ދަރަނި އިތުރުވާތީ އެމްޑީޕީގެ ކަންބޮޑުވުން، "ދައުރު ނިމޭއިރު 200 ބިލިއަނަށް އަރާނެ"

އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އަމީރު: އޭނާ ވިދާޅުވަނީ މި ސަރުކާރުން މަދުވެގެން 75 ބިލިއަން ދަރަންޏަށް އިތުރުކުރާނެ ކަމަށް --- ފޮޓޯ: އެމްޑީޕީ

އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އަމީރު: އޭނާ ވިދާޅުވަނީ މި ސަރުކާރުން މަދުވެގެން 75 ބިލިއަން ދަރަންޏަށް އިތުރުކުރާނެ ކަމަށް --- ފޮޓޯ: އެމްޑީޕީ

މި ސަރުކާރުގެ ދަރަނި ނެގުން ހުރީ ކަންބޮޑުވާ މިންވަރެއްގައި ކަމަށާއި ދައުރު ނިމޭއިރު ދައުލަތުގެ ޖުމްލަ ދަަރަނި 200 ބިލިއަން ރުފިޔާއަށް އަރާނެ ކަމަށް އަންދާޒާކުރެވޭ ކަމަށް އިދިކޮޅު އެމްޑީޕީން އިއްޔެ ބުނެފި އެވެ.

އެމްޑީޕީގެ އިގުތިސޯދީ ކޮމިޓީން ބޭއްވި ނޫސްވެރިންގެ ބައްދަލުވުމެއްގައި، ކުރީގެ ފިނޭންސް މިނިސްޓަރު އިބްރާހިމް އަމީރު ވިދާޅުވީ ދެ އަހަރުގެ ތެރޭގައި ޖުމުލަ ދަރަނި 35 ބިލިއަން ރުފިޔާ އިތުރުވާނެ ކަމަށް ފިނޭންސް މިނިސްޓްރީން ހުށަހަޅާފައިވާ ބަޖެޓު އަންދާޒާތަކުން ދައްކާ ކަމަށެވެ.

ފިނޭންސް މިނިސްޓްރީން އަންނަ އަހަރަށް ލަފާކޮށް ހުށަހަޅާފައިވާ ބަޖެޓުގައިވާ ގޮތުގައި އަހަރު ނިމޭއިރު ޖުމުލަ ދަރަނި ހުންނާނީ 158 ބިލިއަން ރުފިޔާގަ އެވެ. މިއީ މި އަހަރަށް ފާސްކުރި ބަޖެޓުގައި އަންދާޒާ ކުރި 149 ބިލިއަން ރުފިޔާއަށް ވުރެ ނުވަ ބިލިއަން ރުފިޔާ އިތުރު އަދަދެކެވެ. މި ސަރުކާރުން ވެރިކަމާ ހަވާލުވީ އަހަރު، 2023، ނިމުނުއިރު ދަރަނި ހުރީ 125 ބިލިއަން ރުފިޔާގަ އެވެ.

Advertisement

މި އަދަދުތަކަށް އިޝާރާތްކުރައްވަމުން އަމީރު ވިދާޅުވީ، ދަރަނީގެ މިސްރާބު މިހާރު ހުރި ގޮތުން ކޮންމެ އަހަރަކު ދަރަންޏަށް 15 ބިލިއަނާއި 20 ބިލިއަން ރުފިޔާގެ އިތުރުވާނެ ކަމަށް ބެލެވޭ ކަމަށެވެ. އަދި ސަރުކާރުން ބަޖެޓުގައި އަންދާޒާ ކުރާ 171 ބިލިއަން ރުފިޔާއަށް މާ ބޮޑަށް ވެސް ދަރަނި އިތުރުވާނެ ކަމަށް އޭނާ ވިދާޅުވި އެވެ.

"މިހާރު ހުށަހަޅާފައިން ބަޖެޓުތަކަށް ބަލާއިރު 2028 ވަނަ އަހަރު ނިމޭއިރު މި ދައުރުގެ ތެރޭގައި ޖުމުލަ ދަރަނި 200 ބިލިއަން ރުފިޔާއަށް އަރާނެ ކަމަށް. އަދި މި ސަރުކާރުން ގާތްގަނޑަކަށް 75 ވަރަކަށް ބިލިއަން ރުފިޔާ ދަރަންޏަށް އިތުރުކުރާނެ ކަމަށް ބެލެވޭ،" އަމީރު ވިދާޅުވި އެވެ.

މިއީ މިދިޔަ ފަސް އަހަރުގެ ތެރޭގައި، އެމްޑީޕީގެ ވެރިިކަމުގައި، ދައުލަތުގެ ދަރަންޏަށް އިތުރުވީ 60 ބިލިއަން ރުފިޔާއަށް ވުރެ ބޮޑު އަދަދެކެވެ.

ދަރަނީގެ މައްސަލައިގައި އަމީރު ވަނީ ސަރުކާރުން އޮޅުވާލަމުން ގެންދާ ކަމަށް ވެސް ތުހުމަތުކުރައްވާފަ އެވެ. ސަރުކާރުން ބުނާ ގޮތުގައި ދައުލަތަށް ލިބޭ އާމްދަނީގެ ބޮޑު ބަޔެއް ހޭދަކުރަން ޖެހިފައި ވަނީ ދަރަނި ދައްކާށެވެ. ނަމަވެސް މާލީ ހިސާބުތަކުން ފެންނަނީ ދަރަނި ނަގައިގެން ދަރަނި ދައްކަމުންދާ މަންޒަރު ކަމަށް އަމީރު ވިދާޅުވި އެވެ.

އަންނަ އަހަރުގެ ބަޖެޓަށް ފައިނޭންސް ކުރަން ޖެހޭ 26 ބިލިއަން ރުފިޔާގެ ތެރެއިން ގާތްގަނޑަކަށް 13 ބިލިއަން ރުފިޔާ ނޫނީ ދެ ބައި ކުޅަ އެއް ބައި ހޯދަނީ ދަރަނި ދެއްކުމަށެވެ. އަނބުރާ ދައްކަން ޖެހޭ ދަރަނީގެ ތެރެއިން ބޮޑު ބަޔެއް ހިއްސާކުރަނީ ބޭރުގެ ދަރަންޏެވެ.

މި ދަރަނީގެ ތެރޭގައި އޭޕްރިލްގައި ސުކޫކަށް ދައްކަން ޖެހޭ 500 މިލިއަން ޑޮލަރު (9.2 ބިލިއަން ރުފިޔާ) ހިމެނެ އެވެ. އަދި، އަބޫދާބީ ފަންޑަށް ދައްކަން ޖެހޭ 100 މިލިއަން ޑޮލަރު (1.5 ބިލިއަން ރުފިޔާ) ވެސް ހިމެނެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox