ރިވައިވަލް އިން ތަނަވަސްކޮށްދިން ފުރުސަތެއްގައި ހަލަފް އާއި ހޫދު ތައިލެންޑުގެ ބެޑްމިންޓަން ސްކޫލަކަށް

Mar 25, 2026, 6:47 AM
ރިވައިވަލް އިން ތަނަވަސްކޮށްދިން ފުރުސަތެއްގައި ހަލަފް އާއި ހޫދު ތައިލެންޑުގެ ބެޑްމިންޓަން ސްކޫލަކަށް

ރިވައިވަލް ސްޕޯޓްސް އިން ތަނަވަސްކޮށްދިން ފުރުސަތެއްގައި މުހައްމަދު ހަލަފް އިމްރާން އާއި ހޫދު ބިން ހާމިދު، ތައިލެންޑްގެ ބެޑްމިންޓަން ސްކޫލެއްގައި ޓްރެއިނިން ފަށައިފި އެވެ.

އެ ގޮތުން، ރިވައިވަލް އިން ބުނީ، ހަލަފް އާއި ހޫދު، ތައިލެންޑްގެ ބަން ތޮން ޔޮޑް ބެޑްމިންޓަން ސްކޫލުގައި މި މަހުގެ 22 އިން ފެށިގެން އަންނަ މަހުގެ 30ގެ ނިޔަލަށް ޓްރެއިނިން ކުރިއަށްގެންދާ ގޮތަށް ހަމަޖެހިފައިވާ ކަމަށެވެ.

މިއީ، ރިވައިވަލް އިން އެ ކްލަބްގައި ޓްރެއިނިން ފުރިހަަމަ ކުރަމުން އަންނަ ކުޅުންތެރިން އިތުރަށް ތަމްރީނު ކުރުމުގެ ގޮތުން ރަނގަޅު ލެވަލްގެ ފުރުސަތުތައް ފަހިކޮށްދިނުމުގެ ބޭނުމުގައި ހަމަޖައްސައިދީފައިވާ ޓްރެއިނިން ކޭމްޕެކެވެ. ރިވައިވަލް އިން ދެކޭ ގޮތުގައި، އަރަމުން އަންނަ ޒުވާން ކުޅުންތެރިންނަށް މި ފަދަ ބޭނުންތެރި ފުރުސަތު ތަނަަވަސްކޮށްދިނުމުން، މުސްތަގުބަލުގައި ރާއްޖޭގެ ބެޑްމިންޓަނަށް ކާމިޔާބު ހޯދައިދެވޭނެ ލެވަލްގެ ކުޅުންތެރިން އުފެދިގެން ދާ ނިސްބަތް އިތުރުވާނެ އެވެ.

"އަދަދު ސްޕޯޓްސް" އަށް ދިން އިންޓަވިއުއެއްގައި ހަލަފް، 19، ބުނީ، ރިވައިވަލްގައި ފަރިތަކުރަމުން އަންނަތާ އެއް ގާތްގަނޑަަކަށް އަހަރެއްވާން ގާތްވެފައިވާއިރު، ޖުމްލަކޮށް ބަލާއިރު ސީނިއާ ޓީމާ އެކު ވެސް ފަރިތަކުރުންތައް ކުރިއަށްގެންދަން ލިބޭތީ އޭގެ ފައިދާ ވެސް ބޮޑު ކަމަށެވެ.

ވަރަށް ބޮޑަށް އަމިއްލަ އިމްޕްރޫވްމަންޓަށް ފަރުވާ ބަހައްޓަައި ކޯޗު ބުނެފަައި އޮންނަ ގޮތަށް ދުވެލަން ދިއުމާއި ގޭގައި ވެސް މަސައްކަތް ކުރާ ކަމަށް ހަލަފް ވަނީ ބުނެފަ އެވެ.

ހަލަފް ބުނީ ރާއްޖޭން ބޭރުގައި ޓްރެއިނިން ފުރިހަމަ ކުރުމުގެ ފުރުސަތު ދެ ވަނަ ފަހަރަށް ލިބިގެންދިިއުމަކީ ވަރަށް ބޮޑު ކަމެއް ކަމަށެވެ. އަދި، ރިވައިވަލް ކަހަލަ ބޮޑު ކްލަބެއްގެ ފަރާތުން މި ކަހަލަ ފުރުސަތު ލިބުމަކީ ކެރިއަރަށް އޭގެ ފައިދާ ވަރަށް ބޮޑަށް ކުރާނެ ކަަމެއްގެ ގޮތުގައ ހަލަފް ދެކެ އެވެ.

"އަސްލު ވަރަށް އުފާވޭ މި ކަހަލަ އޮޕޮޗިއުނިޓީ ބައިވަރު ކުދި ޕްލޭޔާސް (އުމުރުން ހަގު ކުޅުންތެރިންނަށް) ވެސް ދޭތީވެ، އަސްލު ބުނެލަން ބޭނުންވަނީ، ބައިވަރު ހަރަދުތައް ކޮށްފައި ކްލަބުން ޕްލޭޔަރުން ބޭރަށް ފޮނުވާލީ އަސްލު ވަރަށް ހެޕީ. ވަރަށް ބައިވަރު ނިއު ސްކިލް އެބަ ދަސްވޭ، މިކޮޅުގައި އުޅޭއިރު ވެސް) (މާލޭގައި ޓްރެއިނިން ހަދާއިރު ވެސް). ދެން ބޭރަށް ގޮސް ބައިވަރު އެއްޗެހި ދަސްކުރަން އުންމީދަކީ،" ހަލަފް ބުންޏެވެ.

ހޫދު، 20، ބުނީ، ރިވައިވަލްގައި ޓްރެއިނިން ކުރަމުން އަންނަތާ ނުވަ ވަރަކަށް މަސް ވެފައިވާ ކަމަށެެވެ. ރިވައިވަލްގައި އޭނާގެ ޓްރެއިނިންގެ ކަންތައްތައް ދާ ގޮތާ މެދު ހިތްހަަމަޖެހޭކަން ފާހަަގަކޮށް ހޫދު ބުނީ، ހައި ޕާފޯމަންސް ޓްރެއިނިން އެއް ކޮންމެ ދުވަހަކު ލިބުމަކީ އޭގެ ފައިދާ ބޮޑު ކަމެއް ކަމަށެވެ.

"އިމްޕްރޫވްމަންޓް ހަމަ ވަރަށް ބޮޑަށް ފެނޭ، އެއީ، ކުރިން އެސޯސިއޭޝަންގައި ކުޅެމުން އައިއިރާ ބަލާފައި މިހާރު ހަމަ ރިވައިވަލްގައި ވަކިން ޕްލޭޔަރަށް ކޯޗުމެން ފޯކަސް ކުރާލެއް ބޮޑުވީމަ ހަގީގަތުގައި ކުޅުމުގެ ހަމަ ވަރަށް ބޮޑެތި ކުރިއެރުންތަކެއް ފެނޭ ހަމަ،" ހޫދު ބުންޏެވެ.

އޭނާ ބުނީ، ރާއްޖޭން ބޭރުން ޓްރެއިނިން ފުރުސަތު ލިބިގެންދިއުމަކީ މުސްތަގުބަލުގައި ވެސް ކުޅިވަރުގެ ދާއިރާއިން ކުރިއަށްދިއުމުގެ ވިސްނުމުގައި ހުރުމާ އެކު ލިބިގެންދާ ބޮޑު ތަޖުރިބާއެއް ކަމަށެވެ.

ބެޑްމިންޓަނުން ކުރިއަށްދާން ބޭނުންވާ ކުޅުންތެރިންނަށް ރިވައިވަލް އިން މި ފަހިކޮށްދެނީ އެންމެ ރަނގަޅު ފުރުސަތުތައް ކަމަށާއި ޓީމުގައި ވަރަށް ގިނަ ރަނގަޅު ޗެލެންޖިން ކުޅުންތެރިންތަކެއް ތިބެ، އެ ކުޅުންތެރިންނާ އެކު ޓްރެއިނިން ކުރިއަށް ގެންގޮސް ރާއްޖޭން ބޭރުން މިހެން ފުރުސަތެއް ލިބުމަކީ ވެސް އުފަލެއްގެ ގޮތުގައި ހޫދު ދެކެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox