ރެއާލްގެ ޝޯޓްލިސްޓުގައި ފަބްރެގަސް ވެސް ހިމެނޭ

Mar 13, 2026, 12:29 AM
ރެއާލްގެ ޝޯޓްލިސްޓުގައި ފަބްރެގަސް ވެސް ހިމެނޭ

މެޑްރިޑް (މާޗް 13) - ރެއާލް މެޑްރިޑްގެ ކޯޗުކަން ދާއިމީ ކޮންޓްރެކްޓެއްގައި ހަވާލުކުރާނެ ކޯޗެއް ހޯދުމުގެ މަސައްކަތް އެ ކްލަބުން ކުރަމުން އަންނައިރު، އެކުލަވާލާފައިވާ ކޯޗުންގެ ޝޯޓްލިސްޓުގައި، އިޓަލީގެ ކޯމޯގައި ރަނގަޅު މަސައްކަތެއް ކުރަމުން އަންނަ ޒުވާން ކޯޗު، ސެސްކް ފަބްރެގަސް ހިމެނޭ ކަމަށް ރިޕޯޓްތައް ބުނެފި އެވެ.

މިދިޔަ އަހަރުގެ މެއި މަހު، ތިން އަހަރުގެ ކޮންޓްރެކްޓެއްގައި ރެއާލުން ގެނައި އަލޮންސޯ އަށް އެ ކްލަބްގައި އެއް އަހަރު ވެސް ނުހުރެވުނެވެ. މިދިޔަ ޖެނުއަރީ މަހު އަލޮންސޯ ވަކިކޮށް، ރެއާލްގެ ކޯޗުކަން މި ސީޒަނުގެ ނިޔަލަށް ހަވާލުކުރީ ރެއާލްގެ ދެ ވަނަ ޓީމުގެ ކޯޗަކަށް ހުރި ކުރީގެ ކުޅުންތެރިޔާ، އަލްވާރޯ އާބެލޯއާ އެވެ.

ރެއާލަށް އަލޮންސޯ ކޯޗުކޮށްދިން 34 މެޗުގެ ތެރެއިން އެ ޓީމުން ވަނީ 24 މެޗުން މޮޅުވެފަ އެވެ. ހަ މެޗުން ބަލިވިއިރު، ހަތަރު މެޗު ނިމުނީ އެއްވަރުވެގެންނެވެ.

އާ ކޯޗެއް ހޯދުމުގެ މަސައްކަތް ރެއާލުން ކުރަމުން އަންނައިރު، ރެއާލްގެ ސީނިއާ މެނޭޖްމަންޓުން ބޭނުންވާ ކޯޗުންގެ ޝޯޓްލިސްޓެއް ވަނީ އެކުލަވާލައިފަ އެވެ. ރިޕޯޓްތައް ބުނާގޮތުން، އެ ލިސްޓުގައި ހިމެނޭ ބައެއް ނަންތަކަކީ، ކުރިން ރެއާލަށް ކޯޗުކޮށްދިން ޒިނެދިން ޒިދާން، ލިވަޕޫލްގެ ކުރީގެ ކޯޗު ޔާގެން ކްލޮޕް އަދި ކޯމޯގައި ތަފާތު މަސައްކަތްތަކެއް ކުރަމުން އަންނަ ފަބްރެގަސް އެވެ.

މީގެ 14 ވަރަކަށް މަސް ކުރިން، ކޯމޯގެ ކޯޗުކަން ފަބްރެގަސް، 38، އަށް ދިނީ ހަތަރު އަހަރުގެ ކޮންޓްރެކްޓެއްގަ އެވެ. ކޯމޯ އިން 21 އަހަރަށް ފަހު، އިޓަލީގެ ފުރަތަމަ ޑިވިޝަނަށް ޕްރޮމޯޓްވެ، ފަބްރެގަސްގެ ކޯޗުކަމުގައި ރަނގަޅު ކާމިޔާބީތަކެއް ހޯދި އެވެ. ފަބްރެގަސްގެ ކޯޗުކަމުގައި، ކޯމޯ އިން އިޓާލިއަން ލީގުގެ 10 ވަނައިގައި މި ނިމުނު ސީޒަން ނިންމިއިރު، ޗެމްޕިއަންކަން ހޯދި، ނަޕޯލީ ވެސް ބަލިކޮށްފައިވެ އެވެ.

ކުރިން އާސެނަލާއި ބާސެލޯނާ އަދި ޗެލްސީ އަށް ކުޅުނު ފަބްރެގަސް އަށް ދާދި ފަހުން، އިޓަލީގެ އިންޓަ މިލާންގެ ކޯޗުކަން ހުށަހެޅުމުން ވެސް އޭނާ އެ އޮފާ ދޫކޮށްލި އެވެ. ޔުވެންޓަސް އިން ވެސް ފަބްރެގަސްއާ ވާހަކަ ދެއްކިއިރު، އޭނާ ކޯމޯގައި މަޑުކުރީ ފެށި ޕްރޮޖެކްޓް ކުރިއަށް ގެންދިއުމަށެވެ.

އާސެނަލްގެ ލެޖެންޑަރީ ފޯވާޑް، ތިއަރީ އޮންރީ އާއި ފަބްރެގަސްގެ ހިއްސާ އޮންނަ ކޯމޯ އަކީ ރަނގަޅު ލެވަލެއްގައި ހިންގަމުން އަންނަ ކްލަބެކެވެ. ކެރިއަރުގެ ކޮންމެ ވެސް ހިސާބަކުން، އެހެން ޗެލެންޖުތައް ވެސް ނަގަން ޖެހޭކަން ގަބޫލުކުރާ ކަމަށާއި އެކަމަކު، މި ވަގުތު ފޯކަސް އަކީ ކޯމޯ ކަމަށް ދާދި ފަހުން ދިން އިންޓަވިއުއެއްގައި ވެސް ފަބްރެގަސް ވަނީ ބުނެފަ އެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox