60,000 އެއްހާ މީހުން ދިރިއުޅޭނެ ކަމަށް ލަފާކޮށް، 4072 ގޯތި ހިމަނައިގެން ގިރާވަރުފަޅުގެ އާ ލޭންޑް ޔޫސް ޕްލޭން ހަދައިފި

މިއަދު އާންމުކުރި ގިރާވަރުފަޅުގެ ލޭންޑް ޔޫސް ޕްލޭން: މިއީ އެ ރަށަށް ހެދި ތިންވަނަ އެލްޔޫޕީ ---

މިއަދު އާންމުކުރި ގިރާވަރުފަޅުގެ ލޭންޑް ޔޫސް ޕްލޭން: މިއީ އެ ރަށަށް ހެދި ތިންވަނަ އެލްޔޫޕީ ---

މިދިޔަ ސަރުކާރުން މާލޭގެ ރައްޔިތުންނަށް ހާއްސަކޮށްގެން ހިންގި ބިންވެރިޔާ ސްކީމުގެ ދަށުން ގިނަ އަދަދެއްގެ ގޯތި ދޫކޮށްފައިވާ ގިރާވަރުފަޅުގައި 60،000 އެއްހާ މީހުން ދިރިއުޅޭނެ ކަމަށް ލަފާކޮށް އެ ރަށުގެ އާ ލޭންޑް ޔޫސް ޕްލޭން (އެލްޔޫޕީ) ހަދައި އާންމުކޮށްފި އެވެ.

ހައުސިން މިނިސްޓްރީން މިއަދު އާންމުކުރި އެލްޔޫޕީ އަކީ މިހާތަނަށް ހެދި ގިރާވަރުފަޅުގެ ތިންވަނަ އެލްޔޫޕީ އެވެ. މިފަހަރު އެ ރަށުން ދޫކުރަން ނިންމާފައިވަނީ 4،072 ގޯއްޗެވެ.

ކުރީ ސަރުކާރުން 2023 ގެ ފަހުކޮޅު ފުރަތަމަ ހެދި އެލްޔޫޕީ ގައި އެ ރަށުން ދޫކުރާ ގޮތަށް އޮތީ 5،433 ގޯއްޗެވެ. ނަމަވެސް މި ސަރުކާރުން އެ ޕްލޭން ބަދަލުކޮށް މިދިޔަ އަހަރު އާންމުކުރި އެލްޔޫޕީ ގައި ދޫކުރާ ގޮތަށް ހަމަޖެއްސީ 3،462 ގޯއްޗެވެ.

މިހާރު ގިރާވަރުފަޅުން ދޫކުރާ ގޮތަށް އޮތް ގޯތީގެ އަދަދަކީ އެންމެ ފުރަތަމަ އެ ރަށުން ދޫކުރަން އޮތް ގޯތީގެ ތެރެއިން ގުޅީފަޅަށް 1،114 ބަދަލުކުރުމަށްފަހު ދޫކުރާ އަދަދެވެ. އެ ގޯތިތައް ބަދަލުކުރަން ނިންމީ ގިރާވަރުފަޅުން ހިއްކާ 167 ހެކްޓަރުގެ ބިމުން އެ ހުރިހާ ގޯއްޗަކަށް ޖާގަ ނުލިބޭތީ ކަމަށް ބުނެ އެވެ.

އެލްޔޫޕީގެ މައުލޫމާތު ކަރުދާހުން އެނގޭ ގޮތުގައި ގިރާވަރުފަޅުގެ އެންމެ ބޮޑު ބައެއް ހާއްސަ ކުރަނީ މަގުތަކަށެވެ. އެ ރަށުގެ އެންމެ ހިމަ މަގުގައި ވެސް 10 މީޓަރު ހުންނާނެ ކަމަށް އެލްޔޫޕީގައި ބުނެފައިވެ އެވެ. ދެވަނައަށް އެންމެ ގިނަ ބިން ހާއްސަ ކުރަނީ ގޯތި ދޫކުރުމަށެވެ.

ސަރުކާރުން ލަފާކުރާ ގޮތުގައި ދޫކޮށްފައިވާ ގޯތިތަކުގައި އިމާރާތްތައް އެޅުމުން ގިރާވަރުފަޅުގައި 6،000 އެއްހާ ގޭބިސީ އުފެދޭނެ އެވެ. އެއީ ގޯތިތައް ފަސް ބުރިއަށް ނެގުމުން އުފެދޭ އަދަދެވެ. މި އަދަދަށް ބަލައި ގުޅީފަޅުގައި ދިރިއުޅޭނެ ކަމަށް ލަފާކޮށްފައިވަނީ 59,600 މީހުންނެވެ. އެއީ ކޮންމެ ހެކްޓަރަކަށް 356 މީހުންނެވެ. މާލޭގެ ކޮންމެ ހެކްޓަރަކަށް 667 މީހުން އުޅެ އެވެ.

ގިރާވަރު ފަޅުން ހިއްކާ ބިމުގެ ތެރެއިން 69 ހެކްޓަރަކީ ފުން ފަޅުގެ ސަރަހައްދެވެ. ތިލަ ފަރުން ހިއްކަނީ 97 ހެކްޓަރެވެ. ފުން ސަރަހައްދު ހިއްކުމުގެ އެއްވެސް މަސައްކަތެއް މިހާތަނަށް ކޮށްފައެއް ނުވެ އެވެ. ގިރާވަރު ފަޅު ހިއްކުމުގެ މަސައްކަތް މި ސަރުކާރުގެ ދެ އަހަރު އެކަށޭނެ ގޮތެއްގައި ކުރެވިފައެއް ނުވެ އެވެ.

މިކަމަށް ހައްލެއް ގެނެސް، އެމްއޭސީއެލް މެދުވެރިކޮށް މާލެ ސަރަހައްދަށް ދެ ޑްރެޖަރު ގެނެސް ތިން މަސް ދުވަހުގެ ތެރޭ ހުޅުމާލެ ފޭސް ތިނަކާއި ގިރާވަރުފަޅު ހިއްކާ ނިންމާނެ ކަމަށް ރައީސް މުހައްމަދު މުއިއްޒު ނޮވެމްބަރު މަހު ވިދާޅުވި އެވެ. އެ މުއްދަތު ހަމަވާނީ އަންނަ މަހުގެ 25 އަށެވެ.

މިހާތަނަށް އެ ޑްރެޖަރުތަކުން ހިއްކަމުން ދަނީ ހުޅުމާލެ ފޭސް ތިނެކެވެ. ބެލެވޭ ގޮތުގައި އެ ސަރަހައްދު ހިއްކާ ނިންމޭނީ މި މަހުގެ ފަހުކޮޅު އެވެ. އެހެންކަމުން މުއިއްޒު ދެއްވި މުއްދަތުގައި ގިރާވަރުފަޅު ހިއްކާ ނިމޭނެ ކަމަކަށް ނުބެލެވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox