ސުޕްރީމް ކޯޓުގެ ފަނޑިޔާރުންނާ ދެކޮޅަށް ހެކިބަސް ދިން، ހައިކޯޓުގެ އެސިސްޓެންޓް ރެޖިސްޓްރާ ހުސެއިން މުހައްމަދު ހަނީފުއަށް ފެނަކައިން މަތީ މަގާމެއް ދޭން ސަރުކާރުން ނިންމާފައިވާކަން ކަމަށް އިއްޔެ ރިޕޯޓުކޮށްފައިވެ އެވެ.
ހަނީފްއަށް ފެނަކައިން ދޭން ނިންމާފައި ވަނީ ސީދާ ކޮން މަގާމެއް ކަމެއް އަދި ސާފެއް ނުވެ އެވެ. ނަމަވެސް ފެނަކައިން ހަނީފްއަށް ވަޒީފާ ދޭން ނިންމާފައިވާކަން އެ ކުންފުނީގެ އޮފިޝަލެއް ވެސް އަދަދު އަށް ކަށަވަރު ކޮށްދެއްވި އެވެ.
ފެނަކައިން ވަޒީފާ ދޭން ނިންމުމާއެކުު ހަނީފް މިހާރު ވަނީ އޭނާ ހުރި މަގާމުން އިސްތިއުފާ ދެއްވާފައި ކަމަށް އެކަމުގެ މައުލޫމާތު އެނގޭ މީހަކު ކަށަވަރު ކޮށްދެއްވި އެވެ.
ސުޕްރީމް ކޯޓުގެ ފަނޑިޔާރުކަމުން ޑރ. އަޒްމިރަލްދާ އާއި މަހާޒް އަލީ ޒާހިރުގެ އިތުރުން އެ ކޯޓުގެ ފަނޑިޔާރުކަމުން މިހާރު އިސްތިއުފާ ދީފައިވާ ހުސްނުއްސުއޫދު ސަސްޕެންޑު ކުރީ ހައި ކޯޓުގެ ރެޖިސްޓްރާގެ މަގާމުގައި ހަނީފް ހުންނެވިއިރު، މައްސަލައަކާ ގުޅިގެން ސުޕްރީމް ކޯޓަށް ލިބެންޖެހޭ މުހިންމު ލިޔެކިޔުންތަކެއް ފޯރުކޮށްދިނުމަށް އޭނާ ދެކޮޅު ހަދައިގެން ސުޕްރީމް ކޯޓަށް ހާޒިރުކޮށް ޖަވާބުދާރީ ކުރުވި މައްސަލައިގަ އެވެ.
އިތުބާރު ހުރި މަސްދަރުތަކުން އެނގިފައިވާ ގޮތުގައި އެ މައްސަލައިގައި ދެ ފަހަރެއްގެ މަތިން ޖުޑީޝަލް ސާވިސް ކޮމިޝަނަށް ހަނީފް ހާޒިރު ކުރި އެވެ. އެއީ ފަނޑިޔާރުންގެ މައްސަލަ ކުރިއަށް ގެންދާނެ ގޮތެއް ނިންމި ކޮމިޓީއަށާއި މައްސަލައިގެ ތަހުގީގަށެވެ.
މައްސަލައިގެ ތަހުގީގުގައި ހަނީފް ދެއްވި ބަޔާނުގައި ތިން ފަނޑިޔާރުންނާ ދެކޮޅަށް ހެކިބަސް ދެއްވި ކަމަށް އެނގިފައިވެ އެވެ.
titledesc
ނަމާދު ވަގުތު
- ފަތިސް 04:38
- އިރުއަރާ 05:52
- މެންދުރު 12:06
- އަޞްރު 15:24
- މަޣްރިބް 18:13
- ޢިޝާ 19:28
