ބޭނުންކުރި ކައްކާ ތެޔޮ ވިއްކައިގެން ހައްޔަރުކުރި ބިދޭސީއަކު ދިވެއްސަކާ ކައިވެނިކޮށްގެން އުޅޭތީ ދޫކޮށްލައިފި

ރިސޯޓުތަކުން އުކާލާ ކަމަށް ތުހުމަތުކުރެވޭ ކައްކާ ތެޔޮ: އެ ތެޔޮ މާލެ ގެނެސް ވިއްކާ ކަމަށް ފުލުހުންނަށް މައުލޫމާތު ލިބޭ -- ފޮޓޯ: ފުލުހުން

ރިސޯޓުތަކުން އުކާލާ ކަމަށް ތުހުމަތުކުރެވޭ ކައްކާ ތެޔޮ: އެ ތެޔޮ މާލެ ގެނެސް ވިއްކާ ކަމަށް ފުލުހުންނަށް މައުލޫމާތު ލިބޭ -- ފޮޓޯ: ފުލުހުން

ރިސޯޓުތަކުގައި ބޭނުންކޮށް އުކާލާ ކައްކާ ތެޔޮ ވިއްކަމުންދާ ކަމުގެ ތުހުމަތުގައި ހައްޔަރުކުރި ބިދޭސީއަކު ދިވެއްސަކާ ކައިވެނިކޮށްގެން އުޅޭތީ ޝަރުތުކުރުމަށްފަހު ކޯޓުން ދޫކޮށްލައިފި އެވެ.

ފުލުހުންނަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ދިވެއްސަކާ ކައިވެނިކޮށްގެން އުޅޭ ބަންގްލަދޭޝްއަށް ނިސްބަތްވާ މޮހަންމަދު ހާރޫން، 43 ގެ އިތުރުން ބަންގްލަދޭޝްއަށް ނިސްބަތްވާ ހަތަރު މީހަކު ހައްޔަރުކުރި އެވެ.

ހާރޫން ކޯޓަށް ހާޒިރުކުރުމުން ދޫކޮށްލީ އޭނާއަކީ ދިވެއްސަކާއި ކައިވެނިކޮށްގެން ސައްހަ ވިސާއެއްގައި ރާއްޖެގައި އުޅޭ މީހަކަށްވުމުގެ އިތުރުން، އޭނާއަކީ ޕިކަޕް ޑްރައިވަރެއް ކަމަށް ބެލެވޭތީ އެވެ.

Advertisement

"މީނާއަކީ ދިވެއްސަކާއި ކައިވެނިކޮށްގެން ސައްހަ ވިސާއެއްގައި ދިވެހިރާއްޖޭގައި އުޅޭ ފަރާތެއްކަމުގައިވާތީއާއި، މީނާއަކީ ޕިކަޕް ޑްރައިވަރެއްކަމަށް މީނާ ބުނާއިރު، އެކަމަށް ބާރުދޭ ވާހަކަތަކެއް މައްސަލައިގައި ތުހުމަތުކުރެވޭ ފަރާތްތަކުން ވެސް ބުނެފައިވާތީ، މީނާ ޝަރުތުކުރުމަށްފަހު ބަންދުން ދޫކޮށްލަން ނިންމައިފިން،" ހާރޫން ބަންދުން ދޫކޮށްލުމަށް އަމުރުކުރި ސަބަބުގައި ބަޔާން ކޮށްފައިވެ އެވެ.

މައްސަލައާ ގުޅިގެން ހައްޔަރުކުރި ހަތަރު ބަންގްލަދޭޝް މީހުންނަކީ އަލް އަމީން ބޮޔަޓި، 37 އާއި ދުލާލް މިއާހް، 32 އާއި މޮހަންމަދު ރަސެލް މިއާހް، 34 އަދި މަންވަރު ހޮސައިން، 45 އެވެ. އެ ހަތަރު މީހުންގެ ބަންދަށް ވެސް 10 ދުވަސް ވަނީ ޖަހާފަ އެވެ.

ބުދަ ދުވަހުގެ ރޭ ފުލުހުންނަށް މައުލޫމާތު ލިބުނީ އެމްޕީއެލް ކޮންޓެއިނާ ޖެޓީ ސަރަހައްދުގައި އޮތް ޑިންގީއެއަކުން ތެޔޮ ހަންތަކެއް އަރުވާ ކަމަށެވެ.

އެ އޮޕަރޭޝަނުގައި ފަސް މީހުން ހައްޔަރުކޮށް، ދޯންޏަކާއި ޑިންގީއަކާއި ޕިކަޕެއް ބަލާފާސްކުރިއިރު ރިސޯޓުތަކުގައި ބޭނުންކޮށްފައިހުރި 46 ހަން ތެޔޮ ފެނިފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox