ޕީއެސްއެމްގެ އެމްޑީ މުސާރަ ނަންގަވައިގެން ދިރިއުޅެނީ މެލޭޝިޔާގައި، ކުންފުނި ހިންގަނީ ޑީއެމްޑީ

ޕީއެސްއެމްގެ މެނޭޖިން ޑިރެކްޓަރު، އިބްރާހިމް ނަސްރީން، އޭނާ މެލޭޝިޔާގައި ހުންނަވަނީ ޕީއެޗްޑީއަށް ކިޔަވާ ވިދާޅުވާން -- ފޮޓޯ: ރައީސް އޮފީސް

ޕީއެސްއެމްގެ މެނޭޖިން ޑިރެކްޓަރު، އިބްރާހިމް ނަސްރީން، އޭނާ މެލޭޝިޔާގައި ހުންނަވަނީ ޕީއެޗްޑީއަށް ކިޔަވާ ވިދާޅުވާން -- ފޮޓޯ: ރައީސް އޮފީސް

ޕަބްލިކް ސާވިސް މީޑީއާ (ޕީއެސްއެމް) ހިންގުމުގެ އެންމެހައި ޒިންމާތައް ޑެޕިއުޓީ މެނޭޖިން ޑިރެކްޓަރާ ހަވާލު ކުރުމަށްފަހު، މެނޭޖިން ޑިރެކްޓަރު، އިބްރާހިމް ނަސްރީން މުސާރަ ނަންގަވައިގެން ހުންނަވަނީ މެލޭޝިޔާގައިކަން އެނގިއްޖެ އެވެ.

އިތުބާރު ހުރި މަސްދަރަކުން އަދަދު އާ ވާހަކަ ދައްކަމުން ބުނީ ނަސްރީން ހުންނަވަނީ މެލޭޝިޔާގައި ޕީއެޗްޑީއަށް ކިޔަވަން ކަމަށެވެ. އަދި ކުންފުނި ހިންގުމުގެ އެންމެހައި ކަންކަން ރަސްމީކޮށް ހަވާލު ކޮށްފައި އޮންނަނީ ޕީއެސްއެމްގެ ޑެޕިއުޓީ މެނޭޖިން ޑިރެކްޓަރު، ޔާމީން ރަޝީދުއާ ކަމަށް އޭނާ ބުންޏެވެ.

"މެލޭޝިޔާގައި ހުންނަނީ، ޕީއެޗްޑީއަށް ކިޔަވަން، މުސާރަ ވެސް ލިބޭނެ. އެކަމަކު ހުރިހާ ފޯމަލިޓީސްއެއް ނިންމާފައި އޮތީ ހިންގުން ޑީއެމްޑީއާ ހަވާލުކޮށްފައި،" މި ނޫހާ ވާހަކަދެއްކި މީހާ ބުންޏެވެ.

ނަސްރީން މެލޭޝިޔާއަށް ވަޑައިގެންނެވީ ޕީއެސްއެމްގެ އެމްޑީކަމަށް އައްޔަނުކުރިތާ ދެތިން މަސްފަހުން ކަމަށް މި ނޫހާ ވާހަކަދެއްކި މީހާ ބުންޏެވެ.

"ދެތިން މަހެއްވަރު ފަހުން އެކޮޅަށް ދިޔައީ، މިހާރު ވެސް ދޭތެރެއަކުން އަންނާނެ ރާއްޖެ، އައިސް ދެ ދުވަހެއްވަރު މަޑުކޮށްލާފައި ދާނީ،" މި ނޫހާ ވާހަކަދެއްކި މީހާ ބުންޏެވެ.

ޕީއެސްއެމްގެ މެނޭޖިން ޑިރެކްޓަރުގެ މަގާމަށް ނަސްރީން އައްޔަނުކުރީ އެ މަގާމުގައި ހުންނެވި މުހައްމަދު ސައީދު މިދިޔަ ޑިސެމްބަރު 17، ގައި އިސްތިއުފާ ދެއްވުމުންނެވެ. ނަސްރީންއަކީ ޕީއެސްއެމްގެ މެނޭޖިން ޑިރެކްޓަރުކަމަށް މި ސަރުކާރުން އައްޔަނުކުރި ތިންވަން ބޭފުޅާ އެވެ.

ޕީއެސްއެމްގެ މެނޭޖިން ޑިރެކްޓަރުކަމަށް މި ސަރުކާރުން އެންމެ ފުރަތަމަ އައްޔަނުކުރީ ޒީނާ ޒާހިރު އެވެ. ނަމަވެސް ޕީއެސްއެމްގެ ހިންގުމަށް ސަރުކާރުން ގެންނަން ބޭނުންވާ ބަދަލުތަކުގެ އިރުޝާދު ދީފައި އޮއްވައި ކުރިމަތިވި ޕްރެޝަރުތަކާ ހުރެ އެ ކުންފުނީގެ އެމްޑީކަމުން ޒީނާ އިސްތިއުފާ ދެއްވީ އޯގަސްޓު 24، ގަ އެވެ.

ޕީއެސްއެމްގެ ހިންގުމާ ޒީނާ އާއި ސައީދު ހަވާލުވެވަޑައިގެން ހުންނެވިއިރު ވެސް މަގާމުގެ މަސްއޫލިއްޔަތާ ފުށުއަރާ ކަންތައްތަކެއް ކުރައްވަމުން ގެންދެވި އެވެ. އެގޮތުން ޕީއެސްއެމް ހިންގުމާ ހަވާލުވި ދުވަހުން ފެށިގެން ވެސް އޭނާ ގެންދެވީ އޭނާގެ އަމިއްލަ ނޫސް، ޒީޓައިމްސް ހިންގަވަމުންނެވެ.

އެއަށްފަހު އެ މަގަމާ ހަވާލުވެވަޑައިގެންނެވި ސައީދު، ޕީއެސްއެމް ހިންގެވީ ވޮލީ އެސޯސިއޭޝަން އޮފް މޯލްޑިވްސްގެ ޖެނެރަލް ސެކްރެޓަރީގެ މަގާމު ވެސް ފުރުއްވަމުންނެވެ. އެކަމާ ގުޅިގެން ގިނަ ބައެއްގެ ނުރުހުން ވެސް އޭނާއަށް އަމާޒުވި އެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން އެކުލަވާލައިފައި އޮންނަ އެސްއޯއީތަކުގެ ކޯޑް އޮފް ކޯޕަރޭޓް ގަވަނެންސްގައި ބަޔާން ކޮށްފައި އޮންނަ ގޮތުން އެސްއޯއީއެއްގެ މެނޭޖިން ޑިރެކްޓަރަކީ އެ ކުންފުންޏަކުން ކަނޑައަޅާފައިވާ މާލީ އަދި ހިންގުމުގެ ލަނޑުދަނޑިތައް ހާސިލު ކުރެވޭނެ ގޮތަކަށް ދުވަހުން ދުވަހުގެ އެންމެހައި މަސައްކަތްތައް ތަރުތީބުވެފައިވާކަން ކަށަވަރު ކުރަންޖެހޭ ބޭފުޅާ އެވެ.

އޭގެއިތުރުން ކުންފުނި ހިންގުމުގައި ދުވަހުން ދުވަހަށް ދިމާވާ އެންމެހައި ކަންކަމުގައި ކުންފުނީގެ ޗީފް ސްޕޯކްސްޕާސަންއެއްގެ ދައުރު ވެސް އަދާ ކުރަން ޖެހެނީ އެމްޑީ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox