ރާއްޖޭގެ މައްޗަށް ކުރިހޯދައި ކިރްގިސްތާނުން ވިމެންސް ކާވާ ކަޕް ޗެމްޕިއަންކަން ހޯދައިފި

Dec 25, 2025, 6:58 PM
ކިރްގިސްތާން ކުޅުންތެރިން ތަށްޓާ އެކު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ކިރްގިސްތާން ކުޅުންތެރިން ތަށްޓާ އެކު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ފަހަތުން އަރައި 3-1 ސެޓުން ރާއްޖޭގެ މައްޗަށް ކުރިހޯދައި ކިރްގިސްތާނުން މާލޭގައި ކުރިއަށްދިޔަ ވިމެންސް ކާވާ ކަޕްގެ ޗެމްޕިއަންކަން ހޯދައިފި އެވެ.

މިއާ އެކު، ކިރްގިސްތާނުން މި ވަނީ ދެ އަހަރެއްހާ ދުވަސް ތެރޭ ރާއްޖޭގައި ކުރިއަށްދިޔަ ކާވާގެ ތިން މުބާރާތެއްގެ ޗެމްޕިއަންކަން ހޯދައިފަ އެވެ. އެ ގޮތުން، މިދިޔަ އަހަރު ބޭއްވި ކާވާ 19 އަހަރުން ދަށުގެ އަންހެން މުބާރާތާއި ކާވާ ޗެލެންޖް ކަޕްގެ ޗެމްޕިއަންކަން ވެސް ހޯދި އެވެ. މިދިޔަ އަހަރު ކާވާ ޗެލެންޖް ކަޕްގެ ޗެމްޕިއަންކަން ހޯދީ ލީގު ބުރުގައި ސީދާ ތިން ސެޓުން، އަދި ފައިނަލުގައި، 3-2 ސެޓުން ރާއްޖެ ބަލިކޮށްފަ އެވެ.

މި ފަހަރުގެ ވިމެންސް ކާވާ ކަޕްގައި، ރާއްޖޭން ލީގު ބުރުގައި، ފަހަތުން އަރައި 3-1 ސެޓުން ކިރްގިސްތާން ބަލިކުރިއިރު، މިއީ، ހަ އަހަރު ތެރޭގައި ކިރްގިސްތާން އަތުން ރާއްޖެ އަށް ލިބުނު ފުރަތަަމަ މޮޅެވެ. އަދި، ރާއްޖޭގައި ކުޅެގެން ހޯދި ފުރަތަމަ މޮޅެވެ. އެކަމަކު، ފައިނަލް މެޗުގައި ކިރްގިސްތާނުން މި ވަނީ ރާއްޖޭގެ ކިބައިން ބަދަލުހިފައިފަ އެވެ.

Advertisement

ޒުވާނުންގެ މަރުކަޒު އެތެރެ ކޯޓުގައި ރާއްޖޭން މިރޭ ކުޅުނު މެޗުގެ ފުރަަތަމަ ސެޓުގައި ތަފާތު ދެއްކި އެވެ. އަދި، ހިތްވަރު ގަދަ ކުޅުމަކާ އެކު، ކިރްގިސްތާންގެ އެޓޭކްތަކަށް ޖަވާބުދެމުން ކުޅެ، 25-20 އިން ފުރަތަމަ ސެޓު ގެންދިޔަ އެވެ.

އެކަމަކު، ދެން ކުޅުނު ތިން ސެޓުގައި ވެސް ރާއްޖެ އަށް ދިމާވީ ޕްރެޝަރު ވަގުތުގައި ލީޑު ގެއްލުމާއި ޑިފެންސް ކުރުމުގަައި އަމިއްލަ އަށް ގޯސްތަކެއް ހެދުމުގެ މައްސަލަ އެވެ. ކިރްގިސްތާން ކުޅުންތެރިން ޕްރެޝަރު ހާލަތްތަކުގައި ރަނގަޅަށް ކުޅެ، ފުލުފުލުގައި ޕޮއިންޓްތަކެއް ހޯދައިގެން، ސެޓު ނިންމުމުގައި ކާމިޔާބު ހޯދީ އެވެ. ކިރްގިސްތާނުން ފަހުން ކުޅުނު ތިން ސެޓު ގެންދިޔައީ، 22-25، 17-25 އަދި 21-25 އިންނެވެ.

މުބާރާތުގެ ޑްރީމް ޓީމުގައި ހިމެނެނީ، ރާއްޖޭގެ ހަތަރު ކުޅުންތެރިންނާއި ކިރްގިސްތާނުގެ ތިން ކުޅުންތެރިންނެވެ. އެ ގޮތުން، ރާއްޖޭން ހިމެެނެނީ، ކެޕްޓަން، ހައްވާ ރާޝިދާ (ހައްވަ)، ފާތިމަތު ޖޫޒާން ޒަރީރު، އައިމިނަތު ޝަހާ ޝާމިން އަދި ނަރީމާ އިދުރީސް (ނަންނި) އެވެ. އަދި، ކިރްގިސްތާނުން ހިމެނެނީ، މުބާރާތުގެ މޮޅު ކުޅުންތެރިޔާގެ މަގާމު ހޯދި ބޮލޮޓްބެކޯވާ ނޫރްޒަމާލްގެ އިތުރުން އަމިރަކުލޯވާ ސައކާލް އަދި ސެއިޓްބްލޯވާ އަސޭމާ އެވެ.

ޖުމްލަ ހަތަރު ގައުމު ވާދަކުރި ވިމެންސް ކާވާ ކަޕްގެ ފައިނަލާ ހަމައަށް އައިއިރު ރާއްޖޭން ކުޅުނު ހުރިހާ މެޗަކުން މޮޅުވި ނަމަވެސް ފައިނަލުގައި މި ވަނީ ނާކާމިޔާބީއާ ކުރިމަތިލާން ޖެހިފަ އެވެ. އަދި، ރާއްޖޭގެ އަންހެން ވޮލީބޯޅަ ޓީމުން މި ވަނީ ބައިނަލްއަގުވާމީ ހަތަރު ފައިނަލަކުން ބަލިވެފަ އެވެ. އެއީ، 2019 ވަނަ އަހަރު ނޭޕާލްގައި ބޭއްވި ސެންޓްރަލް ޒޯން މުބާރާތާއި 2023 ވަނަ އަހަރު މާލޭގައި ބޭއްވި ފޯ ނޭޝަންސް ކަޕާއި މިދިޔަ އަހަރު މާލޭގައި ބޭއްވި ކާވާ ވިމެންސް ޗެލެންޖް ކަޕް އަދި މި އަހަރުގެ ވިމެންސް ކާވާ ކަޕް އެވެ.

މި ފަހަރުގެ ކާވާ ވިމެންސް ކަޕްގެ ތިން ވަނަ ހޯދީ ބަންގްލަދޭޝް އެވެ. އެއީ، މިއަދު ކުޅުނު ތިން ވަަނަ ހޮވާ މެޗުގައި، އަފްގާނިސްތާން އަތުން ސީދާ ތިން ސެޓުން މޮޅުވެގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox