، ރާއްޖެ އަށް ގިނަ ކާމިޔާބީތަކެއް ހޯދައިދެމުންނެވެ. މީގެ އިތުރުން، ބެޑްމިންޓަން އެސޯސިއޭޝަނާއި ގުޅިގެން ބޭޑްމިންޓަން ކުރިއަރުވަން ގިނަ ހަރާކާތްތަކެއް ހިންގަމުންނެވެ. އެ ގޮތުން އަމިއްލަ ކޯޓަކާ އެކު ހައި ޕާފޯމަންސް ޓީމެއް އެކުލަވާލައިގެން އެ ކުޅުންތެރިން ކުރިއަރުވައި ބައިނަލްއަގުވާމީ މުބާރާތްތަކެއްގައި ކުޅެމުން އަންނައިރު، ޔޫތު ޑިވެލޮޕްމަންޓް ހަރަކާތްތައް ވެސް ކުރިއަށްގެންދެ އެވެ.
