ސަޕޯޓަރުން ދޭ ހިތްވަރާ އެކު މި ފަހަރު ރަން މެޑަލް ހޯދޭނެ

Dec 20, 2025, 6:01 AM
ސަޕޯޓަރުން ދޭ ހިތްވަރާ އެކު މި ފަހަރު ރަން މެޑަލް ހޯދޭނެ

މިއަދު މާލޭގައި ފަށާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ)ގެ ވިމެންސް ކަޕްގައި ރަން މެޑަލް ހޯދުމަށްޓަކައި، ސަޕޯޓަރުންގެ އެހީގައި އެކަން ހާސިލްކުރަން މަސައްކަތްކުރާނެ ކަމަށް ޓީމުގެ ކެޕްޓަން، ހައްވާ ރާޝިދާ (ހައްވަ) ބުނެފި އެވެ.

ކޯޗު، މުހައްމަދު ނަދީމް (ނަދީމްބެ)، މިދިޔަ އޮކްޓޫބަރު މަހު ހަވާލުވެ، ކާވާ ވިމެންސް ކަޕަށް ތައްޔާރުވާން ތައިލެންޑުގެ ވެރިރަށް ބެންކޮކްގައި ވަނީ ހަތް ދުވަހުގެ ޓްރެއިނިން ކޭމްޕެއް ކުރިއަށްގެންގޮސްފަ އެވެ. ތައިލެންޑް ކޭމްޕްގެ ކަންކަން ރަނގަޅަށް ދިިޔަކަން ކޯޗު ނަދީމްބެ ވެސް ވަނީ "އަދަދު ސްޕޯޓްސް" އަށް ދިން އިންޓަވިއުއެއްގައި ފާހަގަކޮށްފަ އެވެ.

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ ސޯޝަލް މީޑިއާގައި ހިއްސާކޮށްފައިވާ އެ ޓީމުގެ ކެޕްޓަން، ހައްވަގެ އިންޓަވިއުއެއްގައި އޭނާ ވެސް ވަނީ، ތައިލެންޑް ކޭމްޕްގައި ކުޅުނު މެޗުތަކާ ބަލައިފައި، ޓީމުގެ ކުރިއެރުން ފާހަގަކޮށްފަ އެވެ.

"ކޭމްޕްގައި ކުޅުނު މެޗުތަކަށް ބަލާފައި ހަމަ ވަރަށް ބޮޑު ކޮންފިޑެންސެއް ލިބިއްޖެ ކުރިއާ ބަލާފައި ޓީމު އޮތީ ވަރަށް ފޯމުގައި. ދެން އުންމީދަކީ މި ފަހަރު އިރާދަކުރެއްވިއްޔާ ގޯލްޑް މެޑަލް އެޅުން،" ހައްވަ ބުންޏެވެ.

"އަޅުގަނޑު ބުނާނީ ހުރިހާ މެޗެއްގައި ވެސް ސޯޝަލް ސެންޓަރަށް ވަދެ، ހޯލު ފުރާލައިދޭށޭ. އިރާދަކުރެއްވިއްޔާ، އަޅުގަނޑުމެން ތަފާތު ދައްކާނަމޭ،"

ގައުމީ އަންހެން ވޮލީބޯޅަ ޓީމުން ވަނީ ތިން މުބާރާތެއްގައި ރިހި މެޑަލް ހޯދައިފަ އެވެ. އެންމެ ފުރަތަމަ 2019 ވަަނަ އަހަރު ނޭޕާލްގައި ބޭއްވި ސެންޓްރަލް ޒޯން އަންހެން މުބާރާތުންނެވެ. އޭގެ ފަހުން، 2023 ވަނަ އަހަރު މާލޭގައި ބޭއްވި ފޯ ނޭޝަންސް ކަޕުންނެވެ. އަދި އެންމެ ފަހުން، މިދިޔަ އަހަރު ކާވާ ޗެލެންޖް ކަޕްގަ އެވެ.

ގައުމީ އަންހެން ވޮލީ ޓީމުގެ، ވައިސް ކެޕްޓަން، ފާތިމަތު ޖޫޒާން ޒަރީރު ވެސް ވަނީ ކޭމްޕް ދިޔައީ ވަރަށް ހިތްހަމަޖެހޭ ގޮތަށް ކަމަށް ބުނެފަ އެވެ. އަދި، ކޭމްޕްގެ ތެރެއިން ވަރަށް ބައިވަރު ކަންކަން ދަސްކޮށް، މުބާރާތަށް ފޯކަސްކޮށްގެން ޓްރެއިނިންތައް ކުރިއަށްގެންދިޔަ ކަން ވެސް ޖޫޒާން ފާހަގަކުރި އެވެ.

މިދިޔަ އަހަރުތަކުގައި ގައުމީ އަންހެން ވޮލީބޯޅަ ޓީމުން ރާއްޖޭގައި ކުޅުނު އިންޓަނޭޝަނަލް މުބާރާތްތަކުގައި، ގިނަ އަދަދެއްގެ ސަޕޯޓަރުން ސޯޝަލް ސެންޓަރަށް މެޗުތައް ބަލަން ގޮސް ޓީމަށް ހިތްވަރު ދީފައިވެ އެވެ. އެ ކަންކަމަށް ބަލައި، ޖޫޒާން ވަނީ ސަޕޯޓަރުންނަށް މެސެޖެއް ދީފަ އެވެ.

"ސަޕޯޓަރުންނަށް ބުނެލަން އޮތީ، އަޅުގަނޑުމެންގެ މައި ބަދަ އޭ ތީދެން، ހޯމް އެޑްވާންޓޭޖް އެންމެ ރަނގަޅު ގޮތުގައި ނެގޭނީ ސަޕޯޓަރުން ވީހާވެސް ގިނައިން މިތަނަަށް (ސޯޝަލް ސެންޓަރަށް) އައިސްގެން ވީހާވެސް އަޑުގަދަކޮށް، މި ފަަހަރު ގަދަކޮށް ޓީމާ އެކު ތިބުމަށް ހަމަ އަޅުގަނޑުމެން އެންމެންގެ ވެސް އެދުމަކީ، އުންމީދުކުރަން، އިންޑޯ، މިދިޔަ ދެ އަހަރެކޭ އެއްފަދައިން ސަޕޯޓަރުން އިންޑޯ ހަމަ ފުރާލައި، ރާއްޖެ ޓީމަށް ސަޕޯޓް ކޮށްދޭން އަންނާނެ ކަމަށް،" ޖޫޒާން ބުންޏެވެ.

ރާއްޖޭން މުބާރާތުގައި ކުޅޭ ފުރަތަމަ މެޗުގައި، މިރޭ، 21:30 ގައި، ބަންގްލަދޭޝާ ކުޅޭނެ އެވެ. ދެ ވަނަ މެޗުގައި މާދަމާރޭ، އަފްގާނިސްތާނާ ކުޅޭއިރު، ލީގު ބުރުގެ ފަހު މެޗުގައި ކިރްގިސްތާނާ ބައްދަލުކުރާނީ ހޯމަ ދުވަހުގެރޭގަ އެވެ. އެ އަށް ފަހު ލީގު ބުރު ނިމޭއިރު، އެއް ދުވަހުގެ މެދުކެނޑުމަކަށް ފަހު އޮންނާނީ، ސެމީ ފައިނަލެވެ.

ސެމީ ފައިނަލުގައި، ލީގު ބުރުގެ އެއް ވަނަ ކުޅޭނީ ހަތަރު ވަނައާ އެވެ. އަދި، ދެ ވަނަ ނުކުންނާނީ ތިން ވަނައާ ދެކޮޅަށެވެ. އެ މެޗުތަކުން މޮޅުވާ ޓީމުތައް ފައިނަލަށް ދަތުރުކުރާއިރު، ބަލިވާ ޓީމުތައް ކުޅޭނީ ތިން ވަނަ ހޮވާ މެޗުގަ އެވެ. ފައިނަލް މެޗާއި ތިން ވަނަ ހޮވާ މެޗު އޮންނާނީ، އަންނަ ބުރާސްފަތި ދުވަހު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox