މިދިޔަ ސަރުކާރުން ކުރިއަށް ގެންދިޔަ ގެދޮރުވެރިޔާ ސްކީމުގެ ދަށުން ފްލެޓު ލިބޭނެ ކަމަށް އިއުލާންކުރި ލިސްޓުގައި ހިމެނުނު މީހުންނަށް, ފްލެޓުތައް ނިމޭ ވަރަކުން ޖުލައި މަހު ހަވާލުކުރަން ފަށައި، އަންނަ ސެޕްޓެމްބަރު މަހުގެ ނިޔަލަށް 4،000 ފްލެޓު ހަވާލުކޮށް ނިންމާނެ ކަމަށް ސަރުކާރުން ބުނެފި ކަމަށް އިއްޔެ ރިޕޯޓުކުރި އެވެ.
ސަރުކާރުން މިހާރު ނިންމާފައިވަނީ "ޝަރުތު ހަމަނުވާ" މީހުން ލިސްޓުން އުނި ކުރުމަށްފަހު އެ ލިސްޓުގައި ބާކީ ތިބި މީހުންނަށް ފްލެޓު ދިނުމަށެވެ. ރައީސް އޮފީހުގައި އިއްޔެ ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އެކަން އިއުލާނުކުރެއްވީ ހައުސިން އެންޑް ކޮންސްޓްރަކްޝަން މިނިސްޓަރު އަބްދުﷲ މުއްތަލިބު އެވެ.
ނޫސްވެރިންނަށް މައުލޫމާތު ދެއްވަމުން މުއްތަލިބު ވިދާޅުވީ 4،000 ފްލެޓުގެ މިހައިތަނަށް އަމަލީ މަސައްކަތް ނިމިފައިވަނީ 1،000 ފްލެޓުގެ ކަމަށެވެ. އެ ފްލެޓުތަކަށް ފެނާއި ކަރަންޓު އަދި އެހެނިހެން އަސާސީ ހިދުމަތްތައް ދިނުމުގެ މަސައްކަތް މިހާރު ކުރަމުންދާ ކަމަށާއި އެކަންކަން ޖުލައި މަސް ފެށެންވާއިރަށް ނިމޭނެ ކަމަށް ބެލެވޭ ކަމަށް މުއްތަލިބު ވިދާޅުވި އެވެ.
"އެހެންވީމަ ނިމޭ ފްލެޓުތައް ލިބިފައިވާ ފަރާތްތަކަށް އިސްކަންދީގެން އެގްރީމެންޓް ހެދުމުގެ މަސައްކަތް އަޅުގަނޑުމެން ފަށައިގެން ކުރިއަށް ގެންދާނަން. އަޅުގަނޑުމެންގެ އަމާޒަކީ ޖުލައި މަހުގެ ނިޔަލަށް އިތުރު 1،000 ފްލެޓު ނިންމާ އަދި ސެޕްޓެމްބަރުގެ ނިޔަލަށް 4،000 ފްލެޓުގެ މަސައްކަތް އެއްކޮށް ނިންމައި ބޯހިޔާވަހިކަމުގެ މަސައްކަތް ނިންމުމަށް،" މުއްތަލިބު ވިދާޅުވި އެވެ.
titledesc
ނަމާދު ވަގުތު
- ފަތިސް 04:34
- އިރުއަރާ 05:51
- މެންދުރު 12:07
- އަޞްރު 15:30
- މަޣްރިބް 18:16
- ޢިޝާ 19:33
