ކަސްޓަމްސް އިން 241 ކޮމިޓީއަށް ސައްހަ ނޫން މައުލޫމާތު ދީފައިވާކަން ހާމަވެއްޖެ

241 ކޮމިޓީގެ ބައްދަލުވުމެއްގެ ތެރެއިން. މިއަދުގެ ބައްދަލުވުމުގެ ތެރެއިން ކޮމިޓީގެ މެންބަރުން ވަނީ އިދާރާތަކާ މެދު ކަންބޮޑުވުން ފާޅުކޮށްފައި --- ފޮޓޯ: މަޖިލިސް އިދާރާ

241 ކޮމިޓީގެ ބައްދަލުވުމެއްގެ ތެރެއިން. މިއަދުގެ ބައްދަލުވުމުގެ ތެރެއިން ކޮމިޓީގެ މެންބަރުން ވަނީ އިދާރާތަކާ މެދު ކަންބޮޑުވުން ފާޅުކޮށްފައި --- ފޮޓޯ: މަޖިލިސް އިދާރާ

ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އަށް މޯލްޑިވްސް ކަސްޓަމްސް ސާވިސްއިން ސައްހަ ނޫން މައުލޫމާތު ދީފައިވާކަން ހާމަވެއްޖެ އެވެ.

މިދިޔަ އަހަރު 200 ކާޓަން ސިނގިރޭޓު ވަގަށް އެތެރެކުރި މައްސަލައާ ގުޅިގެން އެ ކޮމިޓީން ބަލަން ފެށި މައްސަލައިގެ ރިޕޯޓަށް މިއަދު ބަހުސް ވަނީ ފަށައިފަ އެވެ. އެ ރިޕޯޓާ ގޮތެއް ނުނިންމައި މިއަދުގެ ކޮމިޓީ ވަނީ ނިންމާލާފަ އެވެ.

އެ ރިޕޯޓު އެކުލަވާލުމުގައި ކޮމިޓީގެ ފަރާތުން އިސްކޮށް ހަރަކާތްތެރިވި ދިއްގަރު ދާއިރާގެ މެންބަރު އަހުމަދު ނާޒިމް ހާމަކުރެއްވި ގޮތުގައި ކަސްޓަމުން އެންމެ ފުރަތަމަ ހިއްސާކުރީ ސައްހަ ނޫން މައުލޫމާތުތަކެކެވެ.

"އަޅުގަނޑު ހަމަ މި ނުކުތާގައި ފާހަގަކޮށްލަން ބޭނުންވޭ އެންމެ ފުރަތަމަ ކަސްޓަމްސްގެ ފަރާތުން މި ކޮމިޓީއަށް ދިން މައުލޫމާތު ވެސް ސައްހަ ނޫން ކަން. ކަސްޓަމްސްގެ ފަރާތުން ކޮންސްޓްރަކްޓް ކޮށްފައި ފޮނުވި ޓައިމްލައިންގައި ހުރި މައްސަލަތައް އެބަހުރި،" ރައްޔިތުންގެ މަޖިލީހުގެ ނައިބު ރައީސްކަން ވެސް ކުރައްވާ ނާޒިމް ވިދާޅުވި އެވެ.

އެކަން ފާހަގަކުރެވުމާއެކު ޓައިމްލައިން ރަނގަޅު ކުރަން ކަސްޓަމްސްއަށް އެންގި ކަމަށާއި އާ ޓައިމްލައިން އެކުލަވާލީ ސީދާ ކަސްޓަމްސްގެ ކޮމިޝަނާ ޖެނެރަލްގެ ބެއްލެވުމުގެ ދަށުން ކަމަށް ނާޒިމް ހާމަކުރެއްވި އެވެ.

"އެންމެ ފުރަތަމަ އަޅުގަނޑުމެންނަށް ދިން ޓައިމްލައިންގައި ވެސް އަޅުގަނޑުމެންނަށް ދިނީ ސައްހަ ނޫން މައުލޫމާތުކަން އެނގިގެން އަޅުގަނޑުމެން ވާނީ އެކަން ކޮމިޝަނާ ޖެނެރަލްގެ ސަމާލުކަމަށް ގެނެސްފައި ސައްހަ މައުލޫމާތު ހޯދާފައި،" އޭނާ ވިދާޅުވި އެވެ.

ކޮމިޓީ ރިޕޯޓުގައި އަލަށް އެކުލަވާލި ސައްހަ ޓައިމްލައިން ވަނީ ހިމަނައިފަ އެވެ.

ރައްޔިތުންގެ މަޖިލީހަށް ނުވަތަ މަޖިލީހުގެ ކޮމިޓީއަކަށް ސައްހަ ނޫން މައުލޫމާތު ދިނުމަކީ ގާނޫނީ ކުށެކެވެ. މިކަމުގައި ޒިންމާވާ ކަސްޓަމްސްގެ އޮފިސަރުންނާ ދެކޮޅަށް އަޅާނެ ފިޔަވަޅެއް އަދި ނޭނގެ އެވެ.

އެ މައްސަލައާ ގުޅިގެން އެކުލަވާލި ކޮމިޓީ ރިޕޯޓުގައި ރެކޮމެންޑޭޝަންތަކެއް ހިމަނާފައި ހުރިއިރު އޭގެ އިތުރުން ވެސް ބައެއް ކަންކަން ތަންފީޒު ކުރަން އަންގަން މެންބަރުން ހުށަހެޅުންތަކެއް ހުށަހެޅުއްވި އެވެ. ނަމަވެސް، އެ ހުށަހެޅުންތަކަށް ކޮމިޓީގައި ވޯޓަކަށް މިއަދު ނާހަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox