ޔުމްނު ވެއްޓުމުގެ ތަހުގީގާ ގުޅޭ އިންކުއަރީއެއް ހިންގަން ގޮވާލައި މާލެ ސިޓީ ކައުންސިލުން ބަޔާނެއް ނެރެން ހުށަހަޅައިފި

ސައިފް ފާތިހު މާލޭގެ މޭޔަރުކަމަށް ވާދަކުރައްވައި ކުރެއްވި ކެމްޕޭނުގެ ތެރެއިން ބަޔަކާ މުހާތަބުކޮށް ވާހަކަދައްކަވަނީ -- ފޮޓޯ: ރައީސް އޮފީސް

ސައިފް ފާތިހު މާލޭގެ މޭޔަރުކަމަށް ވާދަކުރައްވައި ކުރެއްވި ކެމްޕޭނުގެ ތެރެއިން ބަޔަކާ މުހާތަބުކޮށް ވާހަކަދައްކަވަނީ -- ފޮޓޯ: ރައީސް އޮފީސް

މި މަހުގެ 18 ވަނަ ދުވަހު ހ. ފެންޓެނޯއީގެ ނުވަ ވަނަ ފަންގިފިލާއިން ވެއްޓުނު ހައްވާ ޔުމްނު ރަޝީދު 21، އަށް އިންސާފު ހޯދައިދިނުމަށް މާލޭގައި ކުރިއަށް ގެންދާ މުޒާހަރާތަކަށް ހިތްވަރު ދިނުމަށާއި މުޒާހަރާގެ ބައިވެެރިންގެ ފަރާތުން އައްޔަނުކުރާ މަންދޫބުން ހިމަނައިގެން އެ މައްސަލައިގައި ސަރުކާރާއި ފުލުހުން އަމަލު ކޮށްފައިވާ ގޮތުގެ މިނިވަން އިކުއަރީއެއް ހިންގަން ގޮވާލައި މާލެ ސިޓީ ކައުންސިލު ބަޔާނެއް ނެރެން ފާސްކޮށްދިނުމަށް އެދި ހުށަހަޅައިފި އެވެ.

އެފަދަ ބަޔާނެއް ނެރެން ފާސްކުރުމަށް އެދި މާލެ ސިޓީގެ މޭޔަރު، އާދަމް އާޒިމްއަށް ސިޓީއެއް ފޮނުއްވީ ގަލޮޅު އުތުރު ދާއިރާގެ ކައުންސިލަރު، މުހައްމަދު ސައިފް ފާތިހު އާއި ގަލޮޅު ހުޅަނގު ދާއިރާގެ ކައުންސިލަރު، މަރިޔަމް ނާޒިމާ މުހައްމަދު ފާއިޒު އެވެ.

އެ ދެ ބޭފުޅުން ސޮއި ކުރައްވައި އާޒިމްއަށް ފޮނުއްވި ސިޓީގައި އެދިފައި ވަނީ ޖުމުލަ ހަތަރު ކަމެއް ހާސިލު ކުރުމަށެވެ. އޭގެތެރޭގައި ޔުމްނު ވެއްޓުނު ހާދިސާއާ ގުޅިގެން ހިނގާ ކަންކަމާ ގުޅިގެން ސަރުކާރަށް ގޮވައިލާ ގޮވައިލުންތައް ހިމެނެ އެވެ.

މާލެ ސިޓީ ކައުންސިލުގެ ނެރޭ ބަޔާނުގައި ހިމަނަން އެ ސިޓީގައި އެދިފައި ވަނީ:

  • އިންސާފު ހޯދަން ހިންގާ ހަރަކާތްތަކަށް މާލޭގެ މަގުތަކާއި ހުސް ޖާގަތަކާއި ޕާކުތައް ހުޅުވިގެންވާކަން އޮޅުމެއް ނެތި ބަޔާންކޮށް އިންސާފަށް އެދި ގޮވާ އަޑުތަކަށް ހިތްވަރު ދިނުން
  • އިންސާފަށް އެދި ކުރިއަށް ގެންދާ އެއްވެސް ހަރަކާތަކަސް ހުރަސް ނޭޅުމަށް ސަރުކާރަށް ގޮވައިލުން'
  • ސަރުކާރުގެ ނުފޫޒު ގަދަ ބައެއްގެ ގާތްތިމާގެ ބަޔަކު މީހުން ފިލުވުމާއި ރެކުވުމާއި ސަލާމަތްކުރަން ފުލުހުން އަމަލުކޮށްފައި ވާގޮތުން ތަހުގީގުގެ އިތުބާރު ގެއްލިފައިވާކަން ފާހަގަކޮށް އިންސާފުވެރިކަމާއި ޕްރޮފެޝަނަލް މިންގަޑުގައި ދެފުށް ފެންނަ ގޮތުގައި ހިންގާން ސަރުކާރާއި ފުލުހުންނަށް ގޮވައިލުން
  • ޔުމްނު ވެއްޓުނު ހާދިސާގެ ތަހުގީގުގައި ސަރުކާރާއި ފުލުހުން އަމަލު ކޮށްފައިވާ ގޮތުގެ މިނިވަން އިންކުއަރީއެއް، މުޒާހަރާގެ ބައިވެރިންގެ ފަރާތުން ނޮމިނޭޓު ކުރާ މަންދޫބުން ހިމަނައިގެން ކުރިއަށް ގެންދަން ސަރުކާރަށް ގޮވައިލުން

ސައިފް އާއި ނާޒިމާގެ ފަރާތުން އެދިފައި ވަނީ އެ ކަންކަމަށް ގޮވާލައި މާލެ ސިޓީ ކައުންސިލުން ބަޔާނެއް ނެރުމަށް މާލެ ސިޓީ ކައުންސިލުގެ ޖަލްސާއަކުން ނުވެއްޖެ ނަމަ، އެކަން ކުރުމަށް ރުހޭ ކައުުންސިލަރުންގެ ސޮއި އާއެކު އެފަދަ ބަޔާނެއް އާންމުކުރުމުގެ ފުރުސަތު ފަހިކޮށްދިނުމަށެވެ.

އެފަދަ ބަޔާނެއް މާލެ ސިޓީ ކައުންސިލުން ނެރެން ފާސްކުރުމަށް އެދި ސައިފް އާއި ނާޒިމާ ހުށަހެޅުއްވީ ޔުމްނުއަށް އިންސާފު ހޯދައިދޭން މާލޭގައި ކުރިއަށް ގެންދާ މުޒާހަރާތަކާ ގުޅިގެން އެ ކައުންސިލުގެ މައްޗަށް ގާނޫނީ ވާޖިބުތަކެއް ހުރިކަމަށް ފެންނާތީ ކަމަށް އެ ސިޓީގައި ބަޔާން ކޮށްފައިވެ އެވެ.

ޔުމްނުއަށް އިންސާފު ހޯދައިދިނުމަށް ގޮވާލައި މާލޭގައި މުޒާހަރާ ކުރަން ފެށީ މިދިޔަ ބުދަ ދުވަހުގެ ރޭ އެވެ. އެއަށްފަހު މިދިޔަ ދެ ރޭ ވެސް ޒުވާނުން ވަނީ ޔުމްނުއަށް އިންސާފު ހޯދައިދޭން ގޮވާލައި މުޒާހަރާ ކޮށްފަ އެވެ.

މުޒާހަރާގެ ބައިވެެރިން ގޮވައިލަމުން ދަނީ އެ މައްސަލައިގައި ދެފުށް ފެންނަ ތަހުގީގެއް ހިންގުމަށާއި ތުހުމަތު ކުރެވޭ އެންމެންނާ މެދު ވެސް ހަމަހަމަކޮށް ކަން ކުރުމުގެ އިތުރުން މިހައިތަނަށް ކަންހިނގައިދިޔަ ގޮތުގެ ޒިންމާ ނަގައި ހޯމް މިނިސްޓަރު، އަލީ އިހުސާން އާއި ޕޮލިސް ކޮމިޝަނަރު، ސުޖާއު އަލީ އަދި ޓްރާންސްޕޯޓު މިނިސްޓަރު، މުހައްމަދު އަމީން އިސްތިއުފާ ދެއްވުމަށެވެ.

ނަމަވެސް އެ ޑިމާންޑުތަކަށް ސަރުކާރުން މިހައިތަނަށް އެއްވެސް ސިފައެއްގައި ޖަވާބުދާރީވެފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox