ހުލާސާކޮށް އިއްޔެ: މުއިއްޒުގެ "ހާއްސަ އެލަވަންސް"

"ރައްޔިތުންނާ އެކު" ޕޮޑްކާސްޓުގައި ރައީސް މުހައްމަދު މުއިއްޒުއާއެކު، އެ ޝޯގެ ހުށަހަޅައިދެއްވި، ޕީއެސްއެމްގެ މިހާރުގެ އެމްޑީ އަހުމަދު ޝަކީބު. -- ފޮޓޯ: ރައީސް އޮފީސް

"ރައްޔިތުންނާ އެކު" ޕޮޑްކާސްޓުގައި ރައީސް މުހައްމަދު މުއިއްޒުއާއެކު، އެ ޝޯގެ ހުށަހަޅައިދެއްވި، ޕީއެސްއެމްގެ މިހާރުގެ އެމްޑީ އަހުމަދު ޝަކީބު. -- ފޮޓޯ: ރައީސް އޮފީސް

ދައުލަތުގެ މީޑިއާ، ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް އަހުމަދު ޝަކީބު އައްޔަންކުރުމުގެ ކުރިން، ރައީސް އޮފީހުން ރައީސް މުހައްމަދު މުއިއްޒު ދެއްވާ ހާއްސަ އެލަވަންސްއަކާއެކު އޭނާގެ ޖުމުލަ މުސާރަ 70،000ރ. އަށް ބޮޑުކޮށްފައިވާމަކަށް އިއްޔެ ރިޕޯޓުކުރި އެވެ.

ޕީއެސްއެމްގެ ގާނޫނު ބުނާ ގޮތުން އެ މުއައްސަސާއަކީ އެއްވެސް ފަރާތެއްގެ ނުފޫޒެއް ނެތް، އެޑިޓޯރިއަލް މިނިވަންކަން އޮތް ތަނަކަށް ވާންޖެހޭއިރު، މުސާރައިގެ ބޮޑު ބައެއް ރައީސް އޮފީހުގެ "ހާއްސަ އިނާޔަތެއްގެ" ގޮތުގައި ކަނޑައެޅުމަކީ ގާނޫނުގެ ރޫހާ ހިލާފު ކަމެކެވެ.

ރައީސް މުހައްމަދު މުއިއްޒުއާއެކު "ރައްޔިތުންނާ އެކު" ޕޮޑްކާސްޓު ގެނެސްދެއްވި ޝަކީބު ޕީއެސްއެމްގެ މަގާމާ ހަވާލުވެވަޑައިގަތުމުގެ ކުރިން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) މެދުވެރިކޮށް އޭނާގެ މުސާރައަށް ބަދަލު ގެނައި ކަމަށް، އިތުބާރުކުރެވޭ މަސްދަރުތަކުން ބުންޏެވެ.

ގެއްލުމުގައި ހިންގާ ޕީއެސްއެމްގެ އެމްޑީގެ މުސާރަ ބޮޑުކުރުމަށް ރައީސް އޮފީހުގެ ހާއްސަ އެލެވަންސްގެ ގޮތުގައި ހިމަނާފައި ވަނީ 31،000ރ. ކަމަށް އަދަދު ނޫހަށް އެނގިފައިވެ އެވެ.

މިއީ ރާއްޖޭގެ ތާރީހުގައި ވެސް ސަރުކާރު ކުންފުންޏެއްގެ އެމްޑީއެއްގެ މުސާރައިގެ ތެރެއަށް ރައީސުލްޖުމްހޫރިއްޔާގެ ފަރާތުން މިފަދަ ހާއްސަ އެލަވަންސެއް އިތުރުކުރި ފުރަތަމަ ފަހަރެވެ. ނަމަވެސް މިކަން ސަރުކާރުން، އަދި ޕީއެސްއެމްއިން ވެސް ޕީސީބީން ވެސް ހާމައެއް ނުކުރެ އެވެ.

މިދިޔަ ޑިސެންބަރު މަހު ޝަކީބު ޕީއެސްއެމްއާ ވަޑައިގަތުމުގެ ކުރިން އެ ކުންފުނީގެ އެމްޑީގެ މުސާރަ އަކީ 40،000ރ. އެވެ.

ޕީއެސްއެމްއަށް ގާނޫނާ ހިލާފު ނުފޫޒެއް؟

ޕީއެސްއެމްގެ އެމްޑީގެ މުސާރަ ސީދާ ރައީސް އޮފީހުގެ ނިންމުމަކަށް ބިނާވެފައި އޮތުމަކީ ޕީއެސްއެމްގެ ގާނޫނާ ކަނޑައެޅިގެން ހިލާފު ކަމެއް ކަމަށް ބެލުމުގެ ޖާގަ އެބައޮތެވެ. ޕީއެސްއެމްގެ ގާނޫނުގެ 6 ވަނަ މާއްދާގައި ބުނެފައި ވަނީ ޕީއެސްއެމްއަކީ ނުފޫޒުން އެއްކިބާވެފައިވާ، އެޑިޓޯރިއަލް މިނިވަންކަން ފުރިހަމައަށް ލިބިފައިވާ މުއައްސަސާއެއްގެ ގޮތުގައި ބޭއްވުމަށް ހުރިހާ ފަރާތަކުންވެސް މަސައްކަތްކުރަންވާނެއެވެ. އަދި ސިޔާސީ، މާލީ، އިދާރީ ނުވަތަ އެނޫން ގޮތަކުންވެސް ބާރެއް ނުވަތަ ހައިސިއްޔަތެއް ލިބިފައިވާ އެއްވެސް ފަރާތަކުން، ޕަބްލިކް ސަވިސް މީޑިއާގެ މައްޗަށް ސީދާކޮށްވެސް އަދި ނުސީދާކޮށްވެސް ނުފޫޒު ފޯރުވަން މަސައްކަތްކޮށްގެން ނުވާނެއެވެ.

މީގެ އިތުރުން، ވަކި ފަރާތެއްގެ ސިޔާސީ ނުވަތަ ޒާތީ މަސްލަހަތު ހިމާޔަތްކުރުމަށްޓަކައި ހަމަހަމަކަމުން އެއްކިބާވެފައިވާ އަމަލެއް ހިންގައިގެން ނުވާނެ ކަމަށްވެސް ގާނޫނު ލާޒިމުކުރެއެވެ. ނަމަވެސް، އެމްޑީގެ މުސާރައިގެ ދެބައިކުޅަ އެއްބަޔާ ގާތްކުރާ އަދަދެއް ރައީސްގެ "މުރުވަތްތެރިކަމެއްގެ" ގޮތުގައި އޮތުމަކީ، މުއައްސަސާގެ އެޑިޓޯރިއަލް މިނިވަންކަމަށް އޮތް ސީދާ ނުފޫޒެކެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox