ދެ ލެގުން ވެސް ރެއާލާއި ޕީއެސްޖީ އަތުން ސިޓީ އާއި ޗެލްސީ ބަލިވެއްޖެ

Mar 18, 2026, 1:04 AM
ދެ ލެގުން ވެސް ރެއާލާއި ޕީއެސްޖީ އަތުން ސިޓީ އާއި ޗެލްސީ ބަލިވެއްޖެ

ލަންޑަން (މާޗް 18) - ޔުއެފާ ޗެމްޕިއަންސް ލީގުގެ ގަދަ 16 ބުރުގައި ކުޅުނު ދެ ލެގުން ވެސް ރެއާލް މެޑްރިޑާއި ޕީއެސްޖީ އަތުން މެންޗެސްޓާ ސިޓީ އާއި ޗެލްސީ ވަނީ ބަލިވެއްޖެ އެވެ.

އެންމެ ފަހުގެ ޗެމްޕިއަން، ޕީއެސްޖީން ފުރަތަމަ ލެގުގައި އަމިއްލަ ދަނޑުގައި 5-2 އިން ޗެލްސީ ބަލިކޮށް، ރޭ ޗެލްސީ ދަނޑުގައި މޮޅުވީ 3-0 އިންނެވެ. އެގްރިގޭޓަށް ބަލާއިރު، ޕީއެސްޖީ މޮޅުވީ 8-2 އިންނެވެ. އަމިއްލަ ދަނޑުގައި ސިޓީ އަތުން 3-0- އިން މޮޅުވި، ރެއާލުން ރޭ ސިޓީ ދަނޑުގައި، 2-1 އިން ކުރިހޯދައި، އެގްރިގޭޓަށް ބަލާއިރު މޮޅުވީ، 5-1 އިންނެވެ.

ރޭގެ މެޗުގައި ސިޓީ އަށް މައްސަލަ ދިމާވީ އެ ޓީމުގެ ކެޕްޓަން، ބެނާޑޯ ސިިލްވާ އަށް ރަތެއް ދެއްކުމުންނެވެ. އެ ގޮތުން، ރެއާލުން ފޮނުވާލި ބޯޅައެއް ގަސްދުގައި އަތްލައިގެން ހުއްޓުވުމާ އެކު، ޕެނަލްޓީއެއް ދޭން ނިންމައި، ބެނާޑޯ ސިލްވާ އަށް ރަތެއް ދެއްކި އެވެ. ރެއާލަށް އެ ޕެނަލްޓީ ކާމިޔާބުކޮށްދީ، 20 ވަނަ މިނިޓްގައި ވިނީޝިއުސް ޖޫނިއާ ވަނީ ލީޑުނަގައިދީފަ އެވެ. ފުރަތަމަ ލެގުގައި ވިނީޝިއުސް އަތުން ޕެނަލްޓީއެއް ނާކާމިޔާބުވި އެވެ.

ކުޅުންތެރިއަކު މަދުކޮށް ކުޅެ ވެސް ސިޓީން ފުރަތަމަ ހާފު ނިމުމުގެ ކުރިން ލަނޑެއް ޖަހައި، އެއްވަރުކުރި އެވެ. މިއީ، 41 ވަނަ މިނިޓްގައި ސިޓީގެ އާލިން ބްރައުޓް ހާލަންޑް ޖެހި ގޯލެކެވެ. މެޗުން ރެއާލް މޮޅުވި ލަނޑު ޖެހީ، އިތުރު ވަގުތުގެ ތިން ވަނަ މިނިޓްގައި އައުރެލިއަން ޗުއަމެނީ ދިން ބޯޅައަކުން ވިނީޝިއުސް އެވެ.

އެންމެ ފަހުގެ ޗެމްޕިއަން، ޕީއެސްޖީން ރަށުންބޭރުގައި ކުޅުނު ނަމަވެސް، ދެ ވަނަ ލެގުގެ ކޮންޓްރޯލް ނަގަން މާ ލަހެއް ނުކުރެ އެވެ. އެ ގޮތުން، ޗެލްސީ ދަނޑުގައި ޕީއެސްޖީން ވަނީ 14 މިނިޓް ތެރޭ ދެ ގޯލު ޖަހައިފަ އެވެ.

ސްޓެމްފޯޑް ބްރިޖުގައި ކުޅުނު މެޗުގެ ހަ ވަނަ މިނިޓްގައި، ޕީއެސްޖީން ލީޑުނެގީ ކްވިޗާ ކްވަރަޝްކޭލިއާ ޖެހި ގޯލުންނެވެ. އަދި، މެޗުގެ 14 ވަަނަ މިނިޓްގައި، އަޝްރަފް ހަކީމީ ތަނަވަސްކޮށްދިން ފުރުސަތެއްގައި، ބްރެޑްލީ ބާކޮލާ ވަނީ ޕީއެސްޖީގެ ދެ ވަނަ ގޯލު ޖަހައިފަ އެވެ.

ޕީއެސްޖީން މެޗުގައި ޖެހި ތިން ވަނަ ގޯލު ދެ ވަނަ ހާފުގައި ކާމިޔާބުކުރީ ސެނީ މަޔޫލޫ އެވެ. ލަނޑެއް ޖެހޭތޯ ޗެލްސީން ގިނަ މަސައްކަތްތަކެއް މި މެޗުގައި ކުރި ނަމަވެސް ޕީއެސްޖީން ވަނީ ވަރުގަދަ އަށް ޑިފެންސްކޮށްފަ އެވެ.

މިއީ، ދެ ލެގަށް ބަލާއިރު، ޗެލްސީ އަށް ޔޫރަޕްގެ މުބާރާތުގައި ބޮޑު ބައްޔެކެވެ.

ޕީއެސްޖީން ކުއާޓާގައި ކުޅޭނީ ގަދަ 16 ބުރުގައި، ލިވަޕޫލާއި ގަލަތަސަރާއި ކުޅެގެން މޮޅުވާ ޓީމަކާ އެވެ. އަދި، ރެއާލުން ނުކުންނާނީ އެޓަލަންޓާ އާއި ބަޔާން މިއުނިކް ވާދަކޮށްގެން ކުރިހޯދާ ޓީމަކާ ދެކޮޅަށެވެ.

ކޮމެންޓް

ފަހުގެ ޚަބަރު

އިންޑިއާ އަށް ސާފް ޗެމްޕިއަންޝިޕްގައި ދެރަ ހާލަތެއް

އަނިޔާގެ މައްސަލަތަކާއި، ސީނިއާ ޓީމުގެ މެޗުތަކަށް ކުޅުންތެރިން ދޫކުރުމުގެ އިތުރުން ކްލަބްތަކުން ކުޅުންތެރިން އަނބުރާ ގެންދިއުމުގެ ސަބަބުން، ބަންގްލަދޭޝްގައި މިހާރު ސާފް ޗެމްޕިއަންޝިޕްގައި ވާދަކުރާ އިންޑިއާ ޓީމަށް ބޮޑެތި ގޮންޖެހުންތަކެއް ވަނީ ކުރިމަތިވެފައި

ރާއްޖެ އަކީ މި ވަގުތު ސާފް ޗެމްޕިއަންޝިޕްގެ ފޭވަރިޓެއް ނޫން

މިފަހަރުގެ ސާފް ޗެމްޕިއަންޝިޕްގައި ރާއްޖެއަކީ ފޭވަރިޓެއް ނޫން ކަމަށް ގައުމީ ކޯޗު އިސްތަވާން އުރްބާނީ ބުނެފި. އޭނާ މިހެން ބުނީ ރާއްޖޭގެ ޓީމަށް އައިސްފައިވާ ބަދަލުތަކާއި، އާ ކުޅުންތެރިންނާއެކު ޓީމު އޮތް ހާލަތަށް ރިއާޔަތްކޮށްފައި. އުރްބާނީ ވަނީ މިއީ އޭނާގެ ފަހު ސާފް ޗެމްޕިއަންޝިޕަށް ވެދާނެކަމަށް ބުނެފައި.

ޓީޓީ އެސޯސިއޭޝަން ޗެމްޕިއަންޝިޕް ތަށި ޝައްފާނާއި މަލާކަށް

31 ވަނަ ޓޭބަލް ޓެނިސް އެސޯސިއޭޝަން ޗެމްޕިއަންޝިޕްގެ އެއްވަނަ ޑިވިޝަނުގެ ފިރިހެން ސިންގަލްސް ޗެމްޕިއަންކަން މުހައްމަދު ޝައްފާން އިސްމާއީލް ހޯދިއިރު، އަންހެން ސިންގަލްސް ތަށި ކާމިޔާބުކުރީ މަލާކް ބިންތި މުއިއްޒު. ޝައްފާން ތަށި ހޯދީ ފައިނަލުގައި މޫސާ މުންސިފް ބަލިކޮށްގެން ކަމަށްވާއިރު، މަލާކް ޗެމްޕިއަންކަން ހޯދީ އައިޝަތު މަލާކް ތަހުސީންއާ ވާދަކޮށް

ރާއްޖެ އަށް މިހާރު އިންޑިއާގެ ކަންކަން އެނގޭނެ: ނައުޝާދު

ސާފް ޗެމްޕިއަންޝިޕްގައި އިންޑިއާ ކުޅުނު ފުރަތަމަ މެޗު ރާއްޖެއިން ބަލާފައިވާތީ، އިންޑިއާގެ ކުޅުން ރާއްޖެއަށް މިހާރު އެނގޭނެ ކަމަށް އެ ގައުމުގެ ކޯޗު ނައުޝާދު މޫސާ ބުނެފި. ނަމަވެސް ރާއްޖެއާ ދެކޮޅަށް ކުޅޭ މެޗަށް އިންޑިއާގެ ފުލް ސްކޮޑު ހަމަވެ، ފުރަތަމަ މެޗަށް ވުރެ ވަރުގަދަ ޓީމެއް އޮންނާނެ ކަމަށް އޭނާ ފާހަގަކުރި

ސާފްގެ ފޯރިއާ މެދު ބީއެފްއެފްގެ ރައީސް ދެ ވަނަ ވިސްނުމަކަށް

ބަންގްލަދޭޝްގައި ފެށި ސާފް ޗެމްޕިއަންޝިޕް ޕްރޮމޯޓްކުރުމުގައި ސާފް އާއި އިންތިޒާމްކުރާ ފަރާތްތަކުގެ އިހުމާލުން ފޯރި ކުޑަވެފައިވާތީ، އެކަން ރަނގަޅުކުރަން މަސައްކަތް ކުރައްވާނެ ކަމަށް ބަންގްލަދޭޝް ފުޓްބޯޅަ ފެޑެރޭޝަންގެ ރައީސް ވިދާޅުވެއްޖެ. އަދި 23 އަހަރަށްފަހު މުބާރާތުގެ ތަށި ހޯދުމަށްޓަކައި، ސަޕޯޓަރުން އިތުރުކުރުމަށް ބީއެފްއެފް އިން އިސްނަގާނެ

ރޮނާލްޑޯ ރިޓަޔާކުރީ ކޯޗުގެ ޕްލޭނުގައި ހިމެނިފައި އޮއްވައި

ޕޯޗުގަލްގެ ކޯޗު ޖޯޖް ޖީސުސްގެ ޕްލޭނުގައި ހިމެނިފައި ވަނިކޮށް، ކްރިސްޓިއާނޯ ރޮނާލްޑޯ ގައުމީ ޓީމަށް ކުޅުން ހުއްޓާލިކަން އިއުލާނުކޮށްފި. ރޮނާލްޑޯ ރިޓަޔާކުރީ ކޯޗުގެ ނިންމުންތަކާ މެދު ހިތްހަމަނުޖެހިގެން ގައުމީ ކޭމްޕް ދޫކޮށްދިއުމުގެ ސަބަބުން ސަސްޕެންޝަނެއްގައި ހުއްޓާ، 23 އަހަރުގެ ދިގު ކެރިއަރަށް ފަހު އާ ޖީލަށް ފުރުސަތު ދިނުމުގެ ގޮތުން

ރާއްޖެ ބަލިކޮށްގެން ނޫނީ ކުރިއަށްނުދެވޭނެ: ޕާކިސްތާން

ސާފް ޗެމްޕިއަންޝިޕްގެ ފުރަތަމަ މެޗުން އިންޑިއާ އަތުން ބަލިވުމާ ގުޅިގެން، މުބާރާތުގައި ކުރިއަށް ދިއުމަށް ރާއްޖެ ބަލިކުރުން ޕާކިސްތާނަށް މިހާރު ވަނީ މަޖުބޫރުވެފައި. ޕާކިސްތާނުގެ ކޯޗު ބުނިގޮތުގައި އިންޑިއާ މެޗުން ބަލިވީ ކުޅުންތެރިންނަށް އެންމެ ރަނގަޅަށް ސަމާލުކަން ނުދެވުމުން ކަމަށާއި، އެހެންކަމުން ދެން އޮތް ރާއްޖެ މެޗަށް ވަރަށް ބޮޑަށް ތައްޔާރުވާންޖެހޭ

Newsletter

Get the latest news delivered straight to your inbox