ހެކި ނެތް ކަމަށް ބުނެ ފުލުހުން ފައިލްކުރި ޕީއެންސީ ވަގު ފޯމު މައްސަލަ އަލުން ތަހުގީގު ކުރަން އަމުރު ކޮށްދޭން އެދިއްޖެ

ތޯރިގުގެ ނަމުގައި ވަގު ފޯމެއް ޕީއެންސީން އިލެކްޝަނަށް ހުށަހެޅީ މިދިޔަ އަހަރުގެ ނޮވެމްބަރު 22، ގައި -- ފޮޓޯ: އިސްމާއިލް އިމްދާދު / އަދަދު

ތޯރިގުގެ ނަމުގައި ވަގު ފޯމެއް ޕީއެންސީން އިލެކްޝަނަށް ހުށަހެޅީ މިދިޔަ އަހަރުގެ ނޮވެމްބަރު 22، ގައި -- ފޮޓޯ: އިސްމާއިލް އިމްދާދު / އަދަދު

ހެރިޓޭޖް މިނިސްޓްރީގެ ކުރީގެ ސްޓޭޓް މިނިސްޓަރު، މުހައްމަދު ތޯރިގުގެ ނަމުގައި ވެރިކަން ކުރާ ޕީއެންސީން އިލެކްޝަންސް ކޮމިޝަނަށް ހުށަހެޅި ވަގު ފޯމުގެ މައްސަލަ އަލުން ތަހުގީގު ކުރަން އަމުރު ކޮށްދޭން ޕްރޮސެކިއުޓާ ޖެނެރަލްގެ އޮފީހުގައި ތޯރިގު އެދިވަޑައިގެންފި އެވެ.

ޕީޖީ އޮފީހަށް ތޯރިގު މިއަދު ފޮނުވި ސިޓީގައި ބުނެފައި ވަނީ އެ މައްސަލައިގައި ޖިނާއީ ދައުވާއެއް ކުރެވޭ ވަރަށް ހެކި ނެތް ކަމަށް ބުނެ ފައިލް ކުރިއިރު، އެ ފޯމުގައި ސޮއި ކޮށްފައި ވަނީ ކޮންބައެއްކަން ސާފުކޮށް އެނގެން އޮތް ކަމަށެވެ. އަދި އެ ފޯމުގައިވާ މައުލޫމާތު ސައްހަތޯ ބަލައި ޕީއެންސީގެ ފަރާތުން ފޯމުގައި ސޮއިކޮށްފައި ވަނީ ކާކުކަން ވެސް ސާފުކޮށް އެނގެން އޮތް ކަމަށް ތޯރިގުގެ ސިޓީގައި ބުނެފައިވެ އެވެ.

"[އެ ފޯމަކީ] ވަގު ފޯމެއްކަން ފުލުހުން ނިންމާފައިވާއިރު، އެ ފޯމުގައި ދޮގު ހެކި ދީފައި ވަނީ ކޮން ފަރާތެއްކަން ހާމަވާން އޮތުމުން ޕްރޮސެކިއުޓާ ޖެނެރަލްގެ ބަހެއް ނެތި މި މައްސަލައިގައި ޖިނާއީ ދައުވާ ކުރެވޭ މިންވަރަށް ހެކި ލިބިފައި ނުވާ ކަމަށް ނިންމިދާނެ ކަމަށް ގަބޫލެއް ނުކުރަމެވެ،" ތޯރިގު ފޮނުވި ސިޓީގައި ބުނެފައިވެ އެވެ.

"މިހާ ސާފުކޮށް އޮތް މައްސަލައެއްގައި އެކަށީގެންވާ ހެކި ނެތްކަމަށް ބުނެ މައްސަލަ ފައިލްކުރީ މިކަމުގައި ޒިންމާވާން ޖެހެނީ މިއަދުގެ ސަރުކާރު ހިންގާ ޕާޓީ ކަމަށް ވާތީ މިކަމުގެ ތެރެއަށް ސިޔާސީ ނުފޫޒު ވަދެގެން ކަމަށް ދެކެމެވެ،"

ތޯރިގުގެ ސިޓީގައި އެދިފައި ވަނީ އޭނާގެ ނަމުގައި ޕީއެންސީން ހުށަހެޅި ވަގު ފޯމުގެ މައްސަލަ އަލުން ތަހުގީގު ކުރުމަށާއި އެ މައްސަލައިގައި ޝާމިލުވާ އެންމެހާ މީހުންގެ މައްޗަށް ޖިނާއީ ތަހުގީގެއް ހިންގުމަށް ފުލުހުންގެ މައްޗަށް އަމުރު ކޮށްދިނުމަށެވެ. އަދި އޭނާގެ ނަމުގައި ހުށަހަޅާފައިވާ ވަގު ފޯމުގައި ހެކިންގެ ގޮތުގައި ސޮއި ކުރި މީހުންގެ މައްޗަށް ދައުވާ ކޮށްދިނުމަށް ވެސް ތޯރިގުގެ ސިޓީގައި އެދިފައިވެ އެވެ.

ތޯރިގުގެ ނަމުގައި ވަގު ފޯމެއް ޕީއެންސީން އިލެކްޝަނަށް ހުށަހެޅި މައްސަލަ ފުލުހުން ބަލައި ނިންމައި މިދިޔަ އަންގާރަ ދުވަހު އޭނާއަށް ފޮނުވި ލިޔުމުގައި ބުނެފައި ވަނީ ތޯރިގުގެ ނަމުގައި ޕީއެންސީން އިލެކްޝަނަށް ހުށަހެޅި ފޯމަކީ ސައްހަ ފޯމެއް ނޫންކަން ފުލުހުންގެ ތަހުގީގަށް އެނގުނު ކަމަށެވެ. އަދި އެކަން ފުލުހުންގެ މުއައްސަސާއިން އިލެކްޝަންސް ކޮމިޝަނަށް އެންގި ކަމަށް އެ ލިޔުމުގައި ބުނެފައިވެ އެވެ.

ނަމަވެސް އެ ލިޔުން ނިންމައިލަމުން ފުލުހުން ބުނެފައި ވަނީ އެ މައްސަލައިގައި ޖިނައީ ދައުވާއެއް އުފުލޭ ވަރުގެ ހެކި ގަރީނާ ލިބިފައި ނުވާތީ އެ މައްސަލަ މިހާރު ފައިލް ކޮށްފައިވާ ކަމަށެވެ.

"[އިލެކްޝަންސް ކޮމިޝަނުން] ފޯމު ހުށަހަޅާފައިވާ ސިޔާސީ ޕާޓީ 5000ރ. އިން ޖޫރިމަނާ ކޮށްފައިވާ ކަމަށް އަންގާފައި ވާތީ އާއި މި މައްސަލައިގައި ޖިނާއީ ދައުވާ ކުރެވޭ މިންވަރަށް ހެކި ލިބިފައި ނުވާތީ މި ހިދުމަތުގައި މައްސަލަ ފައިލް ކުރެވިފައިވާ ވާހަކަ ދެންނެވިން،" ފުލުހުންގެ ލިޔުމުގައި ބުންޏެވެ.

ފުލުހުން ބުނެފައި ވަނީ ތޯރިގުގެ ނަމުގައި ޕީއެންސީން ހުށަހެޅި ފޯމުގައިވާ އިނގިލީގެ ނިޝާނާއި ތޯރިގުގެ އިނގިލީގެ ނިޝާނާ ދިމާ ނުވާ ކަމަށެވެ. އަދި އެ ފޯމުގައިވާ އިނގިލީގެ ނިޝާން ފުލުހުންގެ ޑޭޓާބޭސްގައިވާ އެއްވެސް އިނގިލީގެ ނިޝާނަކާ ދިމާ ނުވާ ކަމަށެވެ.

ތޯރިގުގެ ނަމުގައި ވަގު ފޯމެއް ޕީއެންސީން އިލެކްޝަނަށް ހުށަހެޅީ މިދިޔަ އަހަރުގެ ނޮވެމްބަރު 22، ގަ އެވެ. އެ ފޯމު އިލެކްޝަނުން ބަލައިގެންއިރު، އެ ފޯމުގައި ޖަހާފައި ވަނީ ވެސް ތޯރިގުގެ ފޮޓޯއެއް ނޫނެވެ. ނަމަވެސް އިލެކްޝަނަށް ހުށަހަޅާ ފޯމާއެކު އައިޑީކާޑުގެ ކޮޕީއެއް ހުށަހަޅަން ޖެހެ އެވެ.

ޕީޖީ އޮފީހަށް ތޯރިގު މިއަދު ފޮނުވި ސިޓީގައި ބުނެފައި ވަނީ އޭނާގެ ނަމުގައި ހުށަހަޅާފައިވާ ފޯމުގައި އޮތް ފޮޓޯ އާއި ސޮއި އޭނާގެ އައިޑީކާޑުގައި އޮންނަ ފޮޓޯ އާއި ސޮއި އާ ސާފުކޮށް އެނގޭ މިންވަރަށް ތަފާތުކަން އެނގޭއިރު، އެ ފޯމު އިލެކްޝަނުން ބަލައިގަނެ ޕްރޮސެސް ކުރުމުން އެނގެނީ ވަގު ފޯމުތަކުގެ ކަންކަން ކުރިއަށް ގެންގޮސްފައި ވަނީ ޕީއެންސީ އާއި އިލެކްޝަންސް ކޮމިޝަން ގުޅިގެންކަން ކަމަށެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox