މެޑްރިޑް، ސްޕެއިން (ޖޫން 2) - ރެއާލް މެޑްރިޑްގެ ކީޕަރު ޓިބައު ކޯޓުއާ އަށް އަނިޔާވެ، ކްލަބް ވޯލްޑް ކަޕުގައި ނުކުޅެވިދާނެ ކަމުގެ ބިރު ހީވެއްޖެ އެވެ.
ކޯޓުއާ އަށް އަނިޔާވިކަން ރެއާލުން ކަށަވަރުކޮށްދީފައިވައިރު، ވޯލްޑް ކަޕް ކޮލިފިކޭޝަނުގައި ބެލްޖިއަމް އިން މި މަހު ކުޅޭ ދެ މެޗުގައި ވެސް ކޯޓުއާ އަށް ނުކުޅެވޭނެ އެވެ.
ރިޕޯޓްތައް ބުނާ ގޮތުން ކޯޓުއާގެ ބުރަކަށްޓަށް ލިބިފައިވާ އަނިޔާ އިން ސަލާމަތްވުމަށް މަދުވެގެން ދެ ހަފުތާ ވާނެ އެވެ. އެހެންކަމަށް ވުމާ އެކު، ކްލަބް ވޯލްޑް ކަޕުގައި މި މަހުގެ 18 ވަނަ ދުވަހު ސައުދީގެ ކްލަބް އަލް ހިލާލްއާ ދެކޮޅަށް ކުޅޭ މެޗުގައި ވެސް ކޯޓުއާ ނުކުޅެވިދާނެ ކަމުގެ ބިރު އެބައޮތެވެ.
މި ފަހުން ކޯޓުއާ އަނިޔާގެ ގިނަ މައްސަލަތަކެއް ކުރިމަތިވަމުން އަންނައިރު، އޭނާގެ ބަދަލުގައި ރެއާލްގެ ދެ ވަނަ ކީޕަރު، އަންޑްރީ ލުނިން ވަނީ ފުރަތަމަ އެގާރައިގައި ހިމެނެ ގިނަ މެޗުތަކެއްގައި ކުޅެފަ އެވެ.
އަދި ލުނިންގެ ފަރާތުން ފެންނަމުން އަންނަ މޮޅު ކުޅުމާއެކު އޭނާގެ ކޮންޓްރެކްޓްވެސް ރެއާލުން ވަނީ އާކޮށްފަ އެވެ.
