މާލޭގެ ގަސްތައް ކަނޑަނީ ސަރުކާރުންނޭ ބުނެ އާޒިމް ކަމުން ރެކިގަތުން ބަލައެއް ނުގަނެވޭ: ނަޝީދު

ކުރީގެ ރައީސް މުހައްމަދު ނަޝީދު، --- ފޮޓޯ: އަދަދު ފައިލް

ކުރީގެ ރައީސް މުހައްމަދު ނަޝީދު، --- ފޮޓޯ: އަދަދު ފައިލް

ތަރައްގީގެ އެކި މަޝްރޫއުތަކަށް، ހާއްސަކޮށް މާލޭގެ މަގު ހެދުމުގެ މަޝްރޫއުތަކުގެ ބޭނުމަށް ގަސްތައް ކަނޑަނީ ސަރުކާރުން ކަމަށް ބުނެ އެކަމުން ރެކިގަތުން ބަލައިނުގަނެވޭ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

މާލޭގެ ބޮޑުތަކުރުފާނު މަގު ހެދުމުގެ މަޝްރޫއުގެ ދަށުން މި ފަހުން ރަސްމީ ފާލަން ކައިރި ހުރި ގަސްތަކާއި މާލޭ ބާޒާރު މަތީގައި ހުރި ޒަމާންވީ ގަސްތައް ވަނީ ކަނޑާލާފަ އެވެ. މިކަމާއި ގުޅިގެން ގިނަ ބަޔަކު ދަނީ ސޯޝަލް މީޑިއާގައި ނުރުހުން ފާޅުކުރަމުންނެވެ.

މިކަމާއި ގުޅިގެން ނަޝީދު އެކްސްގައި ކުރެއްވި ޕޯސްޓުގައި ގަސްތައް ކަނޑަނީ ސަރުކާރުން ކަމަށް މޭޔަރު ވިދާޅުވުމަކީ ކަމުން ރެކެން ދައްކާ ބަހަނާއެއް ކަމަށް ވަނީ ސިފަކުރައްވާފަ އެވެ.

"މާލޭގެ ގަސްތައް ކަނޑާލަނީ ސަރުކާރުން ކަމަށް ވިދާޅުވެ މާލޭ މޭޔަރު ކަމުން ރެކިވަޑައިގަނެ، ހިތުހުރި ގޮތަކަށް ސަރުކާރުން ކަންކުރަން ދޫކޮށް ލެވުމީ ބަލައިގަނެވޭނެ ކަމެއް ނޫން،" ނަޝީދު ލިޔުއްވާފައިވެ އެވެ.

މިކަމާއި ގުޅޭގޮތުން އަދަދުއާ ވާހަކަ ދައްކަވަމުން އާޒިމް ވިދާޅުވީ ބޮޑުތަކުރުފާނު މަގު ހެދުމުގެ މަޝްރޫއަކީ ކޮންސްޓްރަކްޝަން މިނިސްޓްރީން އެމްޓީސީސީ އާއި ހަވާލުކޮށްގެން ކުރިއަށް ގެންދާ މަޝްރޫއެއް ކަމަށެވެ.

މި މަޝްރޫއާއި ގުޅިގެން އެމްޓީސީސީ އިން ކައުންސިލާ ބައްދަލުކުރުމުން އީއައިއޭ ގައި ކަން ކުރަން އަންގާފައި ހުރި ގޮތަށް މަސައްކަތް ކުރިއަށް ގެންދިއުމަށް އެދުނު ކަމަށް ވެސް އާޒިމް ވިދާޅުވި އެވެ. އާންމުކޮށް އޮންނަނީ ކަނޑާ ކޮންމެ ގަހަކަށް ދެ ގަސް އިންދުން ކަމަށް ވިދާޅުވި އެވެ.

ގަސް ކެނޑުމާއި މި ނޫން ވެސް ތިމާވެށްޓަށް ގެއްލުން ދެނެވި ގޮތަށް ހިންގާ އެކި އަމަލުތަކާއި ދެކޮޅަށް ނަޝީދު އަބަދުވެސް ފާޅުގައި ނުރުހުން ފާޅުކޮށް އަޑު އުފުލަ އެވެ.

އެގޮތުން މިދިޔަ ސަރުކާރުން މާލޭގެ އަމީނީ މަގު ތަރައްގީ ކުރުމަށް އެ މަގުގައި ހުރި ޒަމާންވީ އޮފިއެލޭ ގަސްތައް ކަނޑަން ފެށުމުން އެކަން ހުއްޓުވުމަށް އެދި ނަޝީދު ކޯޓަށް ވެސް ވަޑައިގެންނެވި އެވެ. ނަމަވެސް ސިވިލް ކޯޓުން އެ މަޝްރޫއު ހުއްޓުވަން ވަގުތީ އަމުރެއް ނުދިނެވެ.

އަމީނީ މަގުގައި ހުރި ގަސްތައް ކެނޑުމާއި ދެކޮޅަށް ނަޝީދު އޭރު މަޖިލީހުގައި ވެސް ތަކުރާރުކޮށް ވާހަކަދެއްކެވި އެވެ. އެގޮތުން ސެޕްޓެމްބަރު 26، 2022 ގައި ބޭއްވި މަޖިލީހުގެ ފަށްޓަވަމުން، ރިޔާސަތުގައި އިންނެވި ނަޝީދު ވިދާޅުވީ އަމީނީ މަގުގައި ހުރި ގަސްތައް ކަނޑާތީ އެކަމުގެ ކަންބޮޑުވުން މަޖިލީހުގެ ސަމާލުކަމަށް މީގެ ކުރިން ވެސް ގެންނަވާފައިވާނެ ކަމަށެވެ.

އެކަމުގައި އެ ނޫން ގޮތެއް ހޯދުމަށް ސަރުކާރާއި އެ މަސައްކަތް ކުރަމުންދާ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)އިން ދެވަނަ ވިސްނުމަކަށް ދިޔުމަށް ވެސް އެމަނިކުފާނު އެދިވަޑައިގެންނެވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox