ބަންކަރިން އަށް ގެނައި އެއް ބޯޓު މާލެ ކައިރި އަޅާފަ، އަނެއް ބޯޓު ލަންކާގައި

ބަންކަރިންގެ ހިދުމަތަށް ގެނައި ވިޓޯލް އިން ސިންގަޕޫރުގައި ބޭނުންކުރަމުންދިޔަ "މެރިން ބެލާ" އަދި "މެރިން އޭންޖެލް" --- ފޮޓޯ: ވިޓޯލް

ބަންކަރިންގެ ހިދުމަތަށް ގެނައި ވިޓޯލް އިން ސިންގަޕޫރުގައި ބޭނުންކުރަމުންދިޔަ "މެރިން ބެލާ" އަދި "މެރިން އޭންޖެލް" --- ފޮޓޯ: ވިޓޯލް

ރާއްޖޭގެ އެންމެ އުތުރުން އިހަވަންދިއްޕޮޅު ސަރަހައްދުގައި ފްލޯޓިން ބަންކަރިންގެ ހިދުމަތް ދޭން ގެނައި އެއް ބޯޓު މާލެ ކައިރި އަޅާފައި އޮތް އިރު އަނެއް ބޯޓު އަވަށްޓެރި ސްރީ ލަންކާގެ ބަނދަރެއްގައި އޮތްކަން އެނގިއްޖެ އެވެ.

ސިންގަޕޫރާއި ޔޫއޭއީގެ އިތުރުން މޮރިޝަސްގައި ވެސް ބަންކަރިންގެ ހިދުމަތް ދެމުންދާ ވިޓޯލް އާއި އެސްޓީއޯ ގުޅިގެން ރާއްޖޭގައި ބަންކަރިންގެ ހިދުމަތް ފެށީ ސެޕްޓެމްބަރު 19، 2024 ގަ އެވެ. މި ހިދުމަތް ދިނުމަށް ރާއްޖެ ގެނައީ ވިޓޯލް އިން ސިންގަޕޫރުގައި ބަންކަރިންގެ ހިދުމަތް ދޭން ގެންގުޅުނު 3258 ޓަނުގެ މެރިން އޭންޖަލް އާއި 3939 ޓަނުގެ މެރިން ބެލާ އެވެ.

ކަނޑު އުޅަނދު ޓްރެކްކުރާ ވެސެލްފައިންޑާ އަދި މެރިން ޓްރެފިކް ފަދަ ސައިޓުތަކުން ދައްކާ ގޮތުގައި މީގެ ތެރެއިން މެރިން އޭންޖަލް މިވަގުތު އޮތީ ލަންކާގެ ވެރިރަށް ކޮލަމްބޯގައި ބަނދަރުކޮށްފަ އެވެ. މެރިން ބެލާ އޮތީ މާލެ ސަރަހައްދުގަ އެވެ.

Advertisement

ވޭތުވެދިޔަ މަސް ދުވަހު މެރިން އޭންޖަލް ދަތުރު ކުރި ގޮތަށް ބަލާއިރު، ސެޕްޓެމްބަރު 1، ގައި އެ ބޯޓު އޮތީ ނ. އަތޮޅުގަ އެވެ. ނ. ހޮޅުދޫ ކައިރި އޮތުމަށްފަހު އެ ބޯޓު ސެޕްޓެމްބަރު މަހުގެ ކުރީކޮޅު ށ. އަތޮޅަށް ވެސް ދިޔަ އެވެ. އެއަށްފަހު އައީ މާލެ އަށެވެ.

ސެޕްޓެމްބަރު 11، ގައި މާލެ ސަރަހައްދަށް އައުމަށްފަހު އެ ބޯޓު ވަނީ ލަންކާއަށް ދަތުރު ފަށާފަ އެވެ. އޭގެ ފަހުން އެ ބޯޓު އެނބުރި ރާއްޖެއަށް އައިސްފައެއް ނުވެ އެވެ.

ރާއްޖޭގައި ބަންކަރިންގެ ހިދުމަތް ދޭން ގެނައި "މެރިން އޭންޖަލް" އަދި "މެރިން ބެލާ" އިން ވޭތުވެދިޔަ މަހު ދަތުރުކޮށްފައިވާ ރޫޓު ---- ފޮޓޯ: ވެސެލް ފައިންޑާ
ރާއްޖޭގައި ބަންކަރިންގެ ހިދުމަތް ދޭން ގެނައި "މެރިން އޭންޖަލް" އަދި "މެރިން ބެލާ" އިން ވޭތުވެދިޔަ މަހު ދަތުރުކޮށްފައިވާ ރޫޓު ---- ފޮޓޯ: ވެސެލް ފައިންޑާ

ރާއްޖޭގައި ބަންކަރިންގެ ހިދުމަތް ދޭން ގެނައި "މެރިން އޭންޖަލް" އަދި "މެރިން ބެލާ" އިން ވޭތުވެދިޔަ މަހު ދަތުރުކޮށްފައިވާ ރޫޓު ---- ފޮޓޯ: ވެސެލް ފައިންޑާ

މި މުއްދަތުގައި މެރިން ބެލާ މާލެ ސަރަހައްދު ދޫކޮށް ގޮސްފައެއް ނުވެ އެވެ. މި ބޯޓު "އެނބުރިފައި" ވަނީ ވިލިމާލެ އާއި ގުޅީފަޅު އަދި ފޭދޫ ފިނޮޅު ކައިރީގަ އެވެ.

ބަންކަރިންގެ ހިދުމަތް ފެށުމަށް ބޭއްވި ރަސްމިއްޔާތަށް މަސް ދުވަސް ވީއިރު، މި ދެ ބޯޓު މާލެ ސަރަހައްދަށް އައި ހަބަރު މިދިޔަ އަހަރު މި ނޫހުން ވާނީ ގެނެސްދީފަ އެވެ. އޭރު އެސްޓީއޯ އިން ބުނީ މާލެ ސަރަހައްދު ނުވަތަ އެހެން ސަރަހައްދެއްގައި އޮތް ނަމަވެސް އެ ބޯޓުތަކުން ބަންކަރިންގެ ހިދުމަތް ދެމުންދާ ކަމަށެވެ. ފުރަތަމަ މަޝްރޫއު ރޭވި ގޮތަށް އިހަވަންދިއްޕޮޅުގައި އޮވެ ހިދުމަތް ދެމުން ނުދާ ސަބަބެއް ސާފެއް ނޫނެވެ.

ރާއްޖެ އާއި އިންޑިއާ ދެމެދު އޮންނަ 8 ޑިގްރީ ޗެނަލުން މަހަކު 300 އަށް ވުރެ ގިނަ އުޅަނދު ހުރަސް ކުރާއިރު، ބަންކަރިންގެ ހިދުމަތުން ރާއްޖޭގެ އިގުތިސާދަށް އަހަރަކު 400 މިލިއަން ވަންނާނެ ކަމަށް ސަރުކާރުން ބުނެފައިވެ އެވެ.

ނަމަވެސް، އެހެން ވިދާޅުވި އިކޮނޮމިކް މިނިސްޓަރު މުހައްމަދު ސައީދު ފަހުން ވަނީ ރާގު ބަދަލުކުރައްވާ، އަހަރަކު 400 މިލިއަން ޑޮލަރު ލިބޭނެ ކަމަށް ނޫސްވެރިން ލިޔުނީ އޭނާ ދެއްކި ވާހަކަ ޓުވިސްޓު ކޮށްގެން ކަމަށް ވިދާޅުވެފަ އެވެ.

"[އަޅުގަނޑު ވިދާޅުވީ] އޭގެތެރެއިން އެއް ޕަސެންޓަކީ ވެސް 400 އެއްހާ މިލިއަން ޑޮލަރޭ. އެ ޓާގެޓަށޭ އަޅުގަނޑުމެން މި މަސައްކަތް ކުރަނީ. އަޅުގަނޑު އެއްވެސް ހާލެއްގައި، ކުރިން ވެސް އަދި މިއަދު ވެސް ނުދަންނަވަން، ހަމަ ބަންކަރިން ފަށާ ދުވަހު 400 މިލިއަން ޑޮލަރު ރާއްޖޭގެ ޖީޑީޕީ ތެރެއަށް ވަދެގެން ދާނެ ކަމަކަށް،" އެޕްރީލް 21، ގައި ސައީދު ވިދާޅުވި އެވެ.

މި ވާހަކަތަކަށްފަހު، ބަންކަރިންގެ ހިދުމަތުން ފުރަތަމަ ހަތް މަހުން ލިބުނީ ހަތް މިލިއަން ޑޮލަރު ކަމަށް މެއި މަހު ސައީދު ވިދާޅުވި އެވެ. މި ހަތް މިލިއަނުގެ ތެރެއިން 95 އިންސައްތަ އަކީ ބަންކަރިންގެ ތެރެއިން ރާއްޖެއަށް މުޅިން އަލަށް އެތެރެކުރި ލޯ ސަލްފާ ތެޔޮ ވިއްކައިންގެ ލިބުނު އާމްދަނީ ކަމަށް ސައީދު ރޭ ވިދާޅުވި އެވެ. އަދި، އެ ތެލަށް އޮތް ޑިމާންޑު މަތިވަމުންދާ ކަން ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox