މިނިސްޓްރީގެ ބޭނުމަށް ސޯސަލް އިންޑޯ ކޯޓު ނެގުމުން ވޮލީ ކްލަބްތަކުގެ ފަރިތަކުރުންތަކަށް އިމާދުއްދީން ސްކޫލް ހޯލު ދީފި

މިދިޔަ އަހަރުގެ ވޮލީބޯޅަ ސީޒަނުގެ މެޗެއްގެ ތެރެއިން.--- ފޮޓޯ: އަތޫފް އާތިފް / އަދަދު ސްޕޯޓްސް

މިދިޔަ އަހަރުގެ ވޮލީބޯޅަ ސީޒަނުގެ މެޗެއްގެ ތެރެއިން.--- ފޮޓޯ: އަތޫފް އާތިފް / އަދަދު ސްޕޯޓްސް

އެޑިއުކޭޝަން މިނިސްޓްރީގެ ބޭނުމަށް ޒުވާނުންގެ މަރުކަޒު (ސޯސަލް ސެންޓަރު) އިންޑޯ ކޯޓު ނެގުމުން ފިރިހެން ވޮލީބޯލް ސީޒަނަށް ފަރިތަކުރުމަށް ކްލަބްތަކަށް އިމާދުއްދީން ސްކޫލް ހޯލު ހަމަޖައްސައިދީފި އެވެ.

އެޑިއުކޭޝަން މިނިސްޓްރީގެ ބޭނުމަށް ޒުވާނުންގެ މަރުކަޒު އެތެރޭ ކޯޓު ނެގުމުން ފިރިހެން ވޮލީބޯޅަ ސީޒަން ފަސްކުރަން ވަނީ ޖެހިފަ އެވެ. އެންމެ ފުރަތަމަ ވޮލީބޯޅަ ސީޒަން ބޭއްވުމަށް ތާވަލުކުރީ މި މަހުގެ ނުވަ ވަނަ ދުވަހު އެވެ.

އެކަމަކު، ބާސްކެޓް ބޯޅައިގެ ބައިނަލްއަގްވާމީ މުބާރާތެއް ބާއްވަން އެ ފަހަރު ވޮލީ ބޯޅަ ސީޒަން ފަސްކުރަން ޖެހުނީ އެވެ. ދެން ވޮލީ ބޯޅަ ސީޒަން ބޭއްވުމަށް ތާވަލުކުރީ މި މަހުގެ 19 ގަ އެވެ. އެކަމަކު، ރައީސުލްޖުމްހޫރިއްޔާ މުހައްމަދު މުއިއްޒު ބައިވެރިވެވަޑައިގަންނަވާ ހަފްލާ އެއް އޮތުމުން، އެޑިއުކޭޝަން މިނިސްޓްރީ އަށް އިންޑޯ ހޯލު ދޭން ޖެހޭތީ، ވޮލީ ސީޒަން ވަނީ މި މަހުގެ 24 ވަނަ ދުވަހަށް ފަސްކޮށްފަ އެވެ.

"އަދަދު ސްޕޯޓްސް"އާ ވާހަކަ ދައްކަވަމުން ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ ރައީސް މުހައްމަދު ލަތީފް (ލަތީބެ) ވިދާޅުވީ، ކުޅިވަރާ ބެހޭ ވުޒާރާއާ އެކު، ކުރެވުނު މަޝްވަރާތަކަށްފަހު މިހާރު، ކްލަބްތަކުން ފަރިތަކުރުމަށް އިމާދުއްދީން ސްކޫލް ހޯލު ލިބިފައިވާ ކަމަށެވެ.

"އަޅުގަނޑުމެން މިނިސްޓަރާއެކު މަސައްކަތް ކުރަމުން މިއައީ، އަޅުގަނޑުމެން ރިކުއެސްޓް ކުރިން އެޑިއުކޭޝަންގެ ބޭނުމަށް ސޯޝަލް ސެންޓަރު ނަގާތީ، ދެން ކިރިޔާ ވެސް އިންޑޯ އެއްގައި ޕްރެކްޓިސް ކޮށްލެވެން މި އޮތް ދެ ކޯޓު ލިބޭނެ ގޮތެއް ހަދައިދޭން. އެއީ އެމްއެންޔޫ ހޯލު ދެން އިމާދުއްދީން ހޯލު. އެ ގޮތުން ކުރެވުނު މަސައްކަތްތަކުން، މިހާރު އިމާދުއްދީން ހޯލު ޓީމުތަކަށް މި އޮތީ ލިބިފައި." ލަތީފް ވިދާޅުވި އެވެ.

ވޮލީބޯލް އެސޯސިއޭޝަނުގެ ކޮންގްރެސްގެ ތެރެއިން އެސޯސިއޭޝަންގެ ރައީސް، ލަތީފް.---- ފޮޓޯ: މިރާޝް ނާޝިމް / އަދަދު ސްޕޯޓްސް

މީގެ އިތުރުން، ލަތީފް ވިދާޅުވީ، މުބާރާތް ފަސްކުރަން ޖެހުމާ ގުޅިގެން ކްލަބްތަކަށް ލިބުނު ގެއްލުން ކުޅިވަރާ ބެހޭ ވުޒާރާއިން ބެލަމުން އަންނާނެ ކަމަށެވެ. އަދި، އެކޮމަޑޭޝަން އާއި އެހިނިހެން ހަރަދުތަކުގެ ތަފްސީލް މިނިސްޓްރީ އަށް ފޮނުވުމަށް އެދިފައިވާ ކަމަށް ލަތީފް ވިދާޅުވި އެވެ.

ޒުވާނުންގެ މަރުކަޒު އެތެރޭ ކޯޓަކީ ރާއްޖޭގައި އޮތް ހަމައެކަނި އިންޑޯ ކޯޓެވެ. މި ކޯޓު ވޮލީގެ އިތުރުން ބާސްކެޓް އަދި ނެޓްބޯޅަ ކުޅުންތެރިން ވެސް ބޭނުންކުރާއިރު، ޓޭބަލް ޓެނިހުގެ އިންޓަނޭޝަނަލް މުބާރާތްތަކާއި ކެރަމް އިންޓަަނޭޝަނަލް މުބާރާތްތައް ހޯސްޓްކޮށްފައިވާއިރު، ގައުމީ ފުޓްސަލް ޓީމުގެ ޕްރެކްޓިހަށް ވެސް ބޭނުންކޮށްފައިވެ އެވެ.

މިދިޔަ ސަރުކާރުން ސޯޝަލް އިންޑޯގެ މަރާމާތުގެ ގިނަ މަސައްކަތްތަކެއްކޮށް، އެތަނަށް ދިމާވެފައި އޮތް ހޫނުގަދަވުމުގެ މައްސަަލަ އަށް ހައްލު ހޯދައިދިން ފަހުން، އެ ތަނުގައި ސަރުކާރާއި އަމިއްލަ ކުންފުނިތަކުގެ އިވެންޓްތައް ބޭއްވޭ ނިސްބަތް ވަނީ އިތުރުވެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox