އިންސްޓޯލްމަންޓު އެއްބަސްވުން ހެދުމުން ބޮޑު ވިޔަފާރިތަކުގެ އެކައުންޓުތައް ވެސް ދޫކުރެވޭ ގޮތް ހަދައިފި

މީރާގެ މައި އިދާރާ ހުންނަ އިމާރާތުގެ ބޭރުން ބަޔަކު ހިނގާފައި ދަނީ: އިންސްޓޯލްމަންޓުގެ ދަށުން ލުއިތައް ދިނުމުގެ ބާރު ލިބެނީ ޓެކްސް ކޮމިޝަނަރަށް --- ފޮޓޯ: އަތޫފް އާތިފް/އަދަދު

މީރާގެ މައި އިދާރާ ހުންނަ އިމާރާތުގެ ބޭރުން ބަޔަކު ހިނގާފައި ދަނީ: އިންސްޓޯލްމަންޓުގެ ދަށުން ލުއިތައް ދިނުމުގެ ބާރު ލިބެނީ ޓެކްސް ކޮމިޝަނަރަށް --- ފޮޓޯ: އަތޫފް އާތިފް/އަދަދު

ނުދައްކައި ހުރި ޓެކްސްތައް ދައްކަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އާ އެކީ އިންސްޓޯލްމަންޓް އެއްބަސްވުމުގައި ސޮއި ކުރާ ކުދި އަދި މެދު ފަންތީގެ ވިޔަފާރިތަކަށް ލިބޭ ލުއި ބޮޑު ވިޔަފާރިތަކަށް ވެސް ލިބޭ ގޮތަށް އުސޫލު ބަދަލުކޮށްފި އެވެ.

މީރާއިން ގެންގުޅޭ "އިންސްޓޯލްމަންޓަށް ބަހައިލައިގެން ފައިސާ ދެއްކުމުގެ އުސޫލު" ގެ ދަށުން، އިންސްޓޯލްމަންޓު އެއްބަސްވުމުގައި ބަޔާންކުރާ ކޮމިޓްމަންޓް ޕޭމަންޓު ދެއްކުމުން ނޫނީ އެ ވަރަށް ފައިސާ އެކައުންޓުން ނެގުމަށް ފަހު، އެކައުންޓު ދޫކޮށްލުމުގެ އިހުތިޔާރު ޓެކްސް ކޮމިޝަނަރަށް ލިބެ އެވެ. ކުރިން އުސޫލުގައި އޮތީ ކުދި އަދި މެދު ފަންތީގެ ވިޔަފާރިތަކަށް އެކަނި މި ލުއި ދެވޭ ގޮތަށެވެ.

ނަމަވެސް، އިންސްޓޯލްމަންޓް އުސޫލަށް ގެނައި ބަދަލުގައި ވަނީ ވަކި ގިންތިތަކެއްގެ ވިޔަފާރިތަކަށް ލުއި ދެވޭ ގޮތަށް އޮތް އިބާރާތް ބަދަލުކޮށް، ޓެކްސް ކޮމިޝަނަށް އިހުތިޔާރީ ބާރުތަކެއް ދީފަ އެވެ.

Advertisement

މީރާގެ އުސޫލުގައި ބަދަލު ގެނައި އަނެއް މާއްދާއަކީ ތަކުރާރުކޮށް އިންސްޓޯލްމަންޓް ޕްލޭންތައް ދިނުމާ ގުޅޭ މާއްދާއަށް ވެސް ބަދަލު ގެނެސްފަ އެވެ. މިއީ މީރާއިން މި އަހަރުގެ ކުރީކޮޅު އުސޫލަށް ބައެއް ބަދަލުތައް ގެނައިއިރު، އިތުރުކުރި މާއްދާއެކެވެ.

ކުރިން މި މާއްދާގެ އިބާރާތް އޮތީ، އިންސްޓޯލްމަންޓް އެގްރީމަންޓާ އެއްގޮތަށް އަމަލު ނުކޮށްގެން ބާތިލުކުރާ ހާލަތެއްގައި އެ ޓެކްސްތަކާ ގުޅިގެން އާ އިންސްޓޯލްމަންޓް ޕްލޭނަކަށް ދެވޭނީ ކޮމިޓްމަންޓް ޕޭމަންޓުގެ އިތުރުން ދައްކަން ޖެހޭ އަދަދުގެ 50 ޕަސެންޓު ދެއްކުމުން، ތަކުރާރުކޮށް އެއްބަސްވުންތައް ހެދޭ ގޮތަށެވެ. އަދި މި ގޮތުން ދައްކަން ޖެހޭ ނިސްބަތް، އެއްބަސްވުން އިތުރުވާ ކޮންމެ ފަހަރަކު އެ އަދަދު، އެ ނިސްބަތުން އިތުރުވެ އެވެ.

އެކަމަކު، މިހާރު މި ގޮތުން ދައްކަން ޖެހޭ ފައިސާ ވަނީ ފަސް ޕަސެންޓަށް ތިރިކޮށްފަ އެވެ. އަދި އެއްބަސްވުން ތަކުރާރުވާ ކޮންމެ ފަހަރަކު ދައްކަން ޖެހޭ ފައިސާގެ ނިސްބަތް ވެސް އިތުރު ވަނީ މި ވަރަށެވެ.

މީރާއިން އުސޫލުގައި ފާހަގަކުރި މިސާލުގައި ބުނީ ކޮމިޓްމަންޓް ޕޭމަންޓުގެ ގޮތުގައި 25 ޕަސެންޓު ދައްކަން ޖެހޭ ނަމަ އެ އެއްބަސްވުން އުވާލުމަށް ފަހު އާ އިންސްޓޯލްމަންޓް އެއްބަސްވުމެއް ހަދަންޏާ ކޮމިޓްމަންޓު ޕޭމަންޓުގެ ގޮތުގައި 30 ޕަސެންޓު ދައްކަން ޖެހެ އެވެ.

ނުދައްކައި ހުރި ޓެކްސްތައް ދެއްކުމުގެ އިތުރު ލުއިތަކެއް ދޭން މީރާއިން އުސޫލުތަކަށް ބަދަލު ގެނައިއިރު، ވިޔަފާރިތަކުން ގަވާއިދުން ޓެކްސް ނުދައްކާ މައްސަލައަކީ ބޮޑު މައްސަލައެކެވެ. މި މައްސަލަ ބޮޑަށް ގޯސްވީ ކޮވިޑުގެ ތެރޭގައި މީރާއިން ދިން ލުއިތަކާ، ހާއްސަކޮށް ތަންފީޒީ ފިޔަވަޅު އެޅުން ހުއްޓާލުމާ، ގުޅިގެންނެވެ.

ސަރުކާރާއި ރައްޔިތުންގެ މަޖިލީހުން ހާމަކޮށްފައިވާ މައުލޫމާތުން ދައްކާ ގޮތުގައި ޓެކުހާއި ޓެކްސް ނޫން ފައިސާގެ ގޮތުގައި ދައުލަތަށް ލިބެން ޖެހޭ އާމްދަނީގެ ތެރެއިން ނުލިބިވާ އަދަދު 15 ބިލިއަން ރުފިޔާއަށް ވުރެ އިތުރެވެ. ނުލިބިވާ ފައިސާގެ ބޮޑު ބަޔެއް ހިއްސާކުރަނީ، ރިސޯޓު ހަދަން ދޫކޮށްފައި ހުރި ރަށްތަކާއި ފަޅުތަކާއި ބިންތަކުން ކުލީގެ ގޮތުގައި ލިބެން ޖެހި ނުލިބިވާ، ހަ ބިލިއަނަށް ވުރެ ގިނަ ރުފިޔާ އެވެ.

މީރާގެ މިދިޔަ އަހަރުގެ އަހަރީ ރިޕޯޓުން ދައްކާ ގޮތުގައި، އެ އިދާރާއިން ވަނީ ތަންފީޒީ ފިޔަވަޅުތަކުން 3.7 ބިލިއަން ރުފިޔާ ހޯދާފަ އެވެ. މި ފައިސާގެ ތެރޭގައި އެކައުންޓުތައް ފްރީޒްކޮށްގެން ހޯދި 109 މިލިއަން ރުފިޔާ ހިމެނެ އެވެ.

މީރާއިން ވަނީ މިދިޔަ އަހަރުގެ ތެރޭގައި 2.5 ބިލިއަން ރުފިޔާގައި އަގުކުރެވޭ އިންސްޓޯލްމަންޓް އެއްބަސްވުންތައް 1،029 ފަރާތަކާ ހެދި އެވެ. އަދި 894 މިލިއަން ރުފިޔާ އެ އިދާރާއަށް ލިބިފައިވެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox