އަލޮންސޯ ބުނީ ރެއާލުގައި ވަކި ހާއްސަ ގޮތެއް އޮތް ކުޅުންތެރިއަކު ނުހުންނާނެ ކަމަށް

Aug 30, 2025, 3:18 AM
އަލޮންސޯ ބުނީ ރެއާލުގައި ވަކި ހާއްސަ ގޮތެއް އޮތް ކުޅުންތެރިއަކު ނުހުންނާނެ ކަމަށް

މެޑްރިޑް (އޮގަސްޓް 30) - ރެއާލް މެޑްރިޑްގައި ހާއްސަ ގޮތަކަށް އަމަލުކުރަންޖެހޭ ކުޅުންތެރިއަކު ނުހުންނާނެ ކަމަށް އެ ޓީމުގެ ކޯޗު ޒަބީ އަލޮންސޯ ބުނެފި އެވެ.

އަލޮންސޯ، މި ގޮތަށް ބުނެފައިވަނީ، ނޫސްވެރިންގެ ބައްދަލުވުމެއްގައި، ވިނީޝިއުސް ޖޫނިއާ އަށް ރެއާލްގެ ފުރަތަމަ އެގާރައިން ޖާގަ ނުލިބެނީ ކީއްވެތޯ އޮޅުންފިލުވަން ނޫސްވެރިއަކު ކުރި ސުވާލަކަށް ދިން ޖަވާބުގަ އެވެ.

ސްޕެނިޝް ލީގުގައި އެންމެ ފަހުން، ރެއާލުން ކުުޅުނު މެޗުގައި އޮވިއޭޑޯ އަތުން މޮޅުވިއިރު، ބަދަލަކަށް ކުޅެން އަރައި ވިނީޝިއުސް ވަނީ މޮޅު ކުޅުމެއް ދައްކައިފަ އެވެ. ލީގުގައި މިރޭ މަޔޯކާއާ ދެކޮޅަށް ރެއާލުން ކުޅޭ މެޗުގައި ވެސް ވިނީޝިއުސް އަށް ފުރަތަމަ އެގާރައިން ފުރުސަތު ނުލިބޭނެތޯ އެހުމުން އަލޮންސޯ ބުނީ، ވަކި ކުޅުންތެރިއަކަށް ހާއްސަކޮށް ވިސްނައިގެން ކުރިއަށްދިއުމަކީ ރެއާލުގެ ޕްލޭނެއް ނޫން ކަމަށެވެ.

"އަހަރެން ދެކޭގޮތުގައި ހުރިހާ ކުޅުންތެރިން ވެސް އެ ތިބީ ޓީމަށްޓަކައި، ކޮށްދެވެން ހުރި ކަމެއް ކޮށްދޭން. އެހެންވީމަ، އަހަރެން ވިސްނަނީ ދަނޑުމަތީގައި ވެސް ދަނޑުން ބޭރުގައި ވެސް ހުރިހާ ކުޅުންތެރިން އެ ތިބީ ޓީމުގެ ފަހަތުގައޭ. ގަބޫލުކުރަނީ ވެސް އެ ގޮތަށް،" އަލޮންސޯ ބުންޏެވެ.

އޮވިއޭޑޯއާ ދެކޮޅަށް ކުޅުނު މެޗުގައި، ވިނީޝިއުސްގެ ފަރާތުން ބަދަލަކަށް ކުޅެން އަރައި ވެސް ފެނުނު މޮޅު ކުޅުމުގެ އަސްލަކީ ޓީމަށްޓަކައި މަސައްކަތްކުރަން އޭނާ ވެސް ފުރުސަތުގެ ބޭނުން ހިފާނެ ކަމުގެ ހެއްކެއް ކަމަށް އަލޮންސޯ ވަނީ ބުނެފަ އެވެ.

މަޔޯކާއާ ދެކޮޅަށް ފުރަތަމަ އެގާރައިގައި ރޮޑްރީގޯ ފެންނާނެތޯ އެހުމުން އަލޮންސޯ ބުނީ، މެޗެއް ކުރިމަތީގައި އޮއްވައި މީޑިއާގައި ވާހަކަ ދައްކަމުން ކުޅޭނެ ކުޅުންތެރިން ބުނުމަކީ، ދުރު ވިސްނޭ މީހަކު ކުރާނެ ކަމެއް ނޫން ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox