ޓޫރިޒަމް އިޝްތިހާރުތައް ފާސްކުރަން ޖެހޭ ގަވާއިދަށް އަމަލުކުރަން ފަށައިފި

ކ. ތުލުސްދޫގައި ހުންނަ ފާލަމެއްގައި ޓޫރިސްޓަކު އިށީންދެލައިގެން: އެއްވެސް އިޝްތިހާރެއް ބޭނުންކުރެވޭނި މިނިސްޓްރީން ފާސްކޮށްގެން --- އަދަދު ފައިލް ފޮޓޯ

ކ. ތުލުސްދޫގައި ހުންނަ ފާލަމެއްގައި ޓޫރިސްޓަކު އިށީންދެލައިގެން: އެއްވެސް އިޝްތިހާރެއް ބޭނުންކުރެވޭނި މިނިސްޓްރީން ފާސްކޮށްގެން --- އަދަދު ފައިލް ފޮޓޯ

ޓޫރިޒަމް ހިދުމަތްދޭ ވިޔަފާރިތަކުގެ އިޝްތިހާރުތައް ޓޫރިޒަމް މިނިސްޓްރީއަށް ހުށަހަޅައިގެން ފާސްކުރަން ޖެހޭ ގޮތަށް މި އަހަރު ކުރީކޮޅު ޓޫރިޒަމް ގާނޫނަށް ގެނައި ބަދަލުގެ ދަށުން އެކުލަވާލީ ގަވާއިދު އިއްޔެ އާންމުކޮށްފި އެވެ.

ޓޫރިޒަމް ހިދުމަތްދޭ ވިޔަފާރިތައް އިޝްތިހާރުކުރުމާ ބެހޭ ގަވާއިދުގެ ދަށުން، ޓޫރިސްޓުންނަށް ހިދުމަތްދޭ އެއްވެސް ވިޔަފާރިއަކަށް ދެން އިޝްތިހާރު ކުރެވޭނީ ޓޫރިޒަމް މިނިސްޓްރީން ފާސްކުރުމަށް ފަހުގަ އެވެ. ގަވާއިދުގައި އޮތް ގޮތުން މި ހުއްދައަށް އެދި ހުށަހަޅަން ޖެހޭނީ މިނިސްޓްރީން ހަދާ ޕޯޓަލްއަކަށެވެ.

ޓޫރިޒަމް މިނިސްޓްރީން ބުނީ މި ގަވާއިދުގެ މަގުސަދުތަކަކީ އިޝްތިހާރުތަކުގައި ހިމެނޭ މައުލޫމާތަކީ ތެދު އަދި ފުރިހަމަ މައުލޫމާތުތޯ ކަށަވަރުކުރުމާއި ފަތުރުވެރިކަމަށް ގެއްލުން ނުވާނެ ގޮތަކަށް ޓޫރިސްޓު މަންޒިލެއްގެ ގޮތުގައި ރާއްޖެ ތަސައްވުރުކޮށްދިނުމާއި ޒިންމާދާރުކަމާއެކީ އިޝްތިހާރުކުރަން ބާރު އެޅުމުގެ އިތުރުން ސްކޭމްތަކުން ޓޫރިސްޓުން ސަލާމަތްކޮށްދިނުން ކަމަށެވެ.

Advertisement

ޓޫރިސްޓު ވިޔަފާރިތައް އިޝްތިހާރުކުރުމުގެ ގަވާއިދުގެ ދަށުން އިޝްތިހާރުކުރެވެނީ މިނިސްޓްރީން އޮޕަރޭޓިން ލައިސަންސް ދޫކޮށްފައިވާ ތަންތަނަށް އެކަންޏެވެ. އޮޕަރޭޓިން ލައިސަންސް ނެތް ތަންތަނުން ޖެހެނީ އިޝްތިހާރު ކުރާ ނަމަ މިނިސްޓްރީގެ ހާއްސަ ހުއްދައެއް ހޯދާށެވެ.

ތަރައްގީކޮށްފައިވާ ތަންތަނަށް އިޝްތިހާރުކުރުމުގައި ވަކި މިންގަނޑެއް ކަަނޑައަޅާފައި ނެތް ނަމަވެސް، ތަރައްގީކުރަމުން އަންނަ މަރުހަލާގައި އިޝްތިހާރުކުރާނެ މިންގަނޑެއް ގަވާއިދުގައި އެބަ އޮތެވެ.

އެ މިންގަނޑުގެ ދަށުން އިޝްތިހާރު ކުރަން ޖެހެނީ މިިނިސްޓްރީން ދީފައިވާ ގިންތި ނުވަތަ ދަރަޖައާ އެއްގޮތްވާ ގޮތަށް އެ މައުލޫމާތު ސާފުކޮށް އެނގޭނެހެން، ލިބޭ ހިދުމަތްތަކާއި ގުދުރަތީ މާހައުލާއި ވަށައިގެންވާ މާހައުލާ ގުޅޭ ގޮތުން ސައްހަ މައުލޫމާތު ހިމަނައިގެންނެވެ. އަދި އިޝްތިހާރުގައި ހިމަނާފައިވާ ހިޔާލާއި ތަސައްވުރުކޮށްދޭ ކަންކަން ރާއްޖޭގެ ގާނޫނުތަކާއި ގަވާއިދުތަކުގެ ތެރެއަށް ފެތެން ޖެހެ އެވެ.

އޭގެ އިތުރުން ގުދުރަތީ ރީތިކަމާއި ތިމާވެށި ހިމާޔަތްކުރުމުގެ ޒިންމާއާ އެއްގޮތަށް އިޝްތިހާރުކުރުމަށާއި، ގުދުރަތީ ގޮތުން ނާޒުކު ތަނެއް ދައްކާ ނަމަ އެ ތަނެއްގެ މައުލޫމާތު އިޝްތިހާރުތަކުގައި ހިމަނަން ޖެހެ އެވެ. އަދި ވެލްނަސް ޓޫރިޒަމްގެ އާދަތައް ގެންގުޅޭ ތަންތަނުން އެ އާދަތަކުގެ ހަގީގީ ތަފުސީލުތަކާއި ހެކިތައް، ހާމަކަން ބޮޑުކޮށް ބަޔާންކުރަން ޖެހެ އެވެ.

ޓޫރިޒަމުން ވަނީ ސޯޝަލް މީޑިއާގައި އިޝްތިހާރު ކުރާ ނަމަ އެއީ އިޝްތިހާރެއް ކަން އެނގޭނެހެން ފާހަގަކުރުމަށާއި ހަގީގަތާއި ހިލާފު ފޮޓޮ އާއީ ވީޑިއޯ ނުހިމެނުމަށާއި ފޭކު ރިވިއުތަކާއި ކޮމެންޓުތަކާއި ރޭޓިންތައް ނުހިމެނުމުގެ އިތުރުން އޭއައި ކޮންޓެންޓް ބޭނުންކުރާ ނަމަ އެ ކަން ސާފުކޮށް އެނގޭނެހެން ޑިޖިޓަލް އިޝްތިހާރުތަކުގެ މިންގަނޑު ކަނޑައަޅާފަ އެވެ.

އިޝްތިހާރުތަކުގައި ނަން ބޭނުންކުރުމުގައި ވެސް ގޮތްތަކެއް ކަނޑައަޅާފައިވާއިރު، ވަކިން ރަށެއްގައި ހުންނަ ތަނެއް ނަމަ ބޭނުންކުރެވެނީ ރަށާއި އަތޮޅާއި އޮޕަރޭޓިން ލައިސަންސްގައި އޮންނަ ނަމެވެ. މީހުން ދިރިއުޅޭ ރަށެއްގައި ހިންގާ ތަންތަނުން އިޝްތިހާރުގައި ނަން ބޭނުންކުރާ ނަމަ އަވަށުގެ ނަން ވެސް ޓޫރިސްޓުންނަށް އެނގޭ ވަރަށް މައުލޫމާތު ހިމަނަން ޖެހެ އެވެ.

މި ގަވާއިދާ ހިލާފުވާ ވިޔަފާރިތަކަށް، ގަވާއިދާ ހިލާފު އިޝްތިހާރު ނަގަން 24 ގަޑިއިރު ދިނުމަށް ފަހު އެ ގޮތަށް އަމަލު ނުކޮށްފިނަމަ، ބޮޑެތި ޖޫރިމަނާތައް އާދެ އެވެ. ފުރަތަމަ ފަހަރު ޖޫރިމަނާ ކުރަނީ 10،000ރ. އެވެ. ދެވަނަ ފަހަރު ކުރަނީ 50،000ރ. އެވެ. ތިން ވަނަ ފަހަރު ޖޫރިމަނާ ކުރަނީ 100،000ރ. އެވެ.

ތިން ފަހަރަށް ވުރެ އިތުރަށް މި ގަވާއިދާ ހިލާފު ވެއްޖެ ނަމަ، ލިޔުމުން އެންގުމެއް ނެތި، ގަވާއިދާ ހިލާފުވާ ކޮންމެ ފަހަރަކު އެއް ލައްކަ ރުފިޔާއަށް ވުރެ ބޮޑު ނޫން އަދަދަކުން ޖޫރިމަނާ ކުރުމުގެ ބާރު ޓޫރިޒަމް މިނިސްޓްރީއަށް ލިބެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox