ރެއާލްގެ ވަޒީފާއާ ގުޅޭ ވާހަކަތަކާ މެދު އަލޮންސޯ ނުވިސްނާ

Nov 26, 2025, 5:06 AM
ރެއާލްގެ ވަޒީފާއާ ގުޅޭ ވާހަކަތަކާ މެދު އަލޮންސޯ ނުވިސްނާ

މެޑްރިޑް (ނޮވެމްބަރު 26) - ރެއާލް މެޑްރިޑްގެ ކޯޗުގެ މަގާމުން އޭނާ ވަކިކުރުމަށް ކުޅުންތެރިން ވެސް ބާރު އަޅަމުން އަންނަ ކަމަށާއި މެނޭޖްމަންޓުގެ ވެސް ތާއީދު އެބައޮތް ކަމަށް މީޑިއާގައި ދެެކެވޭ ވާހަަކަތަކާ މެދު، ރެއާލްގެ ކޯޗު ޒަބީ އަލޮންސޯ ނުވިސްނާ ކަަމަށް ބުނެފި އެވެ.

ޗެމްޕިއަންސް ލީގުގައި އޮލިމްޕިއާކޯސް ދަނޑުގައި މިރޭ ކުޅޭ މެޗުގެ ކުރިން ރެއާލުން އެންމެ ފަހުން ކުޅުނު ތިން މެޗުން ވެސް މޮޅުވެފައިނުވާއިރު، އަލޮންސޯ އަށް ވަނީ ޕްރެޝަރު ބޮޑުވެފަ އެވެ.

ސްޕެއިނުގެ މީޑިއާތަކުން ރިޕޯޓްކުރާގޮތުގައި، އަލޮންސޯގެ މަސައްކަތް ކުރުމުގެ ވައްޓަފާޅި ހުރި ގޮތުން، ރެއާލްގެ ގިނަ ކުޅުންތެރިންތަކެއް ހިތްހަަމަނުޖެހޭއިރު، އެ ކުޅުންތެރިންނާއި މެނޭޖްމަންޓުން ވެސް އަލޮންސޯ ވަކިކުރަން ބޭނުންވެ އެެވެ. ރެއާލުގެ ތަރި، ވިނީޝިއުސް ޖޫނިއާ، އެ ކުޅުންތެރިންގެ ތެރޭގައި ހިމެނޭއިރު، އޭނާ ވަނީ ރެއާލްގެ ކޮންޓްރެކްޓް އާ ކުރަން ވެސް ދެކޮޅު ހަދައިފަ އެވެ.

Advertisement

މި ކަންކަމަށް އިޝާރާތްކޮށް އަލޮންސޯއާ ކުރި ސުވާލަށް ދިން ޖަވާބުގައި ބުނީ، ބޭރު ތެެރެއިން އިވޭ އަޑުތަކަށް ޖަވާބުދިނުމުގެ ބަދަލުގައި ރެއާލުގައި އޭނާ ކުރަން ހުރި މަސައްކަތްތަކަށް ފޯކަސް ކުރުން މުހިންމު ކަމަށެވެ.

"އެންމެން ވެސް އެބަޖެހޭ ކުޅުންތެރިންނަށް އިހުތިރާމް ކުރަން، އަހަންނެއް ބޭނުމެއް ނޫން ޑްރެސިން ރޫމު ތެރެއާއި ޓީމު ތެރޭގެ ވާހަކަތަކެއް ދައްކަން، ކްލަބް ތެރޭގައި ކަންކަން ދިމާވާނެ. އެކި ކަހަލަ ހާލަތްތައް ވެސް އަންނާނެ، ތަފާތު ވާހަަކަތައް ބޭރު ތެރެެއިން ވެސް އިވޭނެ. އެކަމަކު، އެ ކަންކަމަށް ނުވިސްނައި އަހަރެމެން އެކުގައި ހާސިލްކުރަން މި އުޅޭ ކަންކަމާ ދިމާލަށް އެ މިސްރާބަށް ދިއުން މުހިންމު،" އަލޮންސޯ ބުންޏެވެ.

ރެއާލުގެ ކޯޗެއްގެ ގޮތުގައި ހޭދަކުރި ފުރަތަމަ ފަސް މަސް ދުވަހު ކުރެވުނު މަސައްކަތާ މެދު ހިތްހަަމަޖެހޭ ކަމަށް އަލޮންސޯ ވަނީ ބުނެފަ އެވެ. އަދި، މިހާރު އޭނާގެ މަގާމާ މެދު ސުވާލު އުފައްދައި މީޑިއާ އިން ސުވާލުކުުރުމަކީ، އެންމެ ފަހުން ކުޅުނު މެޗުތަކުގެ ނަތީޖާ އަށް ބަލައި، އަންނަ ކަމެއް ކަމަށާއި ނަތީޖާ ރަނގަޅުކޮށް، ރެއާލްގެ ޓާގެޓްތައް ހާސިލްކުރަން މަސައްކަތް ކުރާނެ ކަމަށް އަލޮންސޯ ވަނީ ބުނެފަ އެެވެ.

ކުރިން ރެއާލަށް ކުޅުނު އަލޮންސޯ އެ ޓީމުގެ ކޯޗުކަމާ މިދިޔަ މެއި މަހު ހަވާލުވީ ތިން އަހަރުގެ އެއްބަސްވުމެއްގެ ދަށުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox