ރަން މެޑަލް އަށް އުންމީދު ކުރެވޭނެކަން ގައުމީ އަންހެން ވޮލީ ޓީމު ސާބިތުކޮށްދިނީ ހިތްވަރުން

Dec 24, 2025, 6:00 AM
ވިމެންސް ކާވާ ކަޕްގެ މެޗަކަށް ފަހު ޖޫޒާން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ވިމެންސް ކާވާ ކަޕްގެ މެޗަކަށް ފަހު ޖޫޒާން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ގައުމީ އަންހެން ވޮލީބޯޅަ ޓީމަށް މާލޭގައި މިހާރު ކުރިއަށްދާ ކާވާ ވިމެންސް ކަޕްގެ ޗެމްޕިއަންކަން ހޯދައި، ތާރީހީ ރަން މެޑަލް ހާސިލްކުރެވޭނެކަން ސާބިތުކޮށްދިނީ މުޅި ޓީމު އެކުގައި ދެއްކި ހިތްވަރުން ކަމަށް ޓީމުގެ ވައިސް ކެޕްޓަން، ފާތިމަތު ޖޫޒާން ޒަރީރު ބުނެފި އެވެ.

ހަތަރު ގައުމު ވާދަކުރާ ވިމެންސް ކާވާ ކަޕްގައި ރާއްޖޭން ވަނީ ކުޅުނު ތިން މެޗުން ވެސް މޮޅުވެ، ލީގު ބުރުގެ އެއް ވަނަ ހޯދައިފަ އެވެ.

އެ ގޮތުން، ރާއްޖޭން ފުރަތަމަ ދެ މެޗުގައި ވަނީ ބަންގްލަދޭޝާއި އަފްގާނިސްތާން އަތުން ސެޓެއް ވެސް ނުގެއްލި، ސީދާ ތިން ސެޓުން މޮޅުވެފަ އެވެ.

"އަދަދު ސްޕޯޓްސް" އަށް ދިން އިންޓަވިއުއެއްގައި، ޖޫޒާން ބުނީ، އަމިއްލަ ގައުމުގައި ކުޅެން ޖެހޭއިރު އަބަދުވެސް ކޮންމެވެސް ކަހަލަ ޕްރެޝަރެއް ފުރަތަމަ މެޗުގައި އިންނަ ކަމަށެވެ. އަދި، އެކަން ބަންގްލަދޭޝާ ދެކޮޅަށް ކުޅުނު މެޗު ފަށައިގެން ފެނުނު ނަމަވެސް، ފަހުން ހަމަޔަކަށް އެޅި ބޭނުންވާ ލެވަލްގައި ކުޅެން ފެށުނު ކަމަށެެވެ.

"ފުރަތަމަ މެޗު ވީމަ، ކުޑަކޮށް ހާސްކަމެއް ހުރި އެންމެން ވެސް، ފުރަތަމަ ސެޓު ނިމެން ކައިރިކޮށްފައި ނޯމަލްވެލައިގެން ދިވެހިން ކުރިމަތީގައި ކުޅެންވީމަ އިހުސާސްތައް ތަފާތުވާނެތާ، އެހެންވެފައި އިނީ، ފެށިއިރު، ދެން ހަމަ ފަހުން ކުޅުން ރަނގަޅުކޮށް، ދެން ހަމަ ވަރަށް ރަނގަޅަށް ދިޔައީ، ފުރަތަމަ މެޗު،" މުބާރާތް ފެށި މެޗުގައި ބަންގްލަދޭޝް ބަލިކުރި މެޗާ ބެހޭގޮތުން ޖޫޒާން ބުންޏެވެ.

ކިރްގިސްތާނާ ދެކޮޅަށް ކުޅުނު މެޗުގެ ތެރެއިން ޖޫޒާން އުފާފާޅުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

އޭނާ ބުނީ، ދެ ވަނަ މެޗުގައި އަފްގާނިސްތާނާ ދެކޮޅަށް ދިޔައީ ވަރަށް ރަނގަޅަށް ކަމަށެެވެ. ކޮންމެ މެޗަކަށް ވެސް ކޯޗު މުހައްމަދު ނަދީމް (ނަދީމްބެ) އާއި ކޯޗިން ޓީމުގެ ޕްލޭނެއް އޮންނަ ކަމަށާއި އަފްގާނިސްތާން މެޗުގައި ރޭވި ހުރިހާ ކަމެއް ކަހަލަ ގޮތަކަށް ހާސިލްކުރެވުނު ކަމަށެވެ.

"ހަމަ ޕްރެޕެއާ (ތައްޔާރު) ވެގެން ކޮންމެ ދުވަހަކު ދަނީ ވެސް ގޭމްޕްލޭނެއް އިނދޭ ކޯޗުގެ ވަރަށް ރަނގަޅަށް ތަރޯކޮށް ކިޔައިދޭ ކޮންމެ ދުވަހަކު ވެސް ހަަމަ، ޕްރީ ގޭމް މީޓިންގައި، ދެން އެ ޕްލޭނަށް އަހަރެމެން ކުޅެނީ، އެ ގޮތަށް، ފުރަތަމަ މެޗަށް ވުރެން ދެ ވަނަ މެޗު ރަނގަޅުކުރަން އެންމެން ވެސް ދިޔައީ، އޭތި ވަރަށް ކާމިޔާބުކޮށް ދިޔައީ، އަހަރެމެން ކުރަން ބޭނުންވި ހުރިހާ ކަމެއް އަފްގާނިސްތާން މެޗުގައި ކުރެވުނު، ޓާގެޓް ހާސިލްވި،" މެޗުން މެޗަށް ހޯދި ކުރިއެރުމާ ބެހޭގޮތުން ޖޫޒާން ކިޔައިދިނެެވެ.

ރާއްޖޭގެ އަންހެން ވޮލީގައި ފެނުނު އެންމެ މޮޅު ސެޓަރު، ޖޫޒާން ބުނީ، މުބާރާތުގައި ވާދަކުރަން ތައްޔާރުވިއިރު ވެސް މައިގަނޑު ޓާގެޓްގެ ތެރޭގައި ކިރްގިސްތާން މެޗު ހިމެނޭ ކަމަށާއި ސަބަބަކީ، އެ ޓީމު އަތުން މޮޅުނުވާތާ ހަ އަހަރުވެފައިވާތީ ކަމަށެވެ،

"މުބާރާތް ފުރަތަމަ އިއުލާނު ކުރިއްސުރެން އެ މީހުން (ކިރްގިސްތާން) އަންނަކަން އެނގުނިއްސުރެން، އެހެން ހުރިހާ ކަމަކަށް ވުރެން ބޮޑަށް އެ މެޗަށް ކިރްގިސްތާނާ ދެކޮޅަށް ކުޅެން ބޮޑަށް ރެޑީވީ، އެ ވެސް ވަރަށް ކާމިޔާބިުކޮށް އިރާދަކުރެއްވިއްޔާ މި ދިޔައީ. އަލްހަމްދުލިއްލާހި. އަހަރެމެންނަށް ތާރީހުގައި ލިޔެވޭ ކަމެއް މި ކުރެވުނީ،" ޖޫޒާން ބުންޏެވެ.

ކިރްގިސްތާނުން ފުރަތަމަ ސެޓު، 25-15 އިން ގެންގޮސް ލީޑެއް ނެގި ނަމަވެސް، ރާއްޖޭން ވަނީ ދެން ކުޅުނު ތިން ސެޓު، 23-25، 19-25 އަދި 22-25 އިން ގެންގޮސް އެ މެޗުން މޮޅުވެފަ އެވެ.

ޖޫޒާން ބުނީ، ފުރަތަމަ ސެޓު ގެއްލުމުގައި ދިމާވި އެއް ކަމަކީ، ކާވާ ޗެލެންޖް ކަޕް ފައިނަލުގައި މިދިޔަ އަހަރު 3-2 ސެޓުން ކިރްގިސްތާން އަތުން ބަލިވި މެޗުގެ ހަނދާންތަކުގެ ތެރޭގައި، އެ ޕްރެޝަރު ވިސްނުމުގައި ހުރެގެން ގޯސްތަކެއް ހެދުނީ ކަަމަށެވެ.

"ފުރަތަމަ ސެޓު ވީ ގޮތަކީ ކިރްގިސްތާނޭ މިއީ، މިދިޔަ އަހަރުގެ ކާވާގެ ފްލޭޝްބެކުގައި ކަންނޭނގެ އެންމެން ކަހަލަ ގޮތަކަށް ދިޔައީ، ގާތްގަނޑަކަށް އެ ޓީމު މި އޮތީ ވެސް، އެ ފްލޭޝްބެކްގައި ތިބީ، އެއީ ކަންނޭނގެ ވީ ގޮތަކީ، އެ މީހުންނޭ މިއީ، އެ ފީލްގައި، ދިޔައީ. ދެން އެކަމު ފަހު ތިން ސެޓު ޖެހިލުމެއް ނުވެ ކުޅުނީ. އަހަރެމެންނަށް އަމިއްލަ އަށް ގަބޫލުކުރެވުނީ، ވާނެކަން، މިދިޔަ އަހަރު ވެސް އިންނާނެ ހަމަ ފައިނަލް ނިންމާފައި ބުނެފައި، އެ މީހުންނަކީ ބަލިނުކުރެވޭނެ ބައެއް ނޫނޭ އަހަރެމެންނަށް ވާނެއޭ،" ފަހު ތިން ސެޓު ގެންގޮސް ކިރްގިސްތާން އަތުން މޮޅުވަން ކުރި މަސައްކަތް ކިޔައިދެމުން ޖޫޒާން ބުންޏެވެ.

ވިމެންސް ކާވާ ކަޕްގެ މެޗެއްގެ ތެރެއިން ޖޫޒާން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މިއީ، 2019 ވަނަ އަހަރުގެ ސެންޓްރަލް ޒޯން އަންހެން ވޮލީބޯޅަ މުބާރާތުގެ ފަހުން، ފާއިތުވި ހަ އަހަރުތެރޭ ކިރްގިސްތާން އަތުން ރާއްޖޭގެ އަންހެން ވޮލީ ޓީމަށް ލިބުނު ފުރަތަމަ މޮޅެވެ. އޭގެ ފަހުން، މި ދެ ޓީމުން ކުޅުނު މެޗުތަކުން ރާއްޖެ ވަނީ ބަލިވެފަ އެވެ. އޭގެ ތެރޭގައި، މިދިޔަ އަހަރުގެ ޗެލެންޖް ކަޕްގައި މާލޭގައި ކުޅުނު ދެ މެޗު ވެސް ހިމެނެ އެވެ.

ގައުމީ އަންހެން ވޮލީ ޓީމުން ތިން ފައިނަލެއްގައި ބަލިވެއްޖެ އެވެ. ތިން ފަހަރު ރިހި މެޑަލް ހޯދައިފި އެވެ. މި ފަހަރު މުބާރާތުގެ ފުރަތަމަ ދުވަހުން ފެށިގެން ކުޅުންތެރިންގެ އަޒުމަކަށް ވެފައި އޮތީ ރަން މެޑަލް އެވެ. ކިރްގިސްތާން އަތުން ހޯދި މޮޅަކީ، ރަން މެޑަލްގެ ޓާގެޓާ ދިމާލަށް ދިއުމުގައި ކުރިއަށް އެޅި ބޮޑު ފިޔަވަޅެކެވެ.

"ބޭނުންވީ އަސްލު ދިވެހިންނަށް ބުނެދޭން އަހަރެމެން ގޯލްޑް (ރަން މެޑަލް) އަސްލު ނަގަން ކިހާ ކައިރިއެއްގައިކަން މި ތިބީ، ހަމަ ކުޑަކުޑަ ހިތްވަރެއްކަން ބޭނުންވަނީ އެ މީހުންނަށް (ސަޕޯޓަރުންނަށް) ވެސް އަހަރެމެންނަށް ވެސް. ކުޑަކުޑަހިތްވަރެއްކަން ބޭނުންވަނީ އޭތި އަސްލު، ދިވެހިންނަށް ވެސް އަހަރެމެން އަމިއްލަ އަށް ވެސް އުންމީދެއް ދޭން ބޭނުންވީ. އަހަރެމެންނަށް ގޯލްޑް ނެގިދާނެކަން، އަލްހަމްދުލިއްލާހި އޭތި ސާބިތުކޮށްދެވިއްޖެ،" އިތުބާރާ އެކު ޖޫޒާން ބުނެލި އެވެ.

ރަން މެޑަލަަށް ކުރާ ދަތުރުގައި، މިހާރު ދެން އޮތް ޗެލެންޖަކީ، ސެމީ ފައިނަލުގައި މިރޭ ބަންގްލަދޭޝާ ކުޅޭ މެޗެވެ. ލީގު ބުރުގައި ތިން މެޗުން ބަންގްލަދޭޝް ބަލިވެފައި އޮތް ނަމަވެސް، ރާއްޖޭން މި މެޗުގައި ކުޅޭނީ މިއީ، ކިހާ މުހިންމު މެޗެއް ކަމުގެ ވިސްނުން ރަނގަޅަށް ސިކުނޑީގައި ބަހައްޓައިގެން ކަމަށް ޖޫޒާން ވަނީ ބުނެފަ އެވެ.

"ޓީމު އޮތީ 100 ޕަސެންޓް ރެޑީ އަށް އެކަމަކު، ފުރަތަމަ ހަމަ ސެމީ، ބަންގްލަދޭޝް މެޗަށް ހަމަ، 100 ޕަސެންޓް، ޕްރެކްޓިސް ވެސް ފޯކަސް ވެސް މީނީ ހަމަ ސެމީ މެޗަށް، ސެމީ ނިންމާފައި ފައިނަލާ ދޭތެރޭ ވިސްނާނީ ވެސް،" ޖޫޒާން ބުންޏެވެ.

ބަންގްލަދޭޝް އާއި ރާއްޖެ، ސެމީ ފައިނަލުގައި ވާދަކުރާ މެޗު ފަށާނީ ސޯޝަލް ސެންޓަރުގައި މިރޭ 20:40 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox