އެމްއައިބީ ގެސްޓްހައުސް އެވޯޑުގެ ޝަރުތުތައް ހާމަކޮށްފި

އެމްއައިބީ ގެސްޓްހައުސް އެވޯޑުގެ ޝަރުތުތައް ހާމަކޮށްފި

ރާއްޖޭގެ ގެސްޓްހައުސް ސިނާއަތުގައި މަސައްކަތްކުރާ ފަރާތްތަކުގެ އަގުވަޒަންކުރުމަށް މޯލްޑިވްސް އިސްލާމިކް ބޭންކް (އެމްއައިބީ) އިން ދޭން ނިންމާފައިވާ "ގެސްޓްހައުސް އެވޯޑްސް 2026" އަށް ކުރިމަތިލުމަށް ބޭނުންވާ މައިގަނޑު ޝަރުތުތައް އާންމުކޮށްފިއެވެ.

މި އެވޯޑަކީ ގެސްޓްހައުސްތަކާއި، އެ ދާއިރާގައި މަސައްކަތްކުރާ ފަރުދުންގެ އިތުރުން ލޯކަލް ޓޫރިޒަމް ކުރިއަރުވާ ރަށްރަށަށް ހާއްސަކޮށްގެން ދޭ އެވޯޑެކެވެ.

އެމްއައިބީން ބުނި ގޮތުގައި އެވޯޑަށް ކުރިމަތިލާ ފަރާތްތައް ތިން ދާއިރާއަކަށް ބަހާލައިގެން ޝަރުތުތައް ވަނީ ކަނޑައަޅާފައެވެ.

1. ގެސްޓްހައުސް ކެޓަގަރީގެ ޝަރުތުތައް

ގެސްޓްހައުސްތަކަށް ހާއްސަ އެވޯޑްތަކަށް ކުރިމަތިލާ ފަރާތްތަކުން ތިރީގައިވާ ކަންކަން ފުރިހަމަވާންޖެހެއެވެ:

  • ދިވެހިރާއްޖޭގެ ކުންފުންޏާބެހޭ ގާނޫނީ ދަށުން ރަޖިސްޓްރީވެފައިވާ، ސައްހަ ލިޔެކިޔުން ހުރި ތަނަކަށްވުން
  • މިނިސްޓްރީ އޮފް ޓޫރިޒަމުން ދޫކޮށްފައިވާ ސައްހަ ގެސްޓްހައުސް އޮޕަރޭޓިން ލައިސަންސެއް އޮތުން
  • ޓޫރިޒަމް ސިނާއަތުގެ ސިއްހީ، ސަލާމަތީ އަދި ތިމާވެށީގެ މިންގަނޑުތަކަށް އަމަލުކުރާކަމުގެ ލިޔެކިޔުންތައް ހުށަހެޅުން
  • މީރާގެ "ޓެކްސް ކްލިއަރެންސް" ރިޕޯޓާއި، ޕެންޝަނާ ބެހޭ ގާނޫނާއި ވަޒީފާއާ ބެހޭ ގާނޫނާ އެއްގޮތަށް އަމަލުކުރާކަމުގެ ލިޔެކިޔުންތައް ހުށަހެޅުން
  • އެވޯޑަށް ހުށަހަޅާ ތާރީހާ ހަމައަށް މަދުވެގެން 12 މަސްދުވަހު މެދުކެނޑުމެއް ނެތް ގޮތުގައި ހިންގަމުންދާ ތަނަކަށްވުން
  • އޮންލައިން ޓްރެވަލް އެޖެންސީ ތަކުގައި ހަރަކާތްތެރިކޮށް އޮތުން.

2. ފަރުދީ ކެޓަގަރީގެ ޝަރުތުތައް

ދާއިރާގައި މަސައްކަތްކުރާ މުވައްޒަފުންނަށް ހާއްސަ އެވޯޑަށް ކުރިމަތިލެވޭނީ:

  • ދިވެހި ރައްޔިތަކަށްވުން
  • އެމްއައިބީ ނުވަތަ އެވޯޑް އިންތިޒާމުކުރާ ކްރޯ މޯލްޑިވްސްއާ އެއްވެސް މަސްލަހަތު ފުށުއެރުމެއް ނެތްކަމުގެ އިގުރާރެއް ހުށަހެޅުން

3. ރަށު ފެންވަރުގެ ކެޓަގަރީގެ ޝަރުތުތައް

ގެސްޓްހައުސް ފަތުރުވެރިކަން ކުރިއަރާފައިވާ ރަށްރަށަށް ދޭ އެވޯޑަށް ޝަރުތު ހަމަވާނީ:

  • ރަށު ފެންވަރުގައި ފަތުރުވެރިކަން އިޝްތިހާރުކުރުމަށް މެދުކެނޑުމެއް ނެތް ހަރަކާތްތަކެއް ހިންގާކަމުގެ ހެކި ހުށަހެޅުން.
  • އެ ރަށެއްގައި އޮޕަރޭޓްކުރާ ގެސްޓްހައުސް ކޮޓަރީގެ ޖުމްލަ އަދަދު މަދުވެގެން 50 އަށްވުރެ މަދުނުވުން.

މި ވޯޑަށް ކުރިމަތިލުމުގެ ފުރުސަތު ހުޅުވާލުމަށް ހަމަޖެހިފައިވަނީ ޖުލައި 15، 2026 ގައެވެ. އެވޯޑްތައް ދިނުން އޮންނާނީ އަންނަ އޮކްޓޫބަރު މަހު ބާއްވާ އެމްއައިބީ ގެސްޓްހައުސް ސިމްޕޯޒިއަމްގައެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox