ކޮމަންވެލްތު ބީޗްހޭންޑްބޯޅަ މުބާރާތުގައި ރާއްޖޭން ފުރަތަމަ މޮޅު ހޯދައިފި

Sep 18, 2025, 3:15 PM
ލަންކާ އާއި ރާއްޖޭން މިއަދު ކުޅުނު މެޗުގެ ތެރެއިން.--- ފޮޓޯ: ގާފު ސްޕޯޓްސް

ލަންކާ އާއި ރާއްޖޭން މިއަދު ކުޅުނު މެޗުގެ ތެރެއިން.--- ފޮޓޯ: ގާފު ސްޕޯޓްސް

ކުޅުދުއްފުށި ސިޓީގައި މިއަދު ފެށި، ކޮމަންވެލްތު ބީޗްހޭންޑްބޯޅަ މުބާރާތުގައި ރާއްޖޭގެ ގައުމީ ޓީމުން ކުޅުނު ފުރަތަމަ މެޗުގައި ސްރީ ލަންކާ އަތުން މޮޅުވެއްޖެ އެވެ.

މިއީ، ބައިނަލްއަގުވާމީ ހޭންޑްބޯޅައިގައި ރާއްޖޭން އަމިއްލަ ފަސްގަނޑުގައި ހޯދި ފުރަތަމަ މޮޅެވެ. އަދި، ޖުމްލަކޮށް ބަލާއިރު ދެ ވަނަ މޮޅެވެ. މިދިޔަ މެއި މަހު ރާއްޖޭން ވަނީ އޮމާންގެ މަސްކަޓުގައި ކުޅުނު އޭޝިއާގެ ހޭންޑްބޯޅަ މުބާރާތުގެ ރޭންކިން މެޗެއްގައި ހޮން ކޮންގް އަތުން މޮޅުވެފަ އެވެ.

މިއަދުން ފެށިގެން އަންނަ ހޯމަ ދުވަހުގެ ނިޔަލަށް ކުރިއަށްދާ މި މުބާރާތުގައި، ރާއްޖެ ހިމެނޭ ގޮތަށް ހަ ގައުމަކުން ވާދަކުރެ އެވެ. ހާއްސަ ރަސްމިއްޔާތަކުން މުބާރާތް މިއަދު ފެށިއިރު، ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) އާއި ކޮމަންވެލްތުގެ އިސް ފަރާތްތަކާއި ކުޅުދުއްފުށި ސިޓީ ކައުންސިލްގެ ވެރިން ވެސް ބައިވެރިވެވަޑައިގެންނެވި އެވެ.

މި މުބާރާތަށް ހާއްސަކޮށް ގާއިމްކުރި، ކުޅުދުއްފުށީ ސިޓީ ބީޗް ހޭންޑްބޯޅަ ކޯޓުގައި މިއަދު ހަވީރު ކުޅުނު ފުރަތަމަ ސެޓުގައި ރާއްޖޭން ރަނގަޅަށް ކުޅެ، މުހިންމު ވަގުތުތަކުގައި ތަފާތު ރޫހަކާ އެކު، ޓީމު ވޯކު ދައްކައި، 28-24 ގެ ނަތީޖާއަކުން ލީޑެއް ހޯދި އެވެ. އޭގެ ފަހުން، ލަންކާ އިން ދެ ވަނަ ސެޓުގައި، ކުޅުން ބޮޑުތަނުން ރަނގަޅުކޮށް، އަށް ޕޮއިންޓުގެ ލީޑަކާ އެކު، 34-26 އިން ކާމިޔާބުކުރި އެވެ.

ދެ ޓީމު ސެޓުގެ ނަތީޖާ އިން އެއްވަރުވެ، މޮޅުވާނެ ޓީމެއް ކަނޑައަޅަށް ކުޅުނު، ޝޫޓްއައުޓް ސެޓުން ރާއްޖެ ކުރިހޯދީ، 7-4 އިންނެވެ. މެޗުގައި، ރާއްޖެ ޓީމަށް ތަފާތެއް ދައްކައި، މޮޅު ކޮށްދޭން އިސް ރޯލެއް ކުޅުނު އަހުމަދު ރަޒްނީ މުހައްމަދަށް ވަނީ މޮޅު ކުުޅުންތެރިޔާގެ މަގާމު ލިބިފަ އެވެ.

ރާއްޖެ އާއި ލަންކާގެ އިތުރުން ދެން ވާދަކުރާނީ، ބަންގްލަދޭޝް، ޕާކިސްތާން، އިންޑިއާ، އަދި ދެކުނު އެފްރިކާ އެވެ. ލީގު ބުރުގައި ކޮންމެ ޓީމެއް އެއް ފަހަރު ބައްދަލުކޮށް، އެންމެ ރަނގަޅު ނަތީޖާ ނެރޭ ހަތަރު ޓީމެއް ސެމީ އަށް ދަތުރުކޮށް، ފަހަތުން ނިންމާ ދެ ޓީމުން ރޭންކިން މެޗެއް ކުޅޭނެ އެވެ.

މުބާރާތުގައި ރާއްޖޭން ކުޅޭ ދެ ވަނަ މެޗުގައި، މާދަމާ ހެނދުނު 8 ޖަހާއިރު، ދެކުނު އެފްރިކާއާ ކުޅޭނެ އެވެ. ތިން ވަނަ މެޗުގައި މާދަމާރޭ ޕާކިސްތާނާ ބައްދަލުކުރާއިރު، ހޮނިހިރު ދުވަހު ހަވީރު، 4:15 ގައި ބަންގްލަދޭޝާ ކުޅެ، ލީގު ބުރުގެ ފަހު މެޗުގައި، ހޮނިހިރު ދުވަހުގެރޭ، 10 ޖަހާއިރު، އިންޑިއާއާ ކުޅޭނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox