އަލޮންސޯ އަށް ފާޑުކިޔަން އަދި މާ އަވަސް ކަމަށް ބުނެފި

Jul 11, 2025, 2:53 AM
އަލޮންސޯ އަށް ފާޑުކިޔަން އަދި މާ އަވަސް ކަމަށް ބުނެފި

މެޑްރިޑް (ޖުލައި 11) - ފީފާ ކްލަބް ވޯލްޑް ކަޕްގައި ރެއާލް މެޑްރިޑްގެ މެޗުތަކުގެ ނަތީޖާ އަށް ބަލައިގެން އެ ޓީމާ ދާދި ފަހުން ހަވާލުވި ކޯޗު ޒަބީ އަލޮންސޯ އަށް ފާޑުކިޔުމަކީ ރަނގަޅު ގޮތެއް ނޫން ކަމަށް އެ ޓީމުގެ ކުރީގެ މިޑްފީލްޑަރު، ގުޓީ ބުނެފި އެވެ.

ކްލަބް ވޯލްޑް ކަޕާ ދިމާކޮށް އަލޮންސޯ، ރެއާލާ ހަވާލުވީ، ތިން އަހަރުގެ ކޮންޓްރެކްޓެއްގަ އެވެ.

މެޗަކުން ބަލިނުވެ، ކްލަބް ވޯލްޑް ކަޕްގެ ސެމީ ފައިނަލާ ހަމައަށް ދަތުރުކުރި ނަމަވެސް، ސެމީ ފައިނަލުން ވަނީ 4-0 އިން ޔޫރަޕްގެ ޗެމްޕިއަން، ޕީއެސްޖީ އަތުން ބަލިވެފަ އެވެ. އެ ނަތީޖާއާ އެކު، އަލޮންސޯ އަށް ފާޑުކިޔުންތަކެއް އަންނަނީ އަމާޒުވަމުންނެވެ.

Advertisement

ކްލަބް ވޯލްޑް ކަޕްގެ ސްޓްރީމިން ޕާޓްނަރު، ޑެޒްން ސްޕޯޓްސް އަށް ދިން އިންޓަވިއުއެއްގައި، ގުޓީ ބުނީ، ރެއާލްގެ ކޯޗެއްގެ ގޮތުގައި ހުރެ ކުރާ ކޮންމެ މަސައްކަތެއް ވެސް ގިނަ ބަޔަކު އަޅާކިޔާނެކަން އަލޮންސޯ އަށް ވެސް އެނގޭނެ ކަމަށެވެ. އެކަމަކު، މި ވަގުތަކީ އަދި އަލޮންސޯ އަށް ފާޑުކިޔަން އެންމެ އެކަށީގެންވާ ވަގުތެއް ނޫން ކަމަށާއި ސީޒަނެއް ނިމުމަށް ފަހު، ޗުއްޓީ އަށް ދާ ދުވަސްކޮޅެއްގައި އޮތް މުބާރާތެއްގައި، އަލަށް ޓީމަކާ ހަވާލުވެ، އެންމެ ރަނގަޅަށް ކަންކަން ނުގެންދެވޭނެ ކަމަށް ގުޓީ ވަނީ ބުނެފަ އެވެ.

ޕީއެސްޖީގެ ކޯޗު، ލުއިސް އެންރީކޭ ވެސް ވަނީ، އަލޮންސޯ އަށް ރަނގަޅު ޕްރީ ސީޒަނެއް ލިބިގެން ރެއާލްގައި މަސައްކަތް ކުރަން ލިބޭއިރު ތަފާތު ފެންނާނެ ކަމުގެ ޔަގީންކަން އެބައޮތް ކަމަށް ބުނެފަ އެވެ.

ކުރިއަށް އޮތް ދުވަސްތަކުގެ ތެރޭގައި، އަލޮންސޯ އާއި ރެއާލްގެ ރައީސް، ފްލޮރެންޓީނޯ ޕެރޭޒްގެ ބައްދަލުވުމެއް ކުރިއަށްދާ ގޮތަށް ރޭވިފައިވާއިރު، ރެއާލުން ޓްރާންސްފާ މާކެޓްގައި ހަރަކާތްތެރިވާ މިންވަރު އިތުރުވެ، އާ ކުޅުންތެރިން އެ ޓީމަށް ގެންނާނެ ކަމަށް ރިޕޯޓްތައް ބުނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox